سرقني مادريت إنَّه سرقنـي
سلبني و أحسب إنَّي فاطنٍ له
أنا يوم أرسل عيونه لقلبـي
عطيته مُهجتي والمعطـي الله
#خالد_الفيصل
صباح اليوم المنتظر بنسبه لسلطان
الساعه التاسعه صباحاً
صحت ريما على صوت إزعاج فوق رأسها كانوا غرام وحنين يغنون ويطلبون بصحون على رأسها
حنين :عروس وللحين نايمة متى يمديك تخلصين
غرام: قومي يا بنت ما في وقت
،دخلت عليهم رحاب وبيدها الفطور لريما
رحاب:صباح الخير يا أجمل أخت اغسلي وجهك وتعالي أفطري
،بعدها بثواني دخلت حور بيد فيها البخور واليد الثانية قهوة
حور:سويت لك قهوة عشان تصحصحين وراك يوم طويل
غرقة عيون ريما بدموع:بناتتت وش ذا الدلع
رحاب باست خدها:اذا ما دلعنا دلوعتنا من ندلع
غرام: يايي مره متحمسه يالله قومي خلينا نخلص
___________________________
عند العيال
كان محمد يشرف على العمال وهم يضبطون الزّل والفرش والعقود
والشياب يتقهون ب المشب دخل عليهم سلطان وهو توه صاحي سلم عليهم وجلس يتقهوى معهم
ابو سلطان :شكلك توك صاحي
سلطان:اي يبه
عقد حواجبه ابو سلطان: واشغالك خلصته
سلطان:ايت اشغال
ابو سلطان التفت لابو سعد بمزح: نعتذر منك يابو سعد الولد ولدنا مو قد المسؤولية و خاطره وسيع وما دبر شيي للحين
ابو سعد: انت تقوله صادق
فز سلطان ووقف متجه للباب : يبه الله يهديك انا طالع اصلاً بس قلت اسلم عليكم قبل اطلع
ولا كل شي مخلصه من قبل
ضحك ابو سلطان: امزح يابو سعد بس ابيه يصحصح واضح النوم في عيونه
ضحك ابو سعد وكملو سوالفهم
عند محمد التفت لسلطان وهو طالع من المشب يركض ورافع فروته على راسه لأن كان فيه رشة مطر
محمد: ولد انتبه لا تطيح
سلطان: محمد وش سويت
محمد: شوفت عينك جبت الزّل والفرش والعقود بس دعواتك لا يجيني مطر ونبلش
سلطان: الله يستر ،و الذبايح
محمد :ما خذتهم انت اخلص وخلنا نطلع سوى لان ليه اغراض ناقصه بعد
سلطان :زين زين دقيقه بس اخذ أغراضي داخل واجي
اخذها وطلعو سوا على سيارة سلطان
_____________________________
عند عبدالعزيز
صحى على صوت دق الباب
طلع للباب الخراجي وفتح الباب
صالح وهو داخل ومعه الفطور :صباح الخير
عبدالعزيز بصوت كله نوم:صباح النور تفضل
صالح:وينك عن جوالك من الفجر اتصل
عبدالعزيز: مقفل ما شحنته
صالح وهو يمد له يده الي فيها صحن مغلف : امسك خابرك عزابي وما عندك الي يفطرك
عبدالعزيز: الله يكثر خيرك ما قصرت يا بو محمد بس ترى العزابية يقدر يطبخ لنفسه
صالح :هذا أنت وبعدين لو يدرون اهل القرية إنك تطبخ فضحوك ما عندهم نظام الرجال يطبخون الطبخ بس لنسوان
عقد حواجبه عبد العزيز بإستغراب: و الله التحجر صدق وش فيه إذا صارو الرجال يطبخون بلعكس يعتمد على نفسه احسن لعمره
جلس عبدالعزيز وبدا يفطر ومعها صالح
صالح باستفسار:الا ابو سعود بسألك
رفع راسه عبدالعزيز:أسال
صالح: البارح يوم سمعت ان سلطان خطب اخت محمد كشرت وانقلب مودك ليه
عبدالعزيز:لا كشرت ولا انقلب مودي ليه اصلاً اكشر
صالح: لا تحاول تهرب تراك واضح
عبدالعزيز: افطر ولخصنا قلت لك كل الوضوع
أنت تقرأ
أنت أعتبرني مثل فرصه وضاعت
Fantasyتبدأ احداث روايتنا مع بطلتنا الي تعيش مع اهلها بقرية تحاطوها المزارع وفي احد اليالي الممطره تلاحظ شخص منصاب بنص مزرعة ابوها وتساعده بس تنقلب حياتها بعد هاليله ... Tik:wadha9x0 Insta:wadha9x0
