فاتنة الآسر 🔞🔥

part:05

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الأول :  المـاضي لا يدفن ،بل دائمـاً يجد طريق عودتــه•

     #الجزء: 80🎲

من بعد ماقنعات فيروز نورهان انها تتعايش مع أحزانها وتعيش حياتها .. خرجو كاملين تلاقاو بمامات آسر وغزل خداتهم لقيسرية ديال المجوهرات كيتقداو ديما من عندو ماخلات ماخدات لفيروز من ذهب ودياموند واخا هي مابغاتش ولكن دارت معها الصواب مشاو للمول خداو حوايج اللي تقدر تحتاج العروس بخصوص اللباس التقليدي قالت ليها ان المصمم الخاص بالعائلة غيقادليها كلشي وحتى القفاطن ولاغوب اللي غتلبس فالعرس، دوات مع بخصوص فلوس الصداق مابغاتش فيروز قالت ليها داكشي براكة ولكن أصرات وخلاو حتى للعرس ..

من تما مشاو البنات لبيوتي سانتر دارو بالحالة شوية وتعشاو على برة مشاو نيشان نعسو ...

نهار جديد ..

طلعات حنات تفيقهم حيت تعطلو بزاف واليوم الحنة..

مشات عند فيروز فيقاتهم ودازت عند نورهان ودعاء .. لبسو عليهم ونزلو يفطرو..

جنات : سربيو فطرو واجيو ختارو القفاطن اللي غتلبسوو..

سلاو فطورهم ومشاو ݣلسو حداها ..

دعاء بانليها قفطان فالغوز بارد هزاتو : احححح ها قفطاني انا ..

جنات هزت قفطان فالخضر منبت بالذهبي كيحمق : غيجيك واااعر ابنتي لبسيه على حسابي..

نورهان عجبها بزاف خداتو : شكراا اخالتي..

جنات : راكي بنتي..

دعاء : والعروسة ماغتشوفش..

جنات: فيروز غتجي المصممة وبنات معها هما اللي غيلبسوها وياقدوها..

فيروز : كون خليتو هادشي حتى لغدا اماما اليوم غي نفرحو غي بيناتنا..

جنات : نهاد ونوفل قاليهم باباك يجيو حيت آسر مابغا يدير والو اليوم ..

فيروز تنهدات وناضت طلعات نورهان حسات بها وبقات فيها ، بغات تسولها علاش قبلات بهاذ الزواج حيت غير غيعذبها ولكن ماقدراتش..

داز النهار كلو فالتوجيدات الجردة قادوها مزيان الطبالي والزينة كلشي على حقو وطريقو وحتى الݣليسة ديال الحنة قادوها...

المعزومين بداو كيجيو فيروز كيقادو ليها شعرها والماكياج فبيتها ونورهان ودعاء لبسو قفاطنهم ودارو ميكاب خفيف ونزلو..

أصوات الموسيقى بدات كتعالى .. كانت كتمشى فالجردة كتشوف واش كلشي هو هداك زعما شي وحدة كبيرة وبعقلها القفطان جاها بحال شي حوتة لاصق على فورمتها ... اختل توازنها وتقلب رجليها بالطالون اللي لابسة قبل تجي فالأرض كان سبقها وشدها من خصرها ، شاف فيها وبتاسم : القصيرة !!!