عائش [وأسطورة الممالك السبعه ]

الفصل العاشر (مخلوقات من الجحيم )

لنعود إلي "روح"
التي تجلس بتعب وارهاق والصداع الشديد قد أصابها بسبب العقرب والثعبان وهي تستمع لهمساتهم بداخل أذنيها، والتي قد وضعتهم عدواتها "عائش" لتعذبها بهم وهو بعدم استطاعتها النوم  ...

وقد خرج "عبد الرحمن" من غرفته
وهو يسألها بتعجب ما سبب هذه الأصوات!؟

ولكنها لم تجيبه ...!!

ووجدها تضع يدها بقوة على أذنيها ولم تجيب بسبب عدم سماعها له لأنها تركز على ما تتمتم به لمحاوله السيطرة عليهم ...

وجاء بمقعد وجلس أمامها وهو يرى الأوشام السوداء على معصميها وقد فهم سبب ما يسمعه فسألها بتعجب، هما دول سبب الأصوات دي !؟

فهزت رأسها بالإيجاب و رفعت وجهها له بتعب من شدة الصداع وسألته بالاستفهام إنت إزاي سامعهم ؟

فأجابها وهو يبتسم بسخرية ، قائلا لها، من وأنا صغير كنت بسمع همسات ب تخرج من أركان البيت كله ومكنتش أعرف السبب وقتها،  لحد ما جدي فاهمني أننا بعيلتنا بنملك هبة عظيمة وموهبة زي دي ولازم نحبها و نتأقلم عليها  وأني استغلها صح عشان أحافظ على عقلي
وقالي إن والدي مش اتحملها عشان كده حالته النفسيه بقت وحشه بالشكل ده لكن وقتها مكنتش فاهم آوي إللي بيحصل ،
وجدي كان بيساعدني إن أتجاهل الأصوات دي واعتبرها حاجة طبيعية ومفيش منها خوف ، لكن  عرفت لم كبرت اننا مش بنسمع غير صوت حاجات معينه مش من العالم بتاعنا. !!

فهزت "روح" رأسها بالفهم قائلة له ،وهي تنظر على اوشام يدها بتسمعوا أصوت "كائنات الجحيم" وبس .!!

فنظر لها وهو يشعر بالأسى عليها ومن حالتها هذه ، فمد لها كفيه أمامها وطلب منها قائلا لها ، ممكن اشوفهم يمكن أقدر أساعدك .

فاستجابت لطلبه ومدت ذراعيها أمامه وهي تنظر لهم  بضيق قائلة له ، "مخلوقات الجحيم " للأسف.  مالهاش حل غير إن إللي كان السبب فيهم هو إللي يأمرهم بالخروج لانه الوحيد اللي ليه سيطرة عليهم وغير كده انا حاولت كتير مقدرتش .

فضم شفاه بيأس قائلا، واضح كده فعلا وعندك حق مش هتعرفي تمنعي ده لأن من موضع راسهم دليل علي إنهم ضغطين على الشرايين الحيوية لضخ الدم بالجسم والقلب والعقل !!

فابتسمت بسخرية قائلة له ، لو شخص طبيعي كانت اتسببت الكائنات دي في إنه عقله وقلبه ينفجر من كتر الضغط عليهم .!!

فهز رأسه لها ، للتأكيد على ما قالته وهو مازال يفكر بحل ما ليساعدها على السيطرة عليهم وتحدث قائلا لها بفكرة قد خطرت على باله، انا ممكن اعملك جراحة بسيطة وأني أقدر أفصل رأسهم عن الجسم وبكده نقدر نمنع تحكمهم بيكي ويمكن يموتوا.