තාමත් හිතා ගන්න බෑ මට එදා වෙච්ච සිද්දිය.
මහ රෑ වතුර සද්දයක් ආවා වුනත් වොෂ් රූම් එකේ දොර ඇරියට පස්සේ මොකුත්ම නෑ පේන්නවත් තිබ්බේ. වතුර ඇරිලා තිබ්බද කියලා හොයා ගන්නවත් බැරි විදියට බිම නෙවෙයි එක වතුර බින්දු වක් වත් තිබ්බේ. ඒක එක්කෝ හීනයක් වත් වෙන්නැති
" මොනාද අප්පච්චියෙ ඔය හැටි කල්පනා කරන්නෙ මයෙ හාමු මහත්තයා "
" අහ් ඔයා...... එහෙම මොකුත් නෙවෙයි නිලූෂ. මන් අමුතු හීනයක්ද මන්දා දැක්කා. ඒත් හරියටම කියන්න බෑ "
" ලොකු මැණිකෙද දැක්කේ ම්..... "
එයා මයෙ මූණට එබිලා හිනා වෙවීම ලොකු මැණිකෙද කියලා අහද්දී මන් එයාගේ නළලත් තල්ලු කරලා ආයේ අපි තුන් දෙනාගේ ඇදුම් නව නව ලොකු බෑග් එකට දැම්මා.
" ලබ්බ තමයි. එහෙම එකක් නෙවෙයි මිනිහෝ පිස්සු තමුසෙට. මන් දැක්කේ වතුර වැටෙනවා වොෂ් රූම් එකෙන්. දොරත් ඇරන් ඇතුළට යනකොට වතුර බින්දුවක් වත් බිම තිබ්බේ නෑ "
" ඇයි අප්පා ඔච්චර කේන්ති ගන්නේ ඈ..... ඒක ඉතින් නිකන් හීනයක් විතරයි නේ "
මේ මනුස්සයා දැන් මාවත් ඒ ඇගට තද කරගෙන පිඹුරා වගේ වෙලන් මයෙ කනකුත් හප හප ඇයි කේන්ති ගන්නේ කියලා අහනවා
" අම්මා ගැන ඔහොම කියද්දී ඔයා කියන්නේ මට බක බක ගාලා හිනා වෙන්න කියලද ආ... එහෙම අම්මව මට හීනෙන් පේන්න තරම් එයා මේ වලව්වේ හොල්මන් කරන්නෑ නිලූෂ. අනික හොල්මන් පෙරේතයෝ ඉන්න තැන අපිට ඉන්න බෑ. පුළුටු ගදත් එනවා එතකොට "
" මන් නිකන් කිව්වේ ඉතින්. කේන්ති ගන්න එපා හාමු. මයෙ හාමු ඉක්මනට වයසට යයි "
" දවසින් දවස වයස යනවා තමයි මයෙ නිලූෂ "
බෑග් එකත් වහපු මන් එහෙම කියලා ගියෙ කබඩ් එකේ තියෙන පැටියගේ කඩචෝරු පෙට්ටිය ගන්න. හත් දවසෙ දානේ වැඩ කටයුතු ටිකත් ඉවර නිසා අපි අද ක්වාටස් එකට යන්න කියලා
" සාහුල් ගීල්ලා ඉක්මනත එන්තම් මන් "
පැටියා වාහනේටත් නැගලා නිලූෂගේ ඔක්කේ ඉදගෙනම රාහුල්ට යන්නම් කියනවා. රාහුල් දෙව්මිගේ අතින් අල්ලාගෙන මූණත් ඇඹුල් කරන් බලාගෙන ඉද්දි අපෙ අප්පච්චිත් ඇවිල්ලා රාහුල්ව වඩා ගත්තා. වාහනෙත් හරවගෙන යන්න යද්දි මන් ලාවට වගේ දැක්කේ ටිකක් ඈතට වගේ වෙන්න ඉස්තෝප්පුවේ ඉදලා ඇතුළට යන ජායාවක්. කමනි නන්දාවත් වෙන්න ඇති.
YOU ARE READING
අත් වැරැද්ද ( Completed )
Non-Fiction" වීරන්කෙඩුව වලව්වේ පුංචි හාමු අවසරද මට......... පුංචි පැටියගේ චූටි අප්පච්චි වෙන්න " - නිලූෂ සත්සිදු -
