عند ابو سعد كان جالس ويناظر لسعد الي باقي بصدمته وواقف على الجدار
ابو سعد تنهد:تعال اجلس
التفت سعد لابوه وجلس بجنبه :يبه انا وش سويت
ابو سعد:قلت لك لا تستعجل بفعلتك وانت شايف وش صار من استعجالك وتجاهلك لي!
سعد:يبه الشيطان اعماني مكنت اشوف شي
ابو سعد:خلاص حصل الحاصل
سعد:توقع انها بخير؟
ابو سعد: نقول ان شاءالله
تنهد سعد: طيب وش السواه بكلام الناس؟
ابو سعد :العشاء دق على عمك ابو ركان خله يجيني
عقد حواجبه سعد وباستغرب:ليه وش بغيت به
التفت له ابو سعد:مالك لزوم حط عنده خبر وبس
,طلع سعد وتوجهه لبيت عمه بعد ما بدل لبسه
_____________________
عند عبدالعزيز
كان جالس ويلعب بأصابعه بتوتر طلع محمد وجلس بجنبه
التفت له عبدالعزيز:كيفها ان شاءالله احسن
محمد :اي نامت عقب ما اعطاها الدكتور مهدي وامي عندها
عبدالعزيز وقف وهو يناظر لساعته :زين امر الاستدعاء خلصت منه وانا بطلع الحين للمركز عندي شغل توصي على شي؟
محمد:لا سلامتك بس كيف كتفك الحين
عبدالعزيز :لا الحمدلله اشوا بكثير يلا انا استاذن وان بغيت شي ارفع الجوال بس
محمد: جعلني ما عدمك يابو سعود ما تقصر
توجهه عبدالعزيز لمركز الشرطه بسرعه جنونيه بعد ما ارسل له صالح ان الي شافهم ومطلع الخبر عنده
دخل للمركز بسرعه متجاهل الم كتفه بسبب غضبة فتح الباب ودخل مكتب صالح وقف صالح بفزع من منظر عبدالعزيز الي ما يبشر بخير
صالح:ابو سعود استريح
التفت له عبدالعزيز بنص عين:وينه؟؟
صالح:يابن الحلال تعال اجلس وخلنا نتفاهم
عبدالعزيز:صالح كلامي واضح وينه؟
صالح :طيب طيب الحين اناديهم لك
رفع صالح السماعه:يطلب بدخول احمد وعمر
رفع حاجبه عبدالعزيز لما شافهم داخلين دقو التحيه ووقفو قدامهه وقف عبدالعزيز ورجع كفوفه ورا ظهره يضمههم وبصرامه وحدة صوت:ايت واحد فيكم مطلع السمعه الزينه هذي؟
ارتجف احمد وبصوت يملئه الخوف:انا طال عمرك قلت لعمر ان شفتك بس اما عمر لفقها وقال لاهله وانتشر الخبر
عمر التفت لاحمد بصدمه وكان لا يقل عنه خوف وتوتر:لفقتها؟ لا والله طال عمرك والله ان لساني انزل عند الوالده وقلت نفس الي قاله احمد لي وهي نشرت الخبر
عبدالعزيز عقد حواجبه :انزل لسانك؟؟
تقدم عبدالعزيز لاحمد ولكمه على فمه وبصوت حاد: انت تدري من تتكلم عنه؟؟
احمد مسك طرف شفته وكانت تنزف:السموحه طال عمرك
التفت عبدالعزيز لصالح:احمد ما يترقى لمدة ٥ سنين وراتبه تخصم منه ٢٠٠٠ لثلاث سنين تسمع
صالح هز راسه بأي:ابشر
عبدالعزيز:اطلع يصالح انت واحمد
صالح:ليه
عبدالعزيزبصراخ:اقولك اطلع انت واحمد
,طلع صالح يسحب معه احمد لانه كان مصدوم من الي سمعه
ناظر عبدالعزيز لعمر بنظرات حاده :اجل زل لسانك؟
عمر وهو ينتفض من الخوف هز راسه بنفي:اعتذر طال عمرك والله ما تنعاد
تقدم عبدالعزيز ومسكه بياقته: ما بتنعاد اكيد هذي ,وصفق عبدالعزيز راسه بوجه عمر بقوته كلها
وطاح عمر على الارض نزل له عبدالعزيز ضرب وهو ما يشوف قدامه الا طيف رحاب النايم على سرير المستشفى :لا تضروني فيها !! الا هيي
وكمل ضربه فيه بدون شعور
بعد ربع ساعه وقف والتفت لكتفه الايمن وكان ينزف والواضح ان الخياطه انفكت
تنهد وجلس على الكرسي يناظر لعمر المرمي على الارض
صرخ بعلو صوت:صالللحح
دخل صالح بسرعه وانصدم من منظر عبدالعزيز وعمر تقدم
صالح:وش سويت
عبدالعزيز:سويت الي علي المهمه شيله ووده المركز
صالح رفع نظره لكتف عبدالعزيز:وانت وش في كتفك!!
وقف عبدالعزيز يضغط على كتفه:ما فيه شي
تقدم صالح:عبدالعزيز وقف باخذك وباخذ عمر سوا
رفع حاجبه عبدالعزيز:يخسي الخسيس يركب معي بسياره وحده
صالح:طيب ابشر بس انت لازم تروح المركز الصحي
اكتفاء عبدالعزيز انه يهز راسه بطيب وطلع يركب سيارته تمسك بالدركسون وحط راسه عليه
غمض عيونه وهو يحاول يمحي طيفها لما كانت على السرير ملاك نايم همس:كيف طاوعه قلبه يمد يده عليها! الله يكسر يدك ياسعد ,تنهد بقهر وهو باقي ما أشفى غليله مسح وجهه بكفوفه وهو يستغفر ويتعوذ من الشيطآن شغل السياره وتوجه للمركز عشان يعيدون خياطة كتفه
_________
أنت تقرأ
أنت أعتبرني مثل فرصه وضاعت
Viễn tưởngتبدأ احداث روايتنا مع بطلتنا الي تعيش مع اهلها بقرية تحاطوها المزارع وفي احد اليالي الممطره تلاحظ شخص منصاب بنص مزرعة ابوها وتساعده بس تنقلب حياتها بعد هاليله ... Tik:wadha9x0 Insta:wadha9x0
