فاتنة الآسر 🔞🔥

Part: 3

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الأول :  المـاضي لا يدفن ،بل دائمـاً يجد طريق عودتــه•

    

من بعد ساعة تقريبا ..

كانو باقين مجموعين وكيتمناو كلشي يدوز كيف بغاو..

حتى تسمع فران مجهد فيروز ناضت قافزة من الصالون جات كتجري خارجة ، وقفات كيبان ليها امجد جاي جاهل باينة فيه معصب وجهو حمر ، جبهتو عرقانة..

فيروز تخلعات : امجد خويا مالك شنو هدشي دير في راسك فين نورهان..

امجد دفعها ودخل جاعر وقف حتى لوسط الدار وشاف فيهاا : نتي سباب نتي لي خليتيني ندير هدشي نبهتك افيروز بعدي من حياتي شنو هدشي درتي انا ضمرت بنت بسبابكم نتوماا السبب..

فيروز كتقرب ليه وكلها كترعد: علاش حنا السبب شنو وقع فين نورهاااان ( شداتو من كول قميجة) جاااوبني فين البنت

امجد تكلم بنبرة مضمرة غالبة عليه السكرة مع حرقة الندم..

امجد : ختي انا ضمرتها انا ما كنتش قاصد نأديها والله تيقيني انا انا ضمرتها انا ضمرتها ..

فيرووز كتحرك فيه : امجد شوف فيا قول ليا شنووو درتي البنت فين خليتيها..

امجد بصراااخ : انا غتاصبتتتتتها سمعتيييها تعديييت علييييها بلا رحمة بلا شفقة اناااااا انسااان خاييييب ولكن نتوما سباب ااه نتوما سباب خليتوني نولي انسان خييب..

فيروز غير كلمة اغتصبتها كتعود ليها في ودينها  حتا حاجة من داك شي لخر ما سمعاتها،  فقط انا غتصبتها.. شافت فيه بحقد كبير، هزات يديها حتا فوق و صرفقاتو هوا ديك تصرفيقة ما حسش بيها بقا بنفس وضعيتو ..

فيروز عينيها تغرغرو : شنو درتي نتا شنووو اديتي الامانة اللي تعطاتني انا كنت كنفكر فيك بغيت نعاونك تنساها تبدا صفحة جديدة، و شنو درتي انت أ أمجد

امجد خبط قلبو : هاد لقلب لي شاعلة فيه لعافية بغيت نجبدو قدامي نقطعو حيت بغاها هيا ، و ما باغي حتا وحدة من غيرها ما نقدرش نساها ولا ناسس حياتي مع انسانة من غيرها نبهتك شحال من مرة دابا نتي تحملي العواقب ديال هدشي اللي درتي

أمين وجنات سمعو هضرتو اول حاجة مشاو نيشان عند البنت خافو يكون قتلها اما فيروز طاحت للأرض على ركابيها والدمووع نازلين من عينيها : ااااه أ فيروز شنو درتي (دموعها نازلين)  سمحيلي عفاااك سمحيلي أ نورهان نيتي ماكانتش هكا...  (ناضت عند امجد اللي كان باقي فبلاصتو) انت ماكتستاهلش انت طلعتي كفسسسسس من إلييين أ أمجد ... انا تغدرت للمرة الثانية فحياتي أ أمجد (دموعها نازلين كتبكي بهستيرية)..

شافها فداك الحالة قرب وݣلس حداها : ذنبي أنه بغيتها وعطيتها كلشي فحياتي ، ماقادرش نتيق هادشي اللي درت ، عقل كيقولي نتاحر اختييي ، انا بغيتها أ فيروز اكثر من كلشي..ونتيا السبب فهادشي حيت انا قلتلليك مانقدرش نتزوج ونظلم بنت الناس..