قلبي اللي لواه من الصواديف لاوي
جرحته الليالي والحظوظ الرديّه
والله إني بوسط الناس كنّي خلاوي
من يلوم المفارق عقب فرقا خويّه
أنشهد أن المفارق من عظيم البلاوي
مير هذا نصيبك يالعيون الشقيّه
كيف راحت حياتي شقاوي
وين درب السعادة والحياة الهنيّه ؟
#خالد_الفيصل
ام حور وهي تركض وتصارخ :بنات رزان معكم!!!
البنات وهم يفزون مفجوعين من صراخ ام حور والواضح فيه مصيبه
رحاب وهي تقرب لخالتها وهي ترجف:خاله وشفيكم وين رزان ؟؟
حنين: اكيد مع العيال الصغار شايفينهم يلعبون ب الحوش قبل نطلع
ام حور وهي تبكي: لا لا العيال جونا يبكون يقولون رزان اخذها رجال اسمر يخوووف
ريما وهي تبكي وتصارخ: كيففف مين هو هذاا وين اختيي
ركضو لهم العيال مصدومين من الي سمعوه من ام حور
سهاج:كيف رجال واسمر يدخل الحوش كذا ويسحب البنت!!!
محمد وهو مفجوع من الي سمعه :كيف يعني اسمر خطفها
ام حور وهي تبكي:مدري مدري امك طايحه علينا هناك من الي سمعته وامي قاعده تحاول تهديها تكفون الحقوو عليها قبل يبعد بها
سلطان بصراخ وغضب :احنا ليه للحين واقفين دوروها قبل يبعد بها!!!
فزو كلهمم يركضون وتوزعو بالمزرعه يدورونهم
الا رحاب كانت واقفه ما تحركت وكانت بصدمتها للحين مو مستوعبه الي سمعته شلونن رزان اختي صغيرتنا واخر عنقود لنا خطفها اسمر والاسمر هذا اكيد اثيوبي من الهاربين للمزارع دايم يتخبون فيها عن المباحث والشرطه وكثيرين م يطلعون الا اخر اليل "بسبب مشكله أجلائهم لليمن "اختي خطفها اثيوبي اكيد م يعرف الرحمه وش يبي بصغيره مثلها يارب استودعتك اختي يارب هي في ودائعك وصارت تبكي بشكل هستيري خوفاً ع اختها
عند سلطان
ركض لسيارته وفتح الباب باستعجال واخذ سلاحه وطلع يركض من الجهه الي قالو له حمد وحسان انه راح معها وصار يركض بسرعه وهو يشتعل غضب لدرجة لو طلع قدامه شخص فجاءه فجر راسه بالسلاح الي معه
عند محمد عيونه صارت تنهمر دموع وهو يصارخ باسمها:رزانن رزاننن تكفين ردي علينا وينك ياربببب الا رزان الا رزانن وصار يصرخ ويركض لمركز الشرطه الي م بين المركز وبين بيتهم الا ٣كيلو
دخل المركز وهو ياخذ نفس وينحني ع ركبه استقبله عالباب صالح لانه كان طالع يدخن وسانده يعرفه لان القرية مو من كبرها وكلهم يعرفون بعض
صالح ياستغراب:وشفيك ياولد اوقف
محمد وهو يياخذ نفس ويمسح دموعه:صالح صالح تكفى اختي رزاننن خطفها اثيوبي تكفى الحقنا
صالح رمى زقارته ودخل بسرعه ياخذ سلاحه ويصارخ على الي بالمركز يلحقونه وطلعو يركضون يركبون سيارتهم..
