MAJESTY

1 [ Unicode ]

ရာသီဥတုသာယာသောနေ့တနေ့။

သောကြာနေ့လည်းဖြစ်ကာ လကုန်ရက်လည်းဖြစ်သည်မို့ လူအများစုကအလိုလိုစိတ်ပျော်နေကြကာ အိမ်အတွက်လိုအပ်သည်များကို Agnes Shopping Mall တွင်ပျော်ပျော်ပါးပါးဝယ်ယူနေကြသည်။

Agnes ဆိုတဲ့ တံဆိပ်နဲ့ ကုန်တိုက်တွေက မြန်မာပြည်တခွင်မှာ အများအပြား။ စျေးတန်ကာ ဆိုင်တိုင်း ၊ ဝန်ထမ်းတိုင်းကလည်း စည်းကမ်းလိုက်နာကြကာ ဝယ်သူတစ်ယောက်စီတိုင်းကို တလေးတစားဆက်ဆံကြတာကြောင့် ကလေးရောလူကြီးပါမကျန် Agnes မှာစျေးဝယ်ရတာကို နှစ်ခြိုက်ကြသည်။

ရုပ်ရှင်ရုံ ၊ ကစားကွင်း ၊ ကျယ်ဝန်းသော ကားပါကင် ၊ အမျိူးအစားစုံလင်လှသော စားသောက်ကုန်တန်းနှင့် Brand ဆိုင်များပါမက Rooftop Bar ပါ , ပါရှိသည်မို့ Agnes ဟာ ဆယ်စုနှစ်တခုတိုင်အောင် မြန်မာပြည်ရဲ့ ထိပ်ဆုံး Shopping Mall တံဆိပ်အဖြစ် ရပ်တည်နိုင်နေဆဲပင်။

Mall ရဲ့ အလွှာတိုင်းက ကုန်အမျိူးအစားတမျိုးစီကို သီးသန့်ရောင်းသည်။ ၅လွှာရှိသည့်အနက်မှ တတိယအလွှာကတော့ အလှကုန်ပစ္စည်းသီးသန့်ရောင်းသည်။

ထိုတတိယထပ်တွင်တော့ အနောက်ကဝန်ထမ်းတွေခြံရံလျက် ရှေ့ဆုံးကနေ ခပ်ဖြည်းဖြည်းလျှောက်လာသည့်  သူကို customer တွေသာမက,  ဝန်ထမ်းဖြစ်သူတွေကပါ မသိမသာရော သိသိသာသာပါ ခိုးကြည့်နေကြသည်။

ကြည့်ကြဆို ၊ နှစ်လမှာ တခါလောက်သာ ဒီ Mall မှာမြင်ရတတ်တဲ့ အမျိုးသားမလို့ပင်။ များပြားလှတဲ့လုပ်ငန်းတွေကို စီမံခန့်ခွဲနေရသူမို့ လုပ်ငန်းအများစုကို အများအားဖြင့် လက်ထောက်တွေနဲ့သာ လွှဲထားလေ့ရှိသည်။

ဝတ်ထားသည့် suit အနက်ရောင်က တောင့်တောင့်တင်းတင်းရှိလှသည့် ခန္ဓာကိုယ်ပေါ်မှာ သပ်သပ်ရပ်ရပ်။ ကပြားအမျိုးသားတစ်ဦးဖြစ်တာကြောင့် အနောက်တိုင်းဆန်သည့် မျက်နှာပေါ်မှာ အစိတ်အပိုင်းတခုစီတိုင်းက သေချာထွင်းထုထားသလို။ ထို့အပြင်အနောက်တိုင်းသားတို့ ထုံးစံအတိုင်း ရှည်လျားလှသည့် အရပ်အမောင်းတို့နဲ့အတူ မည်သို့နေရာမှာမဆို ထင်းထွက်နေသည့် ထိုအမျိုးသား။