دخلت رحاب غرفتها وقفلت الباب وراها ,جلست على السرير
رفعت راسها تاخذ نفس و تزفره بقوه فتحت الدرج الي بجنبها وطلعت نوتتها الصغيره الي من صغرها محتفظه فيها وتكتب مشاعرها والي يضايقها واالي تتمناه "صفة مشتركة"قلبت بصفحات تبي تكتب الي تحس فيه لعله يخف عنها صارت تقلب بصفحات وحصلت بنص الصفحات كاتبه عن أعجابها لعبدالعزيز وكيف هي تحس بمشاعر اتجاهها كانت اكثر من صفحتين غمضت عيونها بقوه ورفعت يدها تقطع الصفحه واخذت النوته وكملت عليها تقطعها بغضب وقهر صارت تضرب يدها المكسوره بالجدار الى ان تكسر الجبريه الي بيدها و تضرب بالسرير تحاول تطفي الغضب بضربها بس ما نفع اخذت المخده وغطت بها وجهها حتى تكتم صوت صراخها سمعت صصوت طرق الباب
روان:رحاب فيك شي!
رحاب بعدت المخده وصارت واخذت نفس:لا مافيني
روان:متاكد؟
رحاب بصراخ:اقولك مافيني شي
روان :افتحي الباب
رحاب:روان اتركيني شوي مع نفسي
روان:رحاب افتحي ابي اكلمك قبل امشي لدمام
وقفت رحاب وفتحت لها الباب
دخلت روان تناظر للأوراق المتقطعه ومرميه بالارض وبيدها:وش فيك ؟؟
ماردت عليها رحاب
روان تقدمت تمسك يدها:رحاب ليه مسويه كذا بيدك
رحاب: ابي اطلعها مضايقتني
روان:والاوراق؟
رحاب:كلام فاضي وقطعته
روان:كلام فاضي؟ اجلسي ابي اكلمك
,تنهدت رحاب وجلست بجنبها
روان:للحين متضايقه من هالموضوع؟
رحاب:روان الموضوع مو سهل عشان انساه بسهوله !
روان:ادري يروحي بس حاول تتناسين وتعشين
ابتسمت رحاب بقهر:اتناسى واعيش !روان من ورا هالموضوع الزفت احنا بنطلع من بيتنا وديارنا واحنا مظلومين
روان:الشكوى لله ما بيدنا ولا بيدك شي لا تاكلين بنفسك زياده
رحاب:ماني متخيله اطلع من هالبيت واعيش بمدينه روان انا احب بيتنا وحياتنا هينا مستحيل اتخيل اني اعيش بمدينه! ,حطت يدها على وجهها تبكي ؛وابوي واهلي يالله احس اني السبب بكل شي صار
روان ضمتها:لا تقولين كذا انتي ما سويتي شي وكل شي صار اعتبريه ابتلاء من الله ويختبر صبرك قوي نفسك وما تدرين لعل طلعتكم من هينا خيره وبعد سعد هناك واكيد مو مقصر معكم!
رحاب ضحكت بسخريه وهي ترفع يدها المكسوره:اي مو مقصرمعانا
روان عضت اسفل شفتها بقهر: صدقيني بيعتذر وانتي بعد سامحيه هو ما سوا كذا الا انه فاهم غلط
سكتت رحاب بدون رد
بعد دقايق من الصمت
روان بتردد :رحاب بسألك
رحاب:اسألي
روان:حبيتيه!
رحاب نزلت راسها و شدّت على يدها بقوه :اكذب اذا قلت لا
روان:قولي طلعي الي داخلك مابي امشي من هينا الا وانتي قايله كل الي داخلك صدقيني بترتاحين
رحاب تنهدت تنطق:كان اول رجل يعجبني واحبه بس خلاص احس اولد بدخلي كرهه وغضب عقب الي صار تصدقني ترجيته مسكته بيدي هذي اترجاه اقول على الاقل مو نفس اليوم تطلقني مو خوفاً علي لا والله اخاف يتكلمون في اهلي وفي ابوي وتربيته وصار الي خفت منه وليته بس على هذا لا وبعد طردونا من هينا انا اول مره بحياتي اذل نفسي واترجا احد كذا ! قهرني وحسيت نفسي ولا شي عقب الي صار احسني انذليت قدامه وقدام امه حسبي الله عليهم
روان وقفت تضمها:خلاص يروحي انتي قويه وبتتخطين وصدقيني بتكملين حياتك
بادلتها رحاب الضم بدون ما ترد
ابتعدت روان تبوس خد رحاب:يلا انا ماشيه انتبهي لنفسك
رحاب ابتسمت:الله يستر عليكم
طلعت روان اما رحاب رجعت تلم الاوراق وحطها بالزباله "يكرم القارى" ورتبت الفوضى الي سببتها وحطت راسها ونامت
أنت تقرأ
أنت أعتبرني مثل فرصه وضاعت
Fantasyتبدأ احداث روايتنا مع بطلتنا الي تعيش مع اهلها بقرية تحاطوها المزارع وفي احد اليالي الممطره تلاحظ شخص منصاب بنص مزرعة ابوها وتساعده بس تنقلب حياتها بعد هاليله ... Tik:wadha9x0 Insta:wadha9x0