_____________________________
-عبدالعزيز -
دخل القرية المقصوده وعنده مهمه فيها لمدة ٣ شهور حس بشعور راحه وهو يشوف المزارع تحوفه الشارع من يمينه ويساره ورايحة المزارع الي استوطنت رائتيه اخذ نفس وهو جوه الانعزال والمزارع والهدوء بعيداً عن المدن وصخبها كان يمشي بسرعه متوسطه لفت انتباه رجل اسمر طويل والواضح من هيئتة مو سعودي ابداً وقف سيارته يدقق بنظرة لانه كان شايل بين يده بنت والبنت الصغيره هذي تصرخ وتبكي وتضربه بيدها نزل بسرعه لما تاكد انه اثيوبي واخذ سلاحه الي كان ع المرتبة الي بجنبه وصار يركض بجهته ويصرخ بصوته: وقف مكانك ولا تتحرك
التفت له الاثيوبي بفزع وكان بيده سكين صغيره يثبتها ع رقبة رزان
عبدالعزيز وهو موجه السلاح نحوه:اترك البنت من يدك لا اخذ روحك الحين
الاثيوبي وهو يلهث مثل الكلب: انا هينا عشان ابو سعدد ليه يطرد انا! وم يعطي راتب انا ياخذ بنت حقه و يموت هي
عبدالعزيز ناظر له بحده وقال بصوت فيه امر:نزل البنت الحين مالها ذنب ب ابوها نزلها وبنتفهاهم وراتبك بتاخذه
رفع نظره عبدالعزيز للي كان ورا الاثيوبي ويمشي بخفه
سلطان وهو يتغفل الاثيوبي وقف وراه وبحركه سريعه لف يده الي فيها سكين وحطها بظهره وسحب رزان لحضنه كانت تبكي مفجوعه من المنظر
عند عبدالعزيز الي هجم عليه وسدحه ب الارض ع بطنه واخذ من يده السكين
ناظر له سلطان باستغرب:انت الملازم صالح؟
عبدالعزيز:لا خوية
كان بيشكره بس داهموه الشرطه واهل رزان وابو سعد الي عرف من أهل القرية أن بنتها مخطوفة وهو كان ببيت اخوه الي يبعد عن بيته كم خطوه حصلو سلطان بحضنه رزان يمسح على راسها ويسمي عليها طاحت بجنبه أم رحاب هي تصيح على بنتها وتضمها:يمه بنتي فيك شي سو لك شي يروحيي
وجلسو بجنبها بناته وهم يضمونهم ويصيحون معاهم
رحاب يصوت متقطع من البكى:يمه رزاني خفنا نفقدك يربي لك الحمد شكراً سلطان الله يعطيك العافيه
ريما وهي بس تبكي بحضنهم مو مصدقه انها شافتها وهي سليمه م فيها شي
بنسبه لشرطه قبضو على المجرم وكلبشوه وركبوه صندوق السياره صالح وهو يسلم على صاحب عمره عبدالعزيز
صالح وهو باقي ماسك كف عبدالعزيز:أرحب يابو سعود تو نورت الديره
عبدالعزيز بابتسامه:البقى و نورك سابق يابو محمد
صالح: واضح مهمتك استلمتك من اول ساعه لك هينا
عبدالعزيز:والله شوف يشفع لك جو هالديره وطبيعتها م توقعتها كذا تشرح الصدر
ابتسم صالح: توك م جربت اجواءها
التفتو لابو سعد الي واقف وراهم ومعها محمد وسلطان
ابو سعد : الله يعطيك العافيه م قصرتو رديتو لي بنتي من يد هالمجرم الي لولالله ثم انتم وسلطان ماادري وش صار لها
ابتسم عبدالعزيز وهو يسلم على راسه احتراماً لكبر سنه: والله يعم ما سوينا الا الواجب
ابو سعد رفع عينه لشخص الطويل امامه وشكله وهيئته لا توحي انه من اهل القرية وقال له باستغراب: شكلك غريب يولدي من انت ولده اول مره اشوفك هينا
ابتسم عبدالعزيز :اي يعم توي واصل من جده عندي شغل هينا
اردف ابو سعد:حياك الله وعشاك اليله عندي مافيه مجال تقول لا
ماعطى عبدالعزيز مجال يرد
ابو سعد وبنبره تعميم للكل:اليله حياكم الله جمعياً العشاء عندي ببيتي رداً لجميلكم معي وهذا شي بسيط والله انكمم لو تطلبون عيوني تفداكم
اردف عبدالعزيز وصالح:يعم لا تكلف ع نفسك والله مانبي الا سلامتك واحنا مشغولين
ابو سعد عقد حواجبه :ما تردوني واليله عشاكم انتظركم وعطاهم ظهره وركب سيارته مع اهل
اما محمد الي كان واقف عندهم ويشكرهم وسلطان يبتسم محمد وهو بيعطيهم ظهره عشان يروح لابوه ويسوق به وقال لهم وهو يطلع سيارته: العشاء سمعتو ابوي لو م تحضرون بيزعل وزعل الشياب يبطي
تنهد عبدالعزيز بقلة حيله ما وده يكلف على الناس بس شيسوي وطلع سيارته يتبع صالح للمركز
نزل من سيارته ودخل المركز وكل العسكر الي موجودين وقفو له وضربو له تحيه لانهم يعرفونه هذا مو اي شخص هذا منصبه عالي وله هيبته وحضوره هذا العقيد عبدالعزيز بن سعود ال مسعود
سلم عليهم ودخل لمكتب صالح
صالح:استريح ي سعادة العقيد
ابستسم له عبدالعزيز :شعلومك ي القطعي اسبوعين م رفعت الجوال م تقول خويي وصاحب عمري
صالح وهو يحك حاجبه:والله شف الاسبوعين الي راحت ضغطو علي ضغط م تنفسنا الا اليوم وما امدنا نستانس الا وانت شايف وش صار اليوم
عبدالعزيز وهو يريح ظهره ع الكرسي :عشان كذا طلبوني اجي هينا
صالح ابتسم وهو عارف صاحب عمره م يجي مكان الا ويصلحه متاكد انه بيحل هالمشكله ويريحهم منها:انت قدها وما حطوك هينا الا هم عارفين انك تقدر تسكر هالمشكله الي حلت على هالقرية المسالمه
هز له راسه عبدالعزيز :الله ييسرها بس
صالح باستفسار :الا قولي كيف قبضت عليه؟
عبدالعزيز قاله كل الي صار ...
