အသားမပါဘဲ ကြက်ဥနှင့်သာ ပြုတ်ထားသည့် ခေါက်ဆွဲပန်းကန်လေးက အငွေ့တထောင်းထောင်းထလို့ စားချင်စဖွယ်အတိ။ပထမဆုံးတစ်လုပ်စားကြည့်လိုက်တော့ ခေါက်ဆွဲပြုတ်ရဲ့အရသာက အရင်အသားနှင့်ပြုတ်တုန်းက အရသာနှင့်သိပ်မကွာ။
ငါပြောင်းလဲကြည့်ပြန်တော့လည်း ဘာလို့များရလဒ်ဟာ သိပ်မကွာရတာလဲ။ဒါဆိုငါ့ဘဝကြီးတစ်ခုလုံးကိုပြောင်းလဲကြည့်ရင်တောင် ရလဒ်က ထိုခေါက်ဆွဲပြုတ်လို ဘာမှသိပ်မကွာနိုင်တော့ဘူးလား။"ဟက်...ခေါင်းဆွဲပြုတ်နဲ့ဘဝက တူမှမတူတာချမ်းမြှေ့ရယ်...ရူးကြောင်ကြောင်အတွေးတွေ တွေးမနေစမ်းပါနဲ့"ဟုကိုယ့်ကိုယ်ကိုသာ ခပ်တိုးတိုးဆိုလိုက်သည်။
"ပြုတ်ထားတဲ့အသားရှိတယ်...ထည့်ပေးရမလား"
ဝေယံစကားကို ချမ်းမြှေ့က ခေါင်းခါလို့ငြင်းသည်။
"မင်းအရသာမတွေ့မှာဆိုးလို့ပြောတာ"
"ရတယ်ဝေယံ...ငါစားလို့ရတယ်"
ခေါက်ဆွဲပြုတ်တစ်ပွဲရဲ့အရသာကိုတောင် ရအောင်မပြောင်းလဲနိုင်ဘူးလို့မင်းထင်နေသလားဝေယံ။
"ဝေယံ"
စားလို့အပြီး သူဝေယံကိုပြောချင်သည်။ငါကြိုးစားပြီးပြောင်းလဲကြည့်မယ်အကြောင်း၊ငါ့ဘဝရဲ့အမဲစက်တွေကိုတဖြည်းဖြည်းချင်း လျှော့ချပစ်မည်ဆိုတဲ့အကြောင်း ငါမင်းကိုပြောပြချင်တယ်ဝေယံ။
"ဒီနေ့မှမင်းငါ့ကိုဘာလို့ခဏခဏခေါ်နေရတာတုန်းချမ်းမြှေ့"
စိတ်မရှည်သလို ထွက်ပေါ်လာတဲ့ ဝေယံရဲ့စကားကြောင့် ချမ်းမြှေ့အံသြသလိုလေးဖြစ်သွားရသည်။
"ဘာမှမဟုတ်တော့ဘူးဝေယံ"
"မင်းငါ့ကိုတစ်ခုခုပြောဖို့မဟုတ်ဘူးလား"
"ဟင့်အင်းဝေယံ...ငါပြန်တော့မယ်ဆိုတာပြောမလို့"
နားမထောင်ချင်တဲ့လူကို ငါကဘာစကားတွေများပြောရပါ့မလဲဝေယံ။ငါသာပြောင်းလဲဖို့ကြိုးစားပေးပါ့မယ်...မင်းကတော့ပြောင်းလဲသွားလို့မရဘူးဝေယံ...မင်းပြောင်းလဲလိုက်လို့မဖြစ်ဘူး။
YOU ARE READING
ရမ္မက်နွံထဲဝယ်(Completed)
Romance"အချစ်...ဟက်...အလကားအရေးမပါလိုက်တာ" "အချစ်ဆိုတာ မီးတောက်တစ်ခုထက်မပိုဘူး...အချစ်ဆိုတာရုပ်ရှင်မဆန်ဘူး...အချစ်ဆိုတာ ကဗျာဆန်မနေဘူး....ပြီးတော့အချစ်ဆိုတာ ငါ့အတွက်လည်းမလိုအပ်ဘူး"
