طرف ثالث

البارت الثاني عشر

رواية
#طرف_ثالث
الكاتبة ندى البياتي 

البارت  الثاني عشر
لاتنسون التصويت للقصة
والتعليق بين الفقرات

نارفين : كلت بگلبي  هسة انلاصت علي  وفعلا مثل ما توقعت بس دخل وشافهن  اعصابه وصلت لراسه  وبدون مقدمات طردهن  حتى ماسلم  اللتفت عليه عنود

عنود : اهوووو هذا عمو الثگيل  شبيك عمو متگولي  شنو اليوجعك شنو المضوجك ياعيني ايجوز اكدر اعالجك  واخلصك من علتك

مهند : انتي بالذات تطلعين برى وما اريد اسملعلج صوت

عنود : يمااااا خوفتني كمت ارجف رجيف منك 

نتر عليها  : اطلعي برى ولا تخليني انزل لمستواج  وانتن يلا عوفن البيدجن واطلعن

سمرة : ترة جايين نشتري  بفلوسنا ما جايات نجدي منكم  هو منو يدخل محلكم غيرنا فوكاهة متبطرين على نعمتكم

مهند : خلص بطلنا منبيع  يلا طلعن برى وبعد ممنوع اشوفجن هنا والي اشوفهة هنا  ياويلها

ديالا : من حور محلكم  اكو الف احسن منكم

مهند : روحي للألف الاحسن منا  ولاتشوفينا وجهج

نارفينا : عافن البيدهن وطلعن زعلانات  انحرجت ليش هيج سوة بس بقيت ساكتة  والدمة بطارف عيني 

اندار علي صاير كتلة من الغضب لو بيده يضربني وما يتهاون : اني شگلتلج  مو گلت ما اريد ذني يجن للمحل  ليش ملفيتهن

نارفين : اجن يشترن  خوما اطردهن

مهند : اي  تطردينهن بابا ذني مو راحة  لو انتي ماتتعلمين من اغلاطج  ما تصاحبين الا المو زين  وتالي يكع الفاس بالراس وتعال اللگو لي حل  وخلصوني

نارفين : دنگت راسي
بعده يذكرني الي صار ويا جاهد كسر فرحتي بالمحل  تركته يحجي وحده حتى ما سألته  شعجب اجيت 

دقايق اجت زبونة واللتهيت وياهة وهو وگف على صفحة بس مبين ينفخ من العصبية الزبونة  ما ارتاحت  خلت الي بيدهة وطلعت

واني هم ما اتحملت عفت المحل مفتوح  وطلعت  فوك ما الزبائن قليلين اجى وسداهة بوجهي  اشكد حز بنفسي هذا التصرف 

امشي بالشارع  والدنيا سودت بعيني لهدرجة ماعنده ثقة بية ويريد علي زلة حتى يذكرني بغلطي ويا جاهد

بدون ما انتبه لخطواتي   جفصت بطن جلب متمدد عالطريق بدون ما انتبه  ومن فز وگام ينبح علي  بعلو صوته حتى راد يعضني 

من الخرعة تيهت  طريقي وركضت صفح ع الشارع  اصيح مثل المخبلة عبالي الجلب گام يركض وراي حتى ماهتميت للسيارات الي تروح وتجي بالشارع بس ردت انهزم منه  شوي لا دعسني السيارات

ماحسيت الا انشاليت مثل الريشة  واندارت عالجهة الثانية مالت  للرصيف

واني بعدني بهبطتي  جلبت بيه بدون ما اعرف منو الشالني  لميت الناس بالصياح  لا ياكلني الجلب  ثواني و  هدأت شفت عمو مهند اجى يركض بتجاهي خايف علي