فاتنة الآسر 🔞🔥

part: 2

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الأول :  المـاضي لا يدفن ،بل دائمـاً يجد طريق عودتــه•

   

هازة تليفونها بين يديها وكتدور فعينيها كتشوف فيه وتعاود تنزلهم..

أيوب عاق بها : مالنا علاش كتشوفي فيا..

دعاء شافت فيه وخنزرات: ماحشمتيش كتعدا على ولية..

أيوب قرب ليها يدو وكيسوݣ بيد : غنصرفق حسك قالك ولية انت راك جنية مشوهاني ومن الفوق رجعتيني شفار..

دعاء حيدات السمطة وبدات كتقرب ليه : واا الشريف شفتك زعمتي عليا راه الى مابعدتيش مني غنوريك الجنية كي دايرة كتلقاو بنادم ظريف كتبغيو تاكلوه..

أيوب خنزر فيها : صابر على ود باك اما مانقولش ليك شنو كنت غندير ليه دبا قطعي الحس ومانعاودش نسمع حسك..

دعاء بقات كتضرب ليه فكتفو بالجهد وكتغوت : يالاه حطني الراجل حطنيييي وسيررر بحالللك انت حاس براسك بزااااف ولكن ماشي عليا انا..

أيوب ميل راسو مبتاسم كيشوف غي الخلا والقيفار والحرارة مجهدة وقف الطموبيل جنب الطريق ونطق ببرود : يالاه نزلي تقود*ي عليا..

دعاء ساطت بالجهد فوجهو ودارت غتحل الباب ، غي حلاتها ضرباتها الحرارة للراس دوخاتها عاد كتشوف الدنيا خاوية ماعندها كيف توصل لدارهم ، رجعات شافت فيه ببرائة : متأكد غتحطني هنا ؟

أيوب هز راسو بأه : اه يالاه خرجي دغيا مشغول..

دعاء خافت يخليها بصح تما : واصافي أصاحبي راه بابا وباباك صحاب خاصنا نكونو مزيانين حتى حنا الى عرفو باللي خليتيني هنا غيتقلقو منك..

أيوب جاتو عليها الضحكة : بشرط ..

دعاء تقادات فبلاصتها وسدات الباب : شناهوا..

أيوب مد ليها تيليفونو : عطيني نمرتك..

دعاء خسرات سيفتها ودات ليه التليفون من يديه وقيدات نمرتها..

في القصر  كانت جالسة ف جردة، حداها كاس ديال العصير وفيديها مجلة ،   لبستها كانت  عبارة على كسيوة بلون اسود، وعلاش هوا لون لي كتعشقو و تعشق سوادو مثل سواد شعرها لي مخلياه على راحتو مسندل فوق كتافها عارين..

دقائق معدودة حتا كتوقف عليها مرا في أواخر من عمرها من لباسها المحتشم كتبان انسانة ضريفة و خلوقة..

حفيضة: نعام الالة عيطتي عليا ..

فيروز تقدات فجلستها : لالة حفيظة ݣلسي بغيت ندوي معاك فواحد الموضوع..

حفيضة جلسات : ايه ابنتي هيا لي ما تعاود..

فيروز : سمعيني ا لالة  حفيضة عطيني ودنيك مزيان ..