رحاب دخلت البيت ولاحظت سيارة سلطان داخل
رحاب:شكله جاي يحسم الامر
دخلت تركض لغرفة ريما فتحت الباب ورفعت حواجبها باستغراب يوم شافت ريما عبايتها عليها وعند المراية تتعطر والخادمه طالعه بالشنطه
رحاب:دقيقة خليني افهم انتي الحين نازله لسلطان؟
ريما اكتفت تهز راسها بأيي وهي مبتسمه
قربت منها رحاب وقرصتها :وين كلامك البارح ياخفيفه هاه مابيه ولاعاد ابي قربه ومدري ايش!
ريما ضحكت:كنت معصبه وتعوذت من الشيطآن ورضيت
رحاب جلست على سريرها :ابو نظامك ياوسخه رضيتي بهالسرعه!
ريما:ايوه
رحاب:اقنعيني مثل ما اقنعك طيب
ريما:وعدني انه بيفسخ الخطبه وان بنظل هينا الشهر هذا الين نرجع مع امي اذا رجعت لجدتي
رحاب:الله وكبر عليك كيف اقنعتيه!
ريما رفعت حاجبها بغرور:حبيبتي أنا ريما طلباتي أوامر
رحاب بضحكه: اقول بس لا تنسين كرسي جابر
ريما:مشكلتي ما احب الذهب
رحاب ضحكت:غبيه والله
ريما:انا يرضيني الكلام الحلو
رحاب ابتسمت:هذا انتي ياريما تزعلين بسرعه وترضين بسرعه
ريما:هذي سمات الناس الي قلوبها نقيه
رحاب رمت عليها المخده:اقول روحي بس لزوجك يالخفيفه
عدلت شعرها ريما ووقفت عند الباب:يلا باي
رحاب:باي
نزلت ريما بأستعجل
محمد وهو جالسه بصاله:هدي والله مايطير
ريما: لا تخليني اجيك وانت هالشعرتين الي براسك
محمد:تخسين
ريما:صدقني لو اني مو متاخره عن سلطان جيتك
محمد:روحي روحي مدري وش مستعجله عليه
ريما فتحه عيونها بقوه:وررععع
ضحك محمد ورجع يناظر لجواله
طلعت ريما وصادفت امها وابوها داخلين
نزل سلطان من سيارته يسلم على ابو سعد وام رحاب
ابو سعد:وين القهوه
سلطان:والله يعم توي متقهوي انا ومحمد
ام رحاب:احنا بدري وين بتروحون
سلطان:ابد بنتعشى وبناخذ لنا فندق لبكرا وندور عقبها شقه
ابو سعد باستغراب:شقه ليه؟
سلطان رفع نظره لريما الي مبتسمه له:بنظل هالشهر هينا دام معي اجازه
ابو سعد:افا تاخذ شقه ليه البيت هينا وش كبره
ام رحاب:اي والله اخذو قسم الحريم جديد ومحد يجينا اصلاً لانا ما بعد تعرفنا على جيران
سلطان:لا والله ما ودنا نكلف عليكم واحنا بندور شقه قريبه
ابو سعد:لا تدور ولا تعب نفسك سمعت ام رحاب وش تقول قسم الحريم فاضي وصاد تقدرون تاخذون راحتكم فيه
ام رحاب:اي والله هاه ريما شرايك بكلام ابوك
التفت سلطان لريما وهز راسه با لا بخفه حتى ما يلاحظونه
ريما التفتت لامها:والله مادري الرايي راي سلطان
ابو سعد:ان طاوعتني يسلطان اسمع كلامي
سلطان حك حاجبه :ماردك ياعم
ابو سعد:بعدي ولا تحس انك بتكلف علينا ابد انت ولد لنا مانت بغريب
ابتسم سلطان:الله يطول بعمرك عاد احنا نستاذنكم توصون على شي ؟
ابو سعد وام رحاب:الله معكم وسلامتكم
دخلو لداخل ابو سعد وام رحاب
,اما ريما وسلطان ركبو ومشى سلطان
سلطان التفت لها:ليه ما رفضتي
