فاتنة الآسر 🔞🔥

الفصل الثاني : شــــرارةُ الانتقـــــــام part:06

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الثاني : شـــرارةُ الانتقــــــــــــام•

     #الجزء: 101🎲

طول الطريق وهي كتفكر شنو ممكن يوقع هاد الليلة كتتمنى فخاطرها انه مايقيسهاش ، حيت ماشي هذفها انه تتزوج وتعيش الحب .. لا هي عندها فقط  هدف واحد فهاد الزواج وهو
الانتقام..

آسر كيدور راسو مرة مرة يشوف فيها كيلقاها شاردة فأفكارها ..

وصلو حدا واحد الڤيلا اللي هي ملك آسر .. الباب تحلات اتوماتيك ودخل بالطموبيل لداخل .. فيروز كتشوفش بعينيها المكان ..عجباتها الڤيلا حيت كلها باللون الأسود واخا الليل ولكن شافتها حيت كلها مدورة بالأضواء..

نزل ونزلات حتى هي..

نطقات فيروز بإعجاب فالڤيلا : صدقتي عندك الدوق !

آسر بتاسم بجنب : اكثر منك..

فيروز بتاسمات : كون غي جبتيها معاك الى كنتي مأثر بغيابها ..

آسر شاف فيها ونطق بصوت خفيف : شكون ؟

فيروز دخلات تابعاه وبقات كتشوف فيه من بعدما سد الباب .. بقات كتدور عينيها من داخل عجبها التصميم بزاف واللون الأسود اللي طاغي على المكان بزاف.. هزات لاغوب شوية وݣلسات..
آسر مشا لواحد ميني بار عندو تما خدا قرعة ديال الويسكي وخدا كاس وݣلس مقابل ليها..

فيروز نطقات : تبيعهالي ؟!

آسر عرفها كتدوي على الڤيلا : لاا..

فيروز بتاسمات : اوك..

آسر نزل على كاسو الاول فدقة وشاف فيها : علامن دويتي قبايلة ؟!

فيروز : إلين حيت أنا..

آسر قاطعها : عمرني غنقيصك بلا ماتكمليها..

فيروز تنغزات بهضرتو ولكن مابيناتش : من الأحسن..

آسر : تقدري تطلعي تبدلي حوايجك وصلو قبايلة ..

فيروز أصلا عيات ناضت طالعة..

آسر نطق مورك على حروفو : البيت اللي على ليمن ..

فيروز دارت شافت فيه باشمئزاز وطلعات للجهة اللي قاليها .. حلات الباب وسداتو بقات كتشوف فالبيت ، حرفيا ݣاع تفاصيل هاد الڤيلا حمقوها .. البيت كانو ألوانو ممزوجين بين الأسود والرمادي ..بالإضافة انو كانو كلو مزين بشموع وورود حمراء ، كان مستعد لليلة حمراء بين الزوجين لكن وقع شيئ آخر..

ݣلسات فوق الناموسية ، بدات كتفسخ المشطة اللي دارولها حتى تطلق شعرها كلو وقفات .. وبقات كتعافر مع الكسوة حتى حيداتها حيت مزيرة من خصرها بزاف .. بقات بدوبياس ..

دخلات للدوش وحيداتهم حتى هما .. دارت البينوار يعمر بالما ودارت فيه جيل دوش بنكهة الڤاني ..
من بعدما عمر شوية سدات الما ودخلات وسطو.. بقا كيبان غي وجهها ويديداتها..