"ကောင်လေး"
"ပြောလေကိုအောင်ခန့်ကျော်...ကျွန်တော်တို့ရောက်နေတာဖြင့် ကြာလှပြီ....အခုထိပြောစရာရှိတာကိုမပြောသေးဘူးနော်"
ချမ်းမြှေ့ကစိတ်မရှည်သလိုပြောတော့ ထိုလူကရယ်သည်။
"ကိုယ်ပြောသင့်မပြောသင့်စဉ်းစားနေရလို့ပါကောင်လေးရ...စကားတစ်ခွန်းကိုနှုတ်ကလွယ်လွယ်ထွက်လိုက်မိရင် ကိုယ်ကြိုးထာရတဲ့ ဆက်ဆံရေးတစ်ခုကပျောက်ပျက်သွားနိုင်တယ်လေ...ဒါပေမယ့်ကိုယ်ပြောမယ့်စကားကို ကောင်လေးစိတ်မဆိုးပါဘူးလို့ ကတိပေးနိုင်မလား"
"ဘာစကားများဖြစ်နေလို့ပါလဲကိုအောင်ခန့်ကျော်"
"ကိုယ်မင်းကိုချစ်တယ်ကောင်လေး"
"ဘာများလဲလို့ကိုအောင်ခန့်ကျော်ရယ်"
ချမ်းမြှေ့ကရယ်ရင်းဆိုတော့ ထိုလူကအံ့သြသလိုကြည့်လာသည်။
"ကောင်လေးမအံ့သြသွားဘူးလား"
"အင်းနည်းနည်းပေါ့"
"ဒါဆိုကိုယ့်ကိုလက်ခံမလားကောင်လေး"
"ကျွန်တော်ငြင်းပါရစေကိုအောင်ခန့်ကျော်"
အောင်ခန့်ကျော်ထင်တာက ကောင်လေးကသူ့လိုလူမျိုးကိုသေချာပေါက်လက်ခံလိမ့်မည်ဟုပင်။သို့သော် လက်တွေ့မှာတော့ကောင်လေးကတစ်ချက်တောင်မစဥ်းစားပါဘဲ ချက်ချင်းကိုအငြင်းစကားပြုလာသည်။
"ဘာလို့ငြင်းရတယ်ဆိုတာကိုယ်သိခွင့်ရနိုင်မလား...ကိုယ့်လိုပြည့်စုံတဲ့လူကိုငြင်းစေနိုင်လောက်တဲ့အချက်မျိုးကို ကိုယ်သိချင်တယ်"
အောင်ခန့်ကျော်စကားကို ချမ်းမြှေ့ကထပ်ရယ်သည်။
"လောကမှာပြီးပြည့်စုံတဲ့လူဆိုပြီးရှိလို့လားကိုအောင်ခန့်ကျော်"
အောင်ခန့်ကျော်ကမဖြေဘဲ ခေတ္တမျှတိတ်ဆိတ်နေသည်။ကောင်လေးကသူပြောလိုတာကို ဆက်၍ပြောလာသည်။
"ကိုအောင်ခန့်ကျော်ကိုသိစေချင်တာက ပိုက်ဆံရှိတာနဲ့ အရာအားလုံးကပြည့်စုံမသွားပါဘူးနော်...စစ်မှန်တဲ့ချစ်ခြင်းမေတ္တာဆိုတာ ငွေနဲ့ဝယ်ယူလို့မရဘူး....ကျွန်တော်ပြောတာစစ်မှန်တဲ့ချစ်ခြင်းမေတ္တာကိုနော်"
YOU ARE READING
ရမ္မက်နွံထဲဝယ်(Completed)
Romance"အချစ်...ဟက်...အလကားအရေးမပါလိုက်တာ" "အချစ်ဆိုတာ မီးတောက်တစ်ခုထက်မပိုဘူး...အချစ်ဆိုတာရုပ်ရှင်မဆန်ဘူး...အချစ်ဆိုတာ ကဗျာဆန်မနေဘူး....ပြီးတော့အချစ်ဆိုတာ ငါ့အတွက်လည်းမလိုအပ်ဘူး"
