فاتنة الآسر 🔞🔥

part:4

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الأول :  المـاضي لا يدفن ،بل دائمـاً يجد طريق عودتــه•

     #الجزء: 61🎲

نورهان كتبكي : حتى انا ولفتكم وماننساش خيركم ولكن اختي قلبي عالم بيه غي الله ..

فيروز مسحات دمعتها اللي نزلات: شوفي غنرجعك بشرط جداتك ماتعرف بوالو غتقوليليها انكم سكنتو بوحدكم وأمجد سافر برا البلاد على شي خدمة ضرورية وماكاينش الوقت باش يصاوبليك الوراق وتوحشتيها وقررتي انك تجي عندها صافي ؟

نورهان : اه أختي هادشي اللي غنقوليها ..

فيروز : شوفي عارفاني غنتزوج ، انا بغيتك تكوني معيا نعار عرسي .. عندك شهر رتاحي فيه ونساي الهم ولكن فالعرس غتجي ضروري ..

دعاء نقزات: ياك قلتو من هنا سيمانة ..

فيروز : مابغيتش نزيد فالهضرة غندوي معاه ونقنعو ..

نورهان : الله يسهل عليك اختي ويجيب ليك التسير ..

فيروز بتاسمات بحزن : أمين احبيبة ، صافي غتجي ؟

نورهان : بتاسمات فوسط دموعها : اه غنجي ..

فيروز : صافي غناخدلك تيليفون باش نبقاو ندويو..

نورهان هزات راسها باه : ختي فيروز عفاك غدا بغيت نمشي ..

فيروز تنهدات : واخا ان شاء الله..

دعاء كتشوف فيهم وتبكي : تفووو حراام عليكم وحدة غتتزوج ووحدة غتمشي (ناضت داخلة) علاش رجعتي افيروز ملي غتمشي وحتى نتيا انورهان ولفتك ..

طلعات لبيتها كتبكي ..

نورهان جات غتبعها وهي تشدها فيروز : غير خليها دبا ندوي معها..

نورهان : صافي ..

فيروز بقات كتشوف بعيد وغمضات عينيها حتى كتنطق نورهان اللي كانت مترددة من هضرتها : فيروز..

فيروز حلات عينيها: همم..

نورهان : فكري مزيان أختي فهاذ الزواج ، مابغيتش يوقع ليك بحالي ..

فيروز شافت فيها وبتاسمات : ماتخافيش عليا ، هما اللي خاصهم يخافو أ نورهان ..

نورهان مافهمات والو : كيفاش ..

فيروز : والو نساي احبيبة وكوني هانية ماغيوقع والو..

نورهان : كنتمنالك غي الخير اختي والله..

فيروز بتاسمات: عارفة أحبيبة (كملات فعقلها) بهاد الزواج غنتاقم ليكم كاملين ..

نهار جديد ..

خرجات من الدوش ..لبسات حوايجها ومشات لبيتهم .