صالح:والله ياسلطان هذا يعجبني رجال عن مية رجال
عبدالعزيز:والله كنت خايف ع الصغيره واضح هالمجرم م في قلبة رحمه حط السكين ع رقبتها تكه وينحرها والله وقف دمي في عروقي بس سلطان ما قصر فيه
صالح:اي ضابط ب الجيش يطلع منه اكثر
وخذتهم السوالف الين اذن المغرب وطلعو لبيت صالح عشان ياخذون شور ويلبسون لعشاء ابو سعد
عبدالعزيز وهو وداخل ورا صالح: والله مكام ودي م تكلف ع نفسك يرجال واسمعني زين ترا مغير هاليله وبكرا بدور لي شقه سمعت
ضحك صالح:يحليلك يحليمه شقه وهينا مضيع انت جده مافيه شقق هينا
استغرب عبدالعزيز:من جدك ووين يعيشون ضيوفكم؟
صالح: ادخل ادخل خلنا نخلص واليله نتفاهم
وخلصون ولبسو وتبخرو وكان عبدالعزيز لابس ثوب اسود ثقيل عشان الجو بارد وغتره بيضاء اما صالح ثوب بني وغترة بيج
وطلعو لسيارتهم وصلو قبل اذان العشاء بدقايق
وسلمو ع الرجال الي بالمشب والي عازمه ابو سعد من اخوانه وجيرانه واستقبلوهم برحابة صدر والترحيب من كل الجهات ع م سلمو التفتو لابو سعد وهو يقول: الصلاة خلونا نصلي وبعدها نعود نقدع"نتقهوى قصده" طلعو من المشب للحوش وصلو ع فرش كبير حاطينه لصلاه وكانت عليهم رشة مطر خفيفه
_______________________________
-عند الحريم بالداخل-
حالة استنفار لان العشاء م حصل الا متاخر الامهات وهم بالحوش واقفين على العشاء ويغسلون صحونه
اما البنات الي تسوي السلطه والي تقطع ليمون
والي تجهز دلة القهوه
محمد وهو عند الباب:يولددد الدله وين
طلعت له ريما بدلة:امسك وانتبه ليدك لا تحرقك
محمد بطرف عين: وشعندك صايره تهتمين
ريما شمقت بعيونها:يوه محمد والله م تستاهل
دخلت ريما وهي تدور بعيونها :بنات شفتو رحاب وين
حنين:مدري المغرب اشوفها ع سجدتها ورزان جالسة بحضنها
غرام وهي داخله تركض :بناتتتتتتتتت
اعذروني اذا حصل اخطاء املائيه ولا أوصيكم بالدعم حتى اتحمس اني اكمل👏🏻💗
أنت تقرأ
أنت أعتبرني مثل فرصه وضاعت
Fantasyتبدأ احداث روايتنا مع بطلتنا الي تعيش مع اهلها بقرية تحاطوها المزارع وفي احد اليالي الممطره تلاحظ شخص منصاب بنص مزرعة ابوها وتساعده بس تنقلب حياتها بعد هاليله ... Tik:wadha9x0 Insta:wadha9x0
