فاتنة الآسر 🔞🔥

part:07

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الثاني : شـــرارةُ الانتقــــــــــــام•

    

خلاتها وراها وقصدات بيتها حلات الباب بانليها آسر متكي فوق الفوطوي وجابد ݣارو كيكميه..

فيروز بدات كتكح : عفاااك ماتبقاش تكمي ليا فبيتي !!

آسر شاف فيها وبتاسم بجنب وبخ الدخان بقوة اكثر : غتنقصي هاد البسالة اللي فيك وغتسمع لهضرتي ..

فيروز ݣلسات فوق ناموسيتها وهي كتشوف فيه : شنو !

آسر : تزوجتي باش ترضي باباك ياك..

فيروز بقات كتشوف فيه ونطقات: همم..

آسر : غتديري عقلك وغتسمعي الهضرة عارف راسك قاصح والى بقيتي غادة هكا صبري غيتقادا وغتعذبي بزااف..

فيروز : ماا تآمرنيش !!

آسر : ماكنأمركش كنصحك ! انت ماشي غلبتيني البارح انا عطيتك الفرصة بغيت نشوفك واش تقدري ولالا ! ماتشوفينيش ساهل حيت نقدر نقتلك ومايسيق ليك حتى حد الخبار ..

فيروز عصبتها هضرتو : مكنخافش منك  كون متأكد هاد النظرة اللي كتشوف دبا غتشوفها واخا نكون كنموت عمرك تسنا مني أنني نترجاك ولا نضعاف ..

آسر بدات كتعصب لحد الآن باقي مبرد معها حيت هو همو انو يبرد معها باش يوصل للبوص ماكايناش شي طريقة من غير فيروز وخاصو ضروري تتهدن الأوضاع بيناتهم: فيروووز ديري عقلك ..

فيروز  وقفات :  دايرة عقلي نتوما اللي كتجبدوني ..

آسر : غنبعد من ساحتك ولكن ماتديريش شي حاجة اللي تخليني نندم على هاذ القرار ماتنسايش راسك انك مزوجة ..

فيروز بتاسمات: اوك مزيان مللي فهمتي هاد الهضرة..

آسر مبرد راسو بزز قبل ينوض يقتلها : وإلين ماتعاودش تدوري بساحتها و إلااا..

قبل يكملها هزات صبعها بتحذير: ماتهددنيش !!

آسر ناض واقف وتمشا عندها ، شدها من صبعها وطواه : آخر مرة تهزي يديك عليك قبل نهرسو ليك ..

بقا دافعها حتى وصلها للحيط ، فيروز كتحس بأنفاسو السخونة كتضرب فوجهها ريحة البارفان ديالو المخلطة بريحة الݣارو خلاتها تغمض عينيها وتشم عجباتها الريحة..

آسر بقا على نفس وضعيتو : عجباتك ؟

فيروز حلات عينيها ونطقات : اه ..

آسر كيشوف ليها فعينيها اللي كيخليو بنادم غارق وتايه فيهم: ديري عقلك ..

فيروز حسات على راسها قريبة ليه بزاف خصوصا انها عاقت على راسها انها تهدنات وهي قريبة ليه ، طلقات منو وبعدات : غي بعدو مني وماغندير والو ..