Healed

Reality

Ppl me let in the lady inna d car and swear think I was going to get some words a encourage or at least a shoulder to cry on , no no no and no the lady come in pon wid bout 6 demons with her ppl uno just listen to wah d lady say while me a nyam me food .

Mommy : skye ! A good you front no good mek you best friend tek you man . All the time me tell you carry you self good and cook give the man you really mek you fren tek u man! Wah you front do no have no walls , no likkle lining you no have. No sah God look ya mi good good son in-law gone tpc. Skye wah me go do now? Skye look pon me ? See if you did a use you mouth like u a suck of the chicken you wudda have a man and you how u a look pon d Dutty man inna him squeeze me balls and leggo me ankle pants a muss plastic bag him use go in deh . A that u want but no badda look deh so caz him nah go want you, even if you falla you rest a sell front frenz dem weh me see u a falla u nah get no sale caz you ole no good.

Shock tek me over tpc , imagine all a wah me ago through and now this she come a tell me , me nah cry mek she see a tough love me grow pon and me cudda spend all me live a try please this lady I will never be enough, cah be enough , why she hate me ? Bruh she have 3 a we and she mek me hate d ole family me not even talk to me siblings dem caz she build hate inna dem me hardly classified as family. A kill she wah me kill me self fi she be happy . Bruh from me likkle mommy bring me down to the ground, she just need fi hear say me do something beating a kill me and best believe ano nth normal a claat me down . As the tears line me eye and ready fi drop me just look up to sky and ole me breath and zone out caz she still a cuss and best believe a big Christian weh lead church a say them things. Man cuss me , batta me and breed fren pon me and mommy not even a say hush me daughter you will rise again, better a come .

Tired a hear r voice now , tired a bring down just wah go sleep not even bother feel good and the just like that Mr big C no bother turn me on. Wonder if no rum no deh a me yaad or me fren dem ago no party. Mek me text me inna the group and ask , these frens no care bout u personal life dem just wah know u available fi do road and guess wah who need love when everybody just wah use you and abuse just go numb and done. As mi tek up   me phone a me window that a knock, no sah me cah ketch a break but I am grateful for you is at the window because I am now met with silence ,finally me ears can eat grass. Looking at the window to see who brought me peace nothing but the boss and such man , wah dem want ya now. Rolling down the window , my boss said he needed to talk to me . Watch fired ya now apply the icing to cake now boss man mek life balance because I can't do nth right today, ano my day today at all. Send help ppl caz a mad house me bout fi reach, see me no only have panic attack my first love is overthinking and we lock in , cah left no see who can break we up . Putting my food up because me coming back to it and grabbing a spearmint and cranwata , straight outta door me a head and left d 7 devil in ya by themselves can play with each other caz me tap out. Walking with both men by side heading to a spot where shade is and privacy . As me reach the big tree me just buss a bad pose wid one leg bend pon the tree and sipping me wata at this point me just tired .