فاتنة الآسر 🔞🔥

part:10

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الثاني : شـــرارةُ الانتقــــــــــــام•

    

نهار جديد ..

فاقت بكري باش تمشي لاصال ، كتفضل انها تتريني فالصباح..

لبسات شورط فوق الركابي فالكحل لاصق وسبرديلة بيضة طالعة شوية ومن فوق لبسات تيشورت فالبيض واسعة شوية و كاسطيط حتى هي فالبيض وشدات شعرها كوتشوڤال ..

خدات صاكها فيه الحوايج وفوطة باش تدوش تما ، نزلات عمرات قرعة ديال الما وخرجات ..

آسر كان فايق واقف فالبالكون شافها لابسة داكشي مقزب وعض فموو من داخل بالأعصاب : ها حنى غنشوفو لاصال اللي فيه غي العيالات ..

هز تيليفونو وعيط للݣارد ديالو : عندك 10 دقائق تعرفلي فيروز الإدريسي فشمن صال دالصبور كاينة !

الݣارد : واخا اسيدي ..

قطع عليه وعض سنانو ، خرج من البالكون بانت ليه إلين باقا ناعسة وعريانة ..

مشا لبس حوايجو وخرج ..

عند دعاء فاقت باش تمشي للمدرسة غي ناضت تفكرت شنو وقع وتنهدات بحزن ، مشات غسلات وجهها وقضات حاجتها .. لبسات سروال كحل وقبية كحلة ، خلات شعرها مطلوق هزات شكارتها ونزلات ..

كان الشيفور كيتسناها طلعت معاه ومشات للمدرسة ، مسافة طريق كانو وصلو نزلات وملامحها ممحيين ، شافتها سناء وقربات عندها : دعااء ..

دعاء شافت فيها : صباح الخير ..

نسرين : مزيان ؟

دعاء : علاش كتسولي شنو وقعلي ؟

نسرين : على داكشي ديال البارح..

دعاء : ماوقع والو عادي تفاجئت شوية ولكن نسيت أنني دعاء اللي ماكيبغيها حد ..

عند فيروز بدات الحصة ديال الكارديو وسلاو ، من بعد بدات كتريني الحديد ، ݣاع اللي تما كانو كيشوفو فيها باعجاب ، نوري كان معها عيط ليه واحد ومشا يشوفو شنو بغا..

غيروز كانت كتدير السكواط وهازة الحديد ، حتى وقف عليها واحد : فتنتيني ا الزوينة ..

فيروز حطات داكشي من يديها وشافت فيه مطلعة حاجبها : معيا ا الشريف ؟

: وشكون من غيرك زوينة وعندها هاد الفورمة المقودة ..

قبل تجاوبو بانليها آسر وقف عليها كيشوف فيها ومبتاسم بالفقصة : العيالات ؟!

فيروز جات غتدوي وهو ينطق عينيه حمرييين وعروقو برزو : حتى كلمة ، سيري تقودي للطموبيل ..

فيروز رجعات شعرها اللور وكتحاول تهدنو : آسر خلينا ندويو..

آسر دفعها عليه جات طايحة ، وهداك اللي كان واقف بقا واقف كيقفقف، آسر قرب ليه ودخل فيه براس حتى رجع اللور وطاح.. عاود ضربو بالركلة لكرشو ونزل عليه بكروشيات لوجهو وهو كيطلب فيه ، الدم كيشرشر منووو وهو غي مازايد كيضربو كلشي كيشوف وبكن حتى حد ماقدر يزيد ، نوري كان داير الكاسك وطالق الأغاني ، حتى لمح كلشي مشا لجهة وحدة وحيدو ، مشا كيجري مصدوم ..