صافح الود قلبي يوم جيتك

6

لفوا العيال كلهم وناظروا ايهم وثم ناظروا عامر وعلى طول قاموا
سطام : وين ؟
ايهم : مدري بس ابي اطلع
قاموا العيال وغيروا ملابسهم وتجهزوا بسرعه وطلعوا وبطريقهم ناظروا بـ اوجان الي جالسه تسولف مع جدهم
بندر : وليدد
لفت اوجان : ها
بندر تقدم لعندها : امش امش تبي معنا ؟
اوجان : وين
بندر : مدري عن ايهم اسأله
اوجان ناظرت لـ ايهم
ايهم رفع كتوفه : مدري وين بنروح بس طلعه خفيفه
اوجان قامت وهي مبسوطه : معكم
سلمت على جدها ، وسوو العيال المثل وسلموا كلهم عليه واستأذنوا وراحوا
ركبوا كلهم وناظرت اوجان بـ تيّـام يوم ركبوا كلهم وبقت هي واقفه تناظر فيه
ضحكت اوجان وجلست بجنبه وقفلت الباب : شفيك ؟
ناظرها وهو يتأمل ضحكتها وناسي نفسه ، شوي استوعب على نفسه يوم حرك ايهم وصد : ها ؟ ولا شي
ناظرته بأستغراب ولفت للدريشة تناظر الجو وتتأمل الشوارع ، وقاطع جوهم ايهم المروق ولف عليهم بأبتسامه : يعيال ما تبون تفحطون ؟
العيال : الا والله نبييي
كسر ايهم الطاره وهو يلف لمكان خالي من كل شي ولكنه قريب شوي من ديرتهم ، و وقف يوم وصل
ايهم : من اول واحد ؟
بندر : انا ! انا قلت اول
ثنيان لف : لا لا انا
ايهم : امم اصبروا
ناظر بـ اوجان : وليد تعرف
اوجان : لا والله ما اعرف
العيال : اركب اركب نعلمكك
اوجان ناظرتهم : ايش ؟ صدق والله ما اعرف اسوي لكم حادث
تيّـام ناظرها : وليد قم قم الحياة مره وحده جرب بس ما بتخسر شي
اوجان ناظرت بـ تيّـام : منجدك انت ؟ لا بخسر حياتي
تيّـام : الله لا يقولها
ايهم : يلا عاد وليد قم عشاننا
تنهدت ونزلت من المقعد الخلفي وتقدمت لمكان السايق وناظرت بـ ايهم الي نزل وراح بمكانها وقفل الباب ، وتأكدت ان الموضوت جد وركبت وقفلت الباب وتحمسوا العيال وهم يعززون لها ويصارخون بحماس
تحمست اوجان ومشت وبعد وقت قصير بدت تفحط ولا هي داريه وش تسوي اصلاً ، اللهم انها جالسه تكسر الطاره مره يمين ومره يسار بكل قوتها وهي سارعه
والي حمسها زياده حماس وصراخ وتشجيع العيال
ابتسمت وكملت طريقها وما وقفت ابداً بالعكس كانت مكمله وما تشوف شي قدامها
ولكن فجأة وهي ما تدري بدت تغمض عيونها وتفتح بدون سبب ، حست بدوخه مع انها متاكده ان قبل ما حست بدوخه وكانت عاديه
نست توقف السيارة وبالعكس كانت مكمله رغم الظروف
وفجأة حست انها دعست بصخره كبيره شوي ، اكبر من السيارة تقريباً ، وعلى طول استوعبت و وقفت السيارة الي برضوا وقفت بنفسها من قوة الحادث الي فجأة صار بسبب الدوخه الي جاتها ، واكبر غلط انها ما وقفت وكملت وما استوعبت زين الا يوم شافوا العيال يصارخون وينزلون وتيّـام يناظرها ويحاول يقومها تنزل معهم وهي تناظر بصدمه من الي صار بـ كم دقيقه بس !
ناظرت تيّـام ورجعت تناظر قدام وناظرت يدها اليمين الي بدت تصب دم
تيّـام بحده وخوف عليها : قمم !