ريما:ما قدرت وبعدين انت تقدر تصمل وتقول لا
سلطان:استحيت من ابوك وما ودي اكسر كلمته
ريما:طيب عاد قسم الحريم باخر البيت وله باب خارجي بتطلع وتدخل براحه
سلطان:زين طيب الحين وين تبينا نروح؟
ريما رفعت كتوفها:مدري انت الي عازمني
سلطان:نروح للمول اول
ريما:ليه المول؟
سلطان:ابي لي كم غرض
سكتت ريما
،توجهه سلطان للمول وطول الطريق كانت ريما مستنده براسها على المرتبه وتتأمل سلطان
سلطان ناظر لها بطرف عينه بدون ما يلتفت لها:لهادرجه انا حلو؟
ريما صحت من سرحانه وعدلت جلستها:اءاءا لا كنت سرحانه اصلاً
سلطان آبتسم:اي طيب بحاول اصدق
كانت بترد عليه بس انتبهت لرنين جوالها ورفعته ورجعت قفلته
سلطان:ليه قفلتي
ريما:مابي اكلمها الحين اذا وصلنا كلمتها
سلطان:ومن هي؟
ريما رفعت الجوال من سمعت الاتصال مره ثانيه :غرام
سلطان:ردي عليها
ردت ريما وهي متوترة وخايفه ان غرام يفلت لسانها عند سلطان
ريما:هلا غرام
غرام:واخيراً ما بغيتي! وينك عن الجوال من البارح
ريما:معليش ما انتبهت
التفت لها سلطان واشر لها بأنها تحط سبيكر
بلعة ريقها ريما وحطت سبيكر
غرام:اي قولي لي وش صار جاكم الي اسمه اخوي ؟
ريما توهقت وتحاول تبعد السيره:اء اءيي الحين انتي ما تقولين كيفك وكيف حالك !
سلطان كان رافع حاجبه ويسمع لهم.
غرام:ما يحتاج عارفه حالك اكيد انك للحين تبكين من الطاري ومقهوره منه
بس اسمعيني لا ترجعين معه تفهمين وخليه يجيب لك رضوهه يقعد طول عمره يسدد قرضها اجل يخطب عليك المنتفه شهدوهه!
ريما رفعت نظرها لسلطان الي بان عليه ملامح الغضب ونطقت بصوت خافت:غرام انطميي
بس قطع عليها سلطان من اخذ الجوال منها ونطق:كيفك يالي اسمك اختي
انقطع صوت غرام وماسمع منها رد قفل سلطان والتفت لريما ومد لها الجوال
سلطان:اجل هي الي قالت لك
ريما سكتت وما كانت تقدر ترد من لمحة بوجهه ملامح الغضب
سلطان وهو يحاول يكبت غضبه:انطقي
ريما هزت راسها بأيي
سلطان:هين ياغرام قايل لك ما تدخلين بس اظاهر انك ما تفهمين بالكلام
مسكت ريما يده بترجي:هي ما قالت كذا الا انها تعزني وتحبني وما ترضى علي تكفى سلطان لا تسوي لها شي
سلطان ناظر ليدها ورفع نظره لها:تحرضك علي وتبيني اسكت!
ريما:خلاص انا نسيت الي صار اصلاً ولا عاد برجع لهالموضوع حتى لو قالت لي
وقالت هالكلام من زعلاها عليك
سلطان صد وهو ساكت
كملت ريما:اذا تعزني صدق لا تلمسها وانسى الي سمعته سلطان تكفى
سلطان هز راسه بطيب بدون ما يرد عليها
أنت تقرأ
أنت أعتبرني مثل فرصه وضاعت
Fantasyتبدأ احداث روايتنا مع بطلتنا الي تعيش مع اهلها بقرية تحاطوها المزارع وفي احد اليالي الممطره تلاحظ شخص منصاب بنص مزرعة ابوها وتساعده بس تنقلب حياتها بعد هاليله ... Tik:wadha9x0 Insta:wadha9x0
