طرف ثالث

البارت الواحد والعشرين

#طرف_ثالث
الكاتبة ندى البياتي

البارت  الواحد و العشرين
لاتنسون التصويت
والتعليق بين الفقرات

........

نارفين
دخل عمو  مهند للغرفة من بعد ما اجاه اتصال  واترخص من الحجي گاله مستعجل رايد اروح بس شكله ابد ما جان يطمن  خايف ومتوتر  گامو وياه يوصلونه للباب  واني هم كمت وراهم  ردت اسأله ليش هيج انگلب گبل شوي مابيه شي  

بس ما وگف سلم عليهم عالسريع وراح   وضعه خوفني اكيد صاير شي  مو زين  انتبهتلي خالتي بشرى

بشرى : شبيج يكلبي شو شكلج خايفة

نارفين : خالة  ما شفتي عمو مهند شلون جان متوتر وخايف ورة هذا الاتصال اكيد صاير شي مو زين گلبي حاسني  اكو شي

بشرى : لا لا ما صاير شي  انتي صايرة بيج خوفة اي شي عبالج صاير شي مو زين  اشو تعالي خل اطلع خوفتج  وراح تصيرين زينة ترة الخوفة من تبقى بيج راح تسببلح وسواس قهري

نارفين : شلون تطلعينها مني

بشرى : امشي مددي بغرفتج  هسة اجيج

نارفين

بقيت واكفة ما تحركت عاطت علي حتى اروح للغرفة وهي لحگتني  ورجعت طلبت مني امدد  سويت مثل ما تريد مدد وهي كعدت بين رجلي ورفعت ثوبي 

رأسًا نزلته وكعدت على ضهري بتوجس اجى على بالي ذيج الليلة ويا جاهد حجيت بخوف  : خالة شتسوين

بشرى : غير اشوف دماراتج الي بفخاذج حتى  اعرف خايفة لو لا

نارفين : ما اريد  هيج   ما اريد تطلعين لي خوفتي

بشرى : صفي نيتج يمة شنو خايفة مني ترى اني كلها تجيب يمي جهال وكبار اطلع خوفتهم  ويكومون مثل الحصن يخوفون وما يخافون 

نارفين
استسلمت لكلامهة ورجعت مددت لزمتني من فخاذي الفوگ ولزمتهم قوي اني ما اعرف بهاي السوالف اول مرة اعرف احد هيج يطلع الخوفة الي اعرفه الواحد يروح على سيد لو شيخ ويرقي عليه  گتلها خالة اول مرة اعرف هيج الواحد يطلع الخوفة

بشرى : اني هيج اطلع الخوفة ماخذة هاي العطوة من  جداتنا كبل مجربة دشوفي  شوفي  دماراتج  شلون صايرات فروخ ينبضن  من الخوف 

نارفين 
تعصر بيهن وتحجي بأسى على حالي بين ما اني اتحسس من هاي المنطقة تدغدغي ورأسا اكوم اضحك  ما اتحمل من شافتني اضحك ما اتحملت ضربتني على فخذي

بشرى : وجع كون وجع خل اطلع خوفتج كاف تگركرين

نارفين
كتمت ضحكتي وكتلها  يلا راح اسكت  بقت بالعشر دقايق هي ضاغطة على دماراتي وهنة ينبضن جو ايدها وما اعرف شتقرى انوب كالت لي  انگلبي على بطنج  انگلبت اخذت ايدي اليمين ورجلي اليسرة وطابكتهن سوة كتلها خالة جاي تطلعين خوفتي لو  مدخلتني تعذيب  راح تسگطيني