طرف ثالث

البارت الثالث عشر

رواية
#طرف_ثالث
الكاتبة ندى البياتي

البارت الثالث عشر
لاتنسون التصويت
والتعليق بين الفقرات

......

نارفين

الشفته جان صدمة الصدوگ الطبقة الفوگ ورد والطبقة الثانية مجموعة صور الي بدون ما انتبه رايحة وجاية للمحل وجواهن سيت نوم احمر جريئ لأبعد حدود حتى ما ينحسب ثوب وياه بطاقة مكتوب بيهة ( هم يجي يوم واشوفج بيه وتذبين كل هذا العليج ) بقينا اني ومروءة مصدومات هذا الداز العلبة حافظ كل تحركاتي ومصورهن

مو مال مخربط حتى نگول ما قاصدني صوري اكبر دليل

مروءة : تلگينه مقلب

نارفين : مقلب سخيف شگكت الصور وگمت جبت مگص وشگكت الثوب وخليه بالصندوگ ونزلت شمرته بالحاوية

رحت على حجي عبدالله : حجي احجي لي الصدگ منو جاب علبة الورد احلفك بألله لاتضم علي

عبدالله : والله يا بنتي ما ادري كال اسمه خدمة توصيل ما ادري شنو وراح

نارفين : ما خلالك رقم شي

عبدالله : لا والله ماخلة شي انطاه وراح

نارفين : اتنهدت وصعدت فوك اشكد سخيف هذا الي مسوي هذا المقلب مروءة بقت تضحك وتكول معجبج شكله حامي حيل لو سكران وجايبه

نارفين : منين صار معجبي واحد تافه

مروءة : المهم تذكرج وماعافج بحسرة الهدية هههههههه

نارفين : هههههه دولي ولج هاي عود انتي الفقيرة وهيج سوالف تطلع منج

مروءة : سكتت لا تزعلين علي اني اترخص لشقتنا

نارفين : الله وياج بس ديري بالج لاتگولين الهن بعد شيخلصني من اللسانهن

مروءة : لا تطمني ما احجي غير يسونج تصنيف بعد يلزگن على كلبج الا يعرفنه منو هذا الجابلج هدية جريئة

نارفين : الله يلعنه ضوجني اني وين وهاي الهداية التافهة وين

مروءة : لاتخلينه ببالج انسيها

نارفين : ان شاء الله

راحت مروءة واني حاولت انسى الهدية السخيفة وبديت بروتيني اليومي حميت الاكل واكلت ونمت روتين ممل مرات حتى من اجي اخلي راسي و انام

ثاني يوم رحت للمحل وكالعادة اكو بنات يشترن لأصدقائهن وفرحانات ويتبسبسن بيناتهن شنو اليعجبن اصحابهن وبين ما اني انتظر يختارن اجاني ولد شكله عامل توصيل وانطاني صندوك ثاني سلمه الي و راح فتحت شوية منه وشفت الصور الي شگكتهن البارحة

اخترعت وفتحت الكارتون كله الورد والثوب المگصگص وياهن رسالة

خلتني ما اندل دربي ( مع الأسف عليج هيج تذبين هديتي الجبتهة بكل حب الج وتهينيني بس ولا يهمج هالمرة سماح لأن اني ما اتعصب بساع ويا الأحبهم وانطيهم فرصة بس اذا بقو على طبعهم يتغير الوضع )