طرف ثالث

البارت العاشر

رواية
#طرف_ثالث
الكاتبة ندى البياتي

البارت العاشر
لاتنسون التصويت
والتعليق بين الفقرات

......

هجرس : شنو سالفتك انت جاي تتمرن لو جاي تموتني

كافل : لا جاي اشغل عقلك حتى يبطل يشتغل بالمگلوب

هجرس
بقيت صافن عليه هذا بيه شي شجاي يحجي بس كطع صفنتي وحجة بعصبية ونبرة عالية اشبه بالصياح الي نادرًا ما اشوفه بيها

كافل : شلون تروح للشقة وتهدد بينة وحدهة هي هاي رجولتك تتقاوة على بنية مريضة وتريد تطردهة من الشقة بساعة وحدة

هجرس : وانت شعليك الشقة اني رايدهة وما اقبل احد ياخذهة

رديت بنفس نبرته الغاضبة : مازال رايدهة ما حجيت من البداية ليش تفشلني جدام مهند كلسع متصل علي ويگول اكو احد يخوف البنية ويهددها و شلون تنطينا شقة محجوزة والبنية هناك وحدهة

جاوبت ببرود : وهاي عرفت خل يطلعون بالحسنى لو خل يتحملون الي يصير الهم

عاط علي : هجرس هاي مو صفقة لو حاجة خاصة حتى تعند بيهة مثل الزعطوط وتاخذهة غصبا عن الكل، الناس اجرو الشقة وخلص

وشسوي بيها عندك بيوت غيرهة لو هاي نحاسة منك بس حتى تفشلني وياهم

هجرس : ما راح اجاوبك بس ذولاك يطلعون منها غصبًا عليهم

كافل : ما راح تطلع واذا قررت تطلعها لازم تتخطاني بالأول

هجرس
من شفته هيج مجلب بيها اني هم عندت وكتله : وشبيك حارگ روحك عليهة لازم هي عشيقتك وهيج خايف عليها وحاجز الها هاي الشقة حتى شوكت ميعجبك انت يمهة

كافل
اشكد تغاضيت عن لسانه بس لهنا وحدهة نزعت القفازات من ايدي وهجمت عليه بطحته بالحلبة وكعتله ضرب صارت سجال بينا مرة اني اضرب ومرة هو بختصار واحد دمى الثاني

طبعًا هاي مو جديدة علينا من واحنى صغار حتى شقانة هيج لازم ما نبطل اذا ما واحد مفشخ الأخر ما اكو احد فقير بينا واحد مايسكت للثاني ثنينا عناد بس اكثر شي هجرس

لأن رأسا ياخذ الأمر شخصي وان الناس كلها ماتريدله الخير وتحاربه بنجاحه والكليشة تطول من المبررات الي يريد يبينها للناس ان الحق وياه

المدربين وبعض من الشباب بالگوة فاككونا من بعض وهدو الوضع بينا

رفعت ادي بمعنى عوفوني ماراح اتعارك وياه ومسحت خشمي الي يقطر دم ضربني عليه انطاني واحد منهم منشفة اوگف بيها النزيف

بس هجرس كام يريد يملخ الي لازمينه بس حتى يرجع ياخذ حقه مني اعرفه كلش متسرع وخصوصًا من يحس نفسه خسر وبعد مابيده شي يسويه ثلاثة كوة لازمينه يريد بس يفلت نفسه منهم