أنت أعتبرني مثل فرصه وضاعت

9

رحاب عرفت انها عورته من ملامح وجهه:اسفه بس عشان يثبت
وقف عبدالعزيز ويثبت الشاش: شكراً تعتبتك معي
رحاب وهي تجمع المعقم والاغراض: عفواً بس اتمنى مره ثانيه معاد تلمس قطوتي
عبدالعزيز وهو يدخل: ان شالله يلا تصبحين على خير
رحاب صدت ورجعت لبيتهم بدون رد

،سكر عبدالعزيز الباب وهو يحس بشعور غريب اتجاهه رجع شعره ورا:هيه عبدالعزيز صحصح جاي هينا عشان شغلك ،تنهد وهو يتسغفر اخذ مفرشه ومخدتها وطلع للحوش ينام فيه لان الجوء مكان بارد مره انسدح وهو يتامل النجوم ويهوجس فيها ماقدر يوقف تفكير فيها او يفكر بشي ثاني غيرها وضحك بنص تفكيره:حتى قطوتها مثلها ما ينتفاهم معها والله شكلها صعبه واخذه النوم وهو يفكر فيها

___________________________________
عند رحاب دخلت بخفه وهي تشيك فيه احد صاحي طلعت بوجها ريما
رحاب بفزع :يمه بسم الله
ريما وهي تكتف يدها:بدري كل ذا تعطينه معقم وشاش
رحاب:وينهم نامو؟
ضحكت ريما:ايه غرام غصب نامت تقول بنظرهم مع السطح البنت ذي فضيحه
رحاب وهي تسحبها للمطبخ عشان محد يسمعهم:اصهه لو احد سمعك وش بيفكر
ريما: حبيبي برر لا انا الي بفكر وابحر بتفكيري
رحاب وهي تحط يدها على فمها:خلاص يورع بقولك
وقالت لها رحاب كل الي صار
ريما : سبحان الله كذا حقين المدن كذا اوبن مايند
رحاب:كيف يعني
ريما:يعني عادي عندهم متفتحين ويسولفون مع البنات ويطلعون معهم كأن بينهم صلة قرابه
رحاب:وععع كذا نظامهم
ريما:للاسف ،مع ان هذا الضيف ما وضح عليه تصدقين
رحاب وهي : شوفي هو ما رفع عينه لي بس مدري يبنت احس ندمت ياخي وش سويت انا كيف داويت جرح شخص مو محرم لي
ريما: متاكده ماطلع لك
رحاب: ايوه
ريما :بس كلنا شفنا كيف يسرق النظرات لك
رحاب:كذابه
ريما:والله
رحاب:الوصخ مانتبهت له ولا دخلت اصابعي بعيونه
ريما وهي تكتم ضحكتها:بس تبغين الصدق معجبني احس كل مواصفات فارس احلامي فيه
رحاب وهي تتثاوب:خلاص نامي واحلمي فيه تصبحين على خير

الصباح الساعه الثامنه
كانو كلهم جالسين على الفطور قطعت عليهم سوالفهم
ام فارس : ساره
ام رحاب:لبيه يمه
ام فارس :ترا امس كلمنا سلطان يبي بنتك ريما عروساً له
،انصدمو الجالسين وصارو يتبادلون النظرات
،وكانت ريما لا تقل عنهم صدمه وكحت وهي تشرب الشاي
رحاب وهي تطبطب على ظهره:صحه بسم الله عليك
ريما وهي تهمس لرحاب:يخسسي
قرصتها رحاب عشان تسكتها لا يسمعها احد
ام رحاب وهي تقرب لاذن امها وتهمس:يمه مايصير تقولين كذا وقدام ريما بالذات لازم نسايسها اول
ام فارس:ليه وشفيها يحمدون ربهم انهم يستشيرونهم قبل الزواج وش تقولين عنّا على ايامي يلبسون البنت ام ١٣ سنه عباتها ويدخلونهم على زوجها بدون سابق خبر
غرام:يساترررر
ام سلطان:عمتي البارح يالله نامت تقول بقول لابو سعد
ام رحاب:لا لا لو يعرف ابو سعد فيه خطبة نسوان قبل يعرف ماوافق عايش على عادات الأولين
ام
سكتت ام فارس بدون رد ،ودخلو البنات الطبخ
حنين: الله من زمان عن اجواء الزواجج
غرام وهي تضم ريما:واخيراً
ريما وهي تبعدها عنها :وشفيكم كذا مستانس ترا ماوفقت
غرام وهي تغمز لها:وليه ماتوفيق وش ناقص اخوي رجال ووضيفه ورزه وكامل والكامل الله اصلا يشرفك انه ذكر اسمك بس وبعدين تراكم مفضوحين اعرف انك تحبينه
ريما اشمئزت من كلامها: ناقصه أخلاق حبيبي وبعدين متى قلت اني احبهم غراموهه لا تسوين سيناريو براسك وتصدقينه
حور:ريما بسم الله وشبك البنت تمزح
،رحاب كانت تشاهد الحوار بصمت
ريما وهي تصد بتطلع لغرفتها: يشيخه روحي بس اخوك يحط راسه على المخده ويحلم فيني غيره يخسيي
رحاب وهي تحاول تلطف الجو شوي: بنات اعذروها الاشاره عندها حمراء واكيد تمزح
،غرام تحسست من كلامها بس اعذرتها عقب كلام رحاب