ပူပူလောင်လောင် နေ့လည်ခင်းတခုမှာ ပြည့်လင်းစေသော် နေ့လည်စာစားပြီးခံတွင်းချဥ်လာတာနဲ့ ဝရန်တာထွက်ပြီး ဆေးလိပ်သောက်နေလိုက်သည်။
ဘုန်းထက်နိုင်က သူ့အသိတယောက်မိတ်ဆက်ပေးသော အလုပ် interview သွားဖြေတာကြောင့် မနက်ကထဲကအိမ်မှာမရှိ။ သောကြာနေ့လည်းဖြစ်တာကြောင့် ပြည့်လင်းစေသော် တယောက်ထဲပျင်းပျင်းရိရိနဲ့ အလုပ်မလုပ်ချင်တာကြောင့် ယောင်လည်လည်လုပ်နေတာ။
ပြည့်လင်းစေသော်က အလုပ်ကိုအစီအစဥ်ချကာလုပ်တတ်သည်။ တပတ်ကို ၆ရက်အလုပ်လုပ်ကာ သောကြာနေ့တရက်ကိုတော့ အလုပ်ဘယ်လောက်များများ ၊ ဘာအလုပ်မှဆက်မလုပ်ပဲပစ်ထားလိုက်သည်။
သူများတွေကတော့ စနေ၊ တနင်္ဂနွေဆိုနားတတ်ကြပေမယ့် ပြည့်လင်းစေသော်ကတော့ သောကြာနေ့ကိုသာချစ်သည်။ သူ့အလုပ်ကလည်းအဲ့လိုနားချင်တဲ့ရက်ရွေးလို့ရတာလည်းပါမည်ပေါ့လေ။
- တီ တီ
တယောက်ထဲစိတ်ကူးပေါက်ပေါက်နဲ့ တွေးချင်တာတွေးနေတုန်း ဘေးနားက စားပွဲပေါ်ချထားသောဖုန်းကမြည်လာတာကြောင့် ကြည့်လိုက်တော့ ဦးလေးဖြစ်သူ။
'' ဟယ်လို ဦးဇော် ''
'' အေး သား ၊ နေကောင်းရဲ့လား ''
'' ဟုတ် ဦးဇော် ၊ ကောင်းတယ် ။ ကျွန်တော်လည်း ဖုန်းဆက်မလို့ပါပဲ။ ဒီနေ့မှနားရတာနဲ့ မဆက်ဖြစ်သေးတာ။ ဦးဇော်နဲ့အန်တီလေးတို့ရော နေကောင်းကြလား။ ဘာလိုသေးလဲ ''
'' ဘာမှမလိုပါဘူးကွာ ၊ တလတလ မင်းပို့တဲ့ပိုက်ဆံနဲ့တင် တို့အဘိုးကြီးလင်မယားကဖူလုံနေပြီ ။ အခုလည်း မင်းအန်တီလေးက မင်းကိုသတိရတယ်ပြောပြောနေလို့ ဆက်လိုက်တာ ။ နေဦး ဘေးနားကနေ ဖုန်းလိုက်လုနေတာ ။ အော် ပေးပါ့မယ် မိန်းမရယ် ၊ ငါလည်းငါ့သားနဲ့ခနစကားပြောပါရစေဦးဟ ''
ဖုန်းထဲက ကြားလိုက်ရတဲ့ စကားသံတွေကြောင့် ပြည့်လင်းစေသော် ခပ်တိုးတိုး
ရယ်လိုက်မိသည်။ ပြည့်လင်းစေသော် ငါးနှစ်သားအရွယ်မှာ မိဘနှစ်ပါးနဲ့အတူ ညီလေးက ရွာလုံးကျွတ်ရေကြီးတဲ့ထဲပါသွားကာ တိမ်းပါးသွားတာဖြစ်သည်။
YOU ARE READING
MAJESTY
General Fiction- 4 - 𝑾𝒉𝒆𝒏 𝒕𝒉𝒆 𝒎𝒊𝒙𝒆𝒅-𝒓𝒂𝒄𝒆 𝒃𝒖𝒔𝒊𝒏𝒆𝒔𝒔 𝒎𝒂𝒏 𝒘𝒉𝒐 𝒐𝒏𝒄𝒆 𝒃𝒆𝒍𝒊𝒆𝒗𝒆𝒅 𝒉𝒆 𝒄𝒐𝒖𝒍𝒅 𝒏𝒐𝒕 𝒃𝒆 𝒇𝒐𝒖𝒏𝒅 𝒃𝒚 𝒍𝒐𝒗𝒆 𝒂𝒈𝒂𝒊𝒏 𝒎𝒆𝒆𝒕𝒔 𝒂 𝒘𝒆𝒃-𝒅𝒆𝒗𝒆𝒍𝒐𝒑𝒆𝒓 𝒃𝒐𝒚 𝒘𝒉𝒐 𝒉𝒂𝒑𝒑𝒆𝒏𝒔 𝒕𝒐 𝒃𝒆 𝒂 𝒑𝒍...
