السلام عليكم ورحمه الله وبركاته
صلوا على نبينا محمد
و حبايبنا المسيحين مجد سيدك
و متنسوش الفوت و تعليق لانه بيفرق جدا
و يلا بينا
------------------------------------
توقفنا المره السابقه عندما كان هناك شخص يدور ب ياقوت و بيقولها : وحشتيني خالص يا ياقوت
فردت عليه ياقوت : و الله و انت واحشني خالص خالص يا عمار ايه كل الغيبه دي
فنظر لهم فهد بغضب و غيره و قال : انت ايه اللي جابك ي عمار ما انت كنت في لندن و انا سايبك هناك و قولت مش هترجع دلوقت
قاطعه عمار قائلا و هو يجذب ياقوت لاحضانه مره اخري : انا حبيت اعمل مفاجئه لياقوتي
و شدد من احتضانها و قال بمكر : و لا انت عندك مانع
فذهب فهد مسرعا و قال له و هو يجذب ياقوت من بين يديه : اه صح ي عمار هو متعرفش أن انا و ياقوت هنتجوز
قال له عمار و هو يجذب ياقوت له مره اخري و يحتضنها من الخلف : اه عارف و الف الف الف مبروك
فقال فهد بوقاحه و هو يجذب ياقوت له : امال مالك قافش فيها ليه هي هتبقي مراتي انا مش انت يعني
فضحك عليه عمار بشده و ذهب ناحيه جده المبتسم عليهم فهو يعرف أن عمار يحب اثاره غيره فهد علي ياقوت
و قال له عمار و هو يقبل يد جده : ازيك ي جدي عامل ايه ليه واحشه و الله
فقال له الجد و هو يجذبه لاحضانه : اه ي بكاش لو كنت وحشتك فعلا كنت رجعت من بدري شويه عن كدا
فقال له عمار بمشاغبه : ارجع ازاي بس ي جدي دا كان في هناك شويه مزز إنما ايه
فقال له عمه محمد و هو يقرص أذنه : اه مزز قولتلي
و اكمل مازحا حتي يضايق نوال زوجته : طب ي طماع مش كنت تقولي حتي كنت جيت معاك و ونستك
فقالت نوال بغيره : كنت روحت ي ابو فهد
فقال لها محمد بتذمر : ايه لازمه ابو فهد طيب انا اسمي محمد
فقالت له لتغيظه : يمكن تفتكر أن معاك عيل عنده 30 سنه
فقال فهد بغيظ : انت مش ملاحظه حاجه ي ماما و لا ايه
فقالت له : حاجه ايه يحبيبي
فرد هو : ابدا انك جامعه بين عيل و 30 سنه في جمله واحده و بعدين دا منظر عيل
قال هذا و يؤشر لنفسه و ضحك الجميع علي هذا الكلام و سلم عمار علي. باقي العائله
و قال و هو يقبل خد ياقوت فهو يعتبرها كأخته الصغري و ليغيظ فهد : انا هروح انام شويه ي ياقوتي ماشي عشان تعبان شويه
فقال له فهد و هو يقذفه بالطبق الفارغ أمامه : امشي من هنا بقولك يلا
فضحك عمار علي غيرته و صعد ليرتاح قليلا
