||بـتـّلآت||

00:00

————-/////————

•قد يجمعنا القدر بأشخاص كالهبه الالهيه 🌅•
———"
——"
———"

-وسط غرفه مبعثره-
تن تن تن تن~
اممممم
تنن تنن تنن~
اييي ياخ صحيت صحيت دة شنو المنبه السغيل دة
-نزلت رجليني من السرير بكسل و اتجهت للحمام
صباح الوش السمح دة حسي دة شنو ليه عامله كدا اعوذ بالله التقول ضارباني كهربا
-غسلت وشي و سويت الروتين اليومي لي العنايه بي بشرتي و اخدت دش سريع لبست اليونيفورم الجديد نسبه لي اني نازله سنه جديده ، عاينت للمرايه
يا سلااام بت الثانوي ما عرفتك ياخي انا اي حاجه بتطلع فيني حلوه ،جميله يا انا
-سرحت شعري كعكه و ختيت الطرحه نص راسي ،لبست كونفرس بيضاء و شلت شنطتي الكنت مجهزاها من امس بالليل من الحماس ،طلبتها من شي ان لونها رمادي فيها فراشات زرقاء نزلت عشان افطر و انتظر الترحيل
امييي حبيبتي صباح الخييير
+يسعد صباحك يا حبيبتي كدي لفي وريني الكشخه
-لفيت و انا بضحك
اها الفطور شنو لاني جعاااانه
+سجق و بيض زي ما بتحبي
يا سلااام تسلم ايدك
+ما انا السويته سوته ميري لكن ماف مشكله برضو ههههههه
و الله انتي يا امي من ميري رجعت ما صدقتي خلاص بقيتي ما تطبخي لينا لكن مرات سوي لينا عشان بحب اكلك
+طوالي حبيبتي انتي اطلبي بس
-ابتسمت و بستها في راسها و طلعت قعدت في الحديقه و الحماس عايز يطلع روحي من جسمي ، فجاة سمعت صوت الترحيل جريتتت فتحت البوابه عاينت لقيته في بدايه الشارع زعلت و لمن وصلت شاكلت السواق .
ليه واقف لي في بدايه الشارع ...
السواق : انا ما عارف البيت بس ادارة المدرسه وصفت لي الحي و الشارع لكن المره الجايه بجيك قدام الباب
ايواا لا خلاص تمام
-ركبت كان في تلاته بنات

*مشهد اخر*

ااااااااا ياخييي فك الشيء دي
+ابيت يا زوله
يا امييي شوفي ولدك العوقة دة ما عايز يديني ساعتي
~ايمن يا ولد ادي اختك الساعه خليها تتخارج
ايمن: لكن يا امي دي ساعتي
انت امس قلت لي بديك ليها الليله مالك كلام الاول ما بتغييير
~ الله يرضى عليك يا ايمن ولدي اديها الساعه
ايمن : هاك اشبعي بها ما عايزها
احسن يلا
-صرخ و جرا غرفته
~ياسمينة اطلعي بعد دة الترحيل دة كان ما انتظرتي تحت ما بتسمعي صوته
اي طالعه بس البس الشوز
-شلت مفاتيح الشقه و طلعت فجاة لقيت نفسي ما لابسه طرحه تااني طلعت ختيتها في كتفي و نزلت سريع اول ما طلعت الشارع العربيه جات .
سبحان الله توقيت ممتاز ،صباح الخير يا شبابز
-قعدت جنب بت كدا مزه عديل طوالي تعرفت عليها
يا مزه
+انا؟
اي انتي اسمك منو
+هههه ملاك
اسم على مسمى و انا ياسمين ممكن تناديني ياسمينة او يسو البعجبك
+ ايوا تشرفنا
الشرف لي

———

*ملاك*

-كنت قاعده بعاين للشارع فجاة ركبت جنبي بت لونها اسمر مسويه شعرها ضفاير كتيرة (بوب)و فيه اكسسرز نحيفه طويله سلمت علي و تعرفت بي طلع اسمها ياسمين واضح انها كيوت بس حركتها كتيره