طرف ثالث

البارت السادس عشر

رواية
#طرف_ثالث
الكاتبة ندى البياتي 

البارت السادس  عشر 
لاتنسون التصويت
والتعليق بين الفقرات

🦋🦋🦋🦋

هجرس : لك انت المثلك هسة يطم روحه بالتراب وانت جاي تدور فلوس

عبدالله : لاتخاف طميتهة اريد الفلوس حتى نشيل منا

هجرس : تمام  راح ادزلك اياهن بس ما اريد اشوف خلقتك بالمحافضة كلها واذا فتحت حلگك لأي بشر  راح تجبرني اشوفك وجهي الحقيقي وما ارحمك 

عبدالله : ماراح افتح حلگي هي تلبست بية بعد صغرت بعين ولدي واهلي

" عودة بالأحداث "

هجرس : من يوم الي اتعاركنا اني وكافل  علمود هاي البنية الي گاعدة بشقتي  و  وصل الخبر لأبوي  ورزلني لأن  صرت اني الغلطان بنظره
واضطريت اعتذر منه 

اني ما جنت خايف منه،  ولا ندمان على  الي سويته بس ما ردت هذا كافل يلزم علي لزمة 

ويخليني  ابين جدام ابوي ادور مشاكل  و يصير هو خوش رجال  ولا هم  اثنينهم ابوي وكافل ما اللبسهم برجلي 

بقيت ادور ورة  الموضوع خليت هاي البنية براسي ردت اعرف مني هاي  وليش كافل هلگد جتفه حامي عليها ويدافعلها اكيد اكو سر مايريد يگوله  جنت رايد معلومات عنها حتى اعرف شلون ابدي بضربتي 

بس بعد الصار ويا فداء هناك بالعمارة  ما عندي احد ثقة اكدر اخذ مزه حجي 

وسموعة مخبلة تريد اتزوج بنتها  بحيلتها ماتدري دروبهة ذني اقدم من جدي ومايمشن علي  بس جنت متونس وياهة

حلوة وتدلع  وعنيدة متنطي مجال بسهولة و اني  اكثر شي احبه بالبنات هو التحدي  البنت الي تعلن تحديها علي اخليها براسي لحد ما امل منها

مع العلم  اني جنت اكدر اخذ الأريده منها بأول يوم بس عجبني اللعب وياهة واكيد بمقابل لو ما دافع الها جان عافتني لأن علاقتهة جانت علمود الفلوس وبس

لأن من الأساس ما اكو لا حب ولا بطيخ حتى البنت  الحبيتهة  من صدگ طلعت نفس الصنف  بجم فلس من ابوي عافتني و راحت  ولا سألت على ايامنا

فـ ما جان عندي غير اخابر حجي عبدالله  اخذ معلومات منه عن هاي البنية وحجالي الي يعرفه عنها هي تقرب لمهند الي جان ساكن ببيت جدي تالي اخذله وحدة حال ومال وفلت من الفگر  وعاش بخيرها

محد يكدر يقاوم الفقر والذل الي متمسك بيه جدي  ما اعرف شوكت يعرف هاي مبادئه ماتمشي ويا جيلنا احنى نريد فلوس ورفاهية وهو مجلب بزمن القديم  ولازگ بالتزهد والفقر وتعالو غصبًا عليكم تعيشون وياي احسن شي سواه ابوي طلع منه  واسس حياة لنفسه

ارجع لسالفتي وصيت حجي عبدالله  يوصلي اخبارهة اول بأول وين تطلع  ومن وين تجي  وليش ساكنة وحدهة  ماردت   يغفل عنه اي شي عنها ردت اعرف صدك تقرب لمهند لو حتى مهند صارت عنده سوالف  ومكسرات من جوة راس مرته الشايفة نفسها