ما تحمل وشالها وهي ولا كلمة وبس فاتحه فمها على خفيف بصدمه ، لـ اول مره تسوي حادث وتشوفه مره قوي لأنها تضررت شوي بيدها ، ولكن العيال محد منهم تضرر الا ايهم لأنه كان لاصق بالباب وصقع براسه وجلس يتحسسه بكل الم وهو يحاول ما يبين ضعفه للعيال ورجع يده وشافها ، والصدمه انها صارت كلها دم
نزلوا العيال كلهم وتأكدوا انهم كلهم موجودين حول بعض وناظروا بـ تيّـام الي نزل اوجان ومنشغل عليها مره ويشوف يدها ، وايهم الي الدم صار بجبهته
عامر : يعيال وش صار ؟
سطام : وش الي وش صار ؟ مب نايم انت
عامر : اصبروا خلوني استوعب
تيّـام ناظر بـ اوجان ورجع ناظر بيدها : سلامتك سلامتك يا ولد ، ما فيك الا العافيه ان شاء الله
لف تيّـام على ثنيان الي قريب من شنطة السيارة : ثنيان ، جيب من عندك الشاش
لف ثنيان بسرعه لـ تيّـام : ابك من توجع ؟
تيّـام رفع صوته : هاته بسرعه
تقدم ثنيان وفتح شنطة السيارة وعلى طول اخذ الشاش الي لقاه قدام عيونه ، وقفل الشنطة وهو يروح لـ تيّـام واوجان الي تقدموا العيال يشوفون جرح اوجان ، مد ثنيان الشاش لـ تيّـام واخذه تيّـام وهو يفتح واخذ منديل ومسح الدم الموجود بيدها ، ولف الشاش حول يدها واخذ اللصق يثبته فيه
لف تيّـام على ايهم : تعال اشوف
ايهم : لا لا مافيني الا العافيه
تيّـام بحده : اقولك تعال
تقدم ايهم وجلس جنب تيّـام ورفع تيّـام شعر ايهم وسو مثل ما سوا لـ اوجان وساعدوه العيال
لفوا على عامر الي نزل الفرشه ولف عليهم : اقول دام الجو حلو خلونا نجلس هنا واساساً الديرة مب بعيده نجلس ونروق ونعين من الله خير ومن ثم نرجع للديرة
ثنيان : اقسم بالله انك فاضي ، شوف حالتنا مسوين حادث
وأشر على اوجان وايهم : وذول مصابين
ورجع ناظره : وانت تبي تجلس ؟ ولا مطلع الفرشه بعد
حطها عامر بنص جلستهم وجلس : تبون تجلسون ما تبون بكيفكم
ايهم ضحك : صح صح ترا يعيال فيه اغراض بالسياره لها فتره طلعوها واجلسوا
ثنيان : يعيال مابي انط عليكم ، وشذا البرود ؟ مصابين مصابين افهموا
ايهم وقف وناظر ثنيان : شفيك خايف كذا وبزياده ، يا ولد مصابين مب ميتين !
