فاتنة الآسر 🔞🔥

part: 11

آسر داق وشاف فيها بشك : متأكدة ماكتعرفيش تطيبي ؟؟

فيروز شافت فيه : همم ..

آسر عجبو داكشي اللي صاوبات بزاف ولكن ماقال والو حد طاح فداكشي بحالا عمرو كلا ، أصلا كان فيه الجوع ديال بصح ..

وفيروز كانت باقا كتقاتل باش تاكل يالاه كلات شوية وهو شاف فيها ونطق : قدرتي تطيبي هادشي بيد وحدة وماقدرتيش تاكلي !!

فيروز: هادشي درتو غي بزز ولكن ماتلوفهاش حيت حتى انا يدي ضراني ..

آسر : تعطلتي ولفتها دبا..

فيروز كملات ماكلتها وناضت ، جمعات داكشي وحاولات تغسلو ولكن كانو كيزلقو ليه مع الما ويد واحد ماقدراتش خلاتهم تما ومشات ..

هزات ليها الدوا ديالو وكاس ديال الما عطاتهم ليه ، وجابت داك العكاز مداتو ليه حتى هو : هاك هذا بقا تنوض بيه لراسك جيب دواك ..

آسر : لا انت اللي غتمشي وكون بغيت العكاز كون خديتو من عند الطبيب .

فيروز تنهدات : مانقدرش نغسل المواعن جاوني صعاب..

آسر ببرود : ماشي مشكل نتيا طيبي ولوحي فاش يتسالاو المواعن نجيبو أخرين..

فيروز كتحسو كيستافزها : آسر من الأحسن نرجعو لداركم ولا جيب شي خدامة حتى انا يدي مهرسة ولحد الآن راه معدية عليها..

آسر بطنز : كون ماقطعتيش الفران كون دبا انا كنطيب ليك وانت ݣالسة..

فيروز قربات ليه العكاز وبغات تمشي: هاهو هنا الى بغيتي شي حاجة انا غنطلع الفوق..

آسر بنبرة قوية : هاد الخراا بهااا غتاكليي ، وخدمتاااك من اليوم هي تنفدي أي طلب قلتو ليك حيت ماكنضحكش معاك..

فيروز ݣلسات كتحاول تبرد راسها :  آسر شوف هادشي كنديرو معاك حيت عارفة راسي غلطت ، عفاك ماتبقاش تدوي هكا حيت غنحل الباب وغنمشي بلامانرجع انا كندير هادشي انسانية مني وماشي خوف منك..

آسر هز راسو باه : واخا مزيان ..

فيروز كتحسو كيلعب ليها على أعصابها ناضت وطلعات..

وهو عيط للݣارد قاليه يجيب داك الآلة اللي كيغسلو بها المواعن وقطع ..

فكر مزيان وهو يعاود يعيط ليه: بغيت السور دالڤيلا كلو يدور بالسلوكة ديال الضو..

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الثاني : شـــرارةُ الانتقــــــــــــام•

فيروز طلعات وبقات ݣالسة كتفكر فهاد الحريرة ماغتقدرش تصبر على هاد الأوامر ديالو ، تنهدات ..

حتى كيبان ليها دخل عليها بداك العكاز ،جاتها الضحكة عليه ..

هو وقف مخنزر : شنو مالك علاش كتضحكي؟؟؟؟