لف ايهم وناظر للسياره الي انعدمت بقوه ، وتقدم يفتح ابوابها الي انكسرت والزجاج المكسور طايح بالارض وصار فتات
تنهد ايهم وحزن على سيارته الي راحت بهالسرعه وطلع كل شي داخل السياره وتقدم معاذ ومعه سطام وبندر يساعدونه
اما عند اوجان الي ناظرت بـ تيّـام الي قام وجلس بالفرشه وسحبها معه وجلسها جنبه ، وشافت العيال وهم يحطون البطانيات والمخدات
تنهدت ورجعت تناظر بـ تيّـام وما نطقت بكلمه وهي تعبانه ودايخه من التعب ، وانسدحت على فخذه وغمضت عيونها وهي قاصده تنام على فخذه عشان ما يقوم
اوجان : تسمح لي ؟
تيّـام حط يده على راسها وجلس يلعب بشعرها : خذ راحتك
ابتسمت اوجان بهدوء وغمضت عيونها وما كانت تبي تنام ، كانت تبي تسترخي لكن غلبها النوم واخذت غفوه
واما تيّـام جلس يلعب بشعرها الى ما حس انها نامت  ومالها حس وابعد يده وجلس يلعب على جواله  ، ونصهم جلسوا وقاموا يسولفون مع بعض
-
" بـعـد وقـت طـويـل "
عامر : يا عيال طفشت ومعاي نوم ماني قادر انام هنا
ايهم : وش تبي نسوي طيب ؟
عامر لف يناظر حوله وهو يشوف ان طريق الديرة بعيد شوي عنهم ورجع لف على ايهم والعيال
عامر : اقول الديرة ماهي بعيده وحنا تكينا هنا وطولنا الصدق ، امشوا نجمع عفشنا ونشيلها كلها ونروح للديرة مشي وان قابلنا جدي علمناه بالسالفه سهالات ترا
ثنيان : وين يخوي ؟ تبي جدي يذبحنا
لف ثنيان على اوجان الي صحت من النوم وجلست تناظرهم وهم يتكلمون : والمسكين ذا هو السبب لكن لا نظلمه ، ولحد يقول لجدي عن الي صار
ايهم : غبي انت ؟ تبغون تنكبوني ، روحوا انتوا ماني رايح
اوجان لفت عليهم وعلى ايهم تحديداً وهي هالمره تتكلم بهدوء بزياده : خلاص هدوا شفيكم ، الموضوع سهالات على قولة عامر ، انجلد معكم ولا تنجلدون لوحدكم
لف عامر يصفق يده بيدها ويقرب منها ويصقع بكتفها مثل ما يسوي مع العيال : عز والله انك كفو الخوي الي ما يخلي خويه
انخرشت من عامر : طيب شفيك هد شوي وتهجم علي
عامر ضحك وابعد شوي : خايف مني ؟
اوجان : لا طبعاً
لفت على طول تاركه العيال يتناقشون بالموضوع وهي تناظر تيّـام الي طول الوقت تناظر فيه وتبيه يتكلم ويسولف لكنه كان طول الوقت من صحت وهو على جواله ولا ناظر فيهم اصلاً
لكن استوعبت بسرعه يوم شافته ناظر فيها وعيونه بعيونها ، وعلى طول لفت تصفق عامر بدون سبب عشان تبين انها معهم بالسالفه ولا كانت تراقبه قبل شوي
انخرش عامر وفز : لا اله الا الله شسويت لك انا ياورع ؟
تذكرت الموقف الي صار قبل شوي وهي تناظر وتضحك بعد كل كلمة وتقلده :  ياورع ؟ ليه خايف مني ؟
ضحكت وضحكوا العيال وعامر فز يناظرها يوم تذكر شقالت هي اخر شي وقلدها مثل ما قلدته : لا طبعاً
اما عند تيّـام قفل جواله لكنه تركه بيده ولا تحرك وناظر بـ اوجان الي يوم ضحكت بانت غمازتها الي بخدها اليسار
ايهم وقف : يلا يعيال بيجي الليل وحنا ما مشينا يلا شيلوا معي
استوعب تيّـام و وقف مع العيال وساعدهم وهو ماهو داري وين رايحين اصلاً ، ورجع لف على ايهم : اقول لوين ان شاء الله ؟
ايهم وهو يشيل الاغراض : بنمشي بذا الطريق الى ما نوصل الديرة
تيّـام : متأكد ؟
ايهم : ايه شوف ذيك دخلتها ، بعيده شوي لكن شنسوي مستحيل بنجلس هنا لين ربي يفرجها
تيّـام تقدم وساعده : زين
رفع نظره لـ اوجان الي كانت واقفه وتناظرهم ، وتقدم لعندها عامر وهو يسألها : وليد ، ولد ليه ما تسوي شي
اوجان تكتفت : هاه ؟
تقدم بسرعه وهو من قبل يراقبهم وعلى طول قام يناظر بـ عامر : شدخلك انت خله بحاله ورح كمل شغلك

-
ادري ان البارت شوي قصير لكن ما كتبت واجد ، العوض بكرا ان شاء الله بنزلكم اكثر من بارت ❤️❤️.