فاتنة الآسر 🔞🔥

part:09

⚜️  فـاتنـةُ الآســـر  ⚜️

بقلمي: 𝘔𝘢𝘫𝘥𝘢 𝘔𝘦𝘳𝘭𝘺
•الفصل الثاني : شـــرارةُ الانتقــــــــــــام•

    

حطاتهم الطيارة فأرض الوطن..

كانت الطموبيل كتسناهم .. كربو هي وأمين اللور..

من اللي ركبات فالطيارة وهي كتشوف فنقطة وحدة وكتحس بقليها ضارها ..
كتشوف فالمدينة اللي شحال وهي باغية ترجع ليها ولكن فاش رجعات تمنات كون بقات تما ، ماعرفاتش علاش وشنو السبب ولكن تنهدات وهي حاطة راسها على الزاجة ديال الطموبيل ..

بعد دقائق كانو وصلو للڤيلا..

نزل امين وبقا كيشوف فيها ولكن هي كانت ساهة ماحساتش باللي وصلو..

أمين : بنتي نورهان نزلي..

نورهان شافت فيه وشافت الڤيلا عرفات باللي وصلو..حلات الباب من جيهتها ونزلات..

بقات تابعة امين كتحس براسها غريبة ، بالخصوص من بعدما عرفات شنو دارو فيها حتى هما دخلات ولقات جنات سلمات عليها..

جنات: مرحبا بيك ابنتي عندنا مرة أخرى ماتخيليش شحال توحشناك..

نورهان بقات غي كتشوف فيها مع ابتسامة خفيفة ، كتحس بيهم كينافقوها : شكرا..

جنات كتطلع فيها وتهبط واش ضعافت واش فيها شي جرحة : دار ليك شي حاجة ؟؟

نورهان تفكراتو وبقات مدة ونطقات : لا مادارلي والو..

جنات تنهدات : أجي ݣلسي نجيبليك الغدا..

نورهان بجدية : انا غنمشي جيت غي نشكركم على الايام اللي دوزت معكم واخا درتو فيا هادشي كامل ..

جنات وامين كيشوفو فبعضياتهم دون فهم ، حتى نطق امين : شنو درناليك ؟!

نورهان شافت بعيد : امجد عاودلي كلشي نتوما اللي زوجتونا وكذبتو عليا..

جنات تغرغرو عينيها وقربات منها : بنتي عفاك ماتقلقيش مننا..

نورهان بتاسمات بحزن: ماشي مشكل انا مسامحاكم ولكن مانقدرش نبقى اكثر هنا..

امين وجنات : فين غتمشي ؟!

نورهان : غنرجع لدار جداتي ..

جنات : غتبقاي معنا مايمكنش نخليوك تعيشي تما بوحدك..

نورهان : هذا قراري أخالتي ، مابقات حتى حاجة غتجمعني بكم هنا..

أمين تفهمها : اليوم بقاي معنا رتاحي وغدا انا نوصلك فينما بغيتي..

جنات مشات تجيب ليها تاكل وأمين بقا كيحاول معها..

نورهان : شكرا حيت جبتيني ولكن صافي مانقدرش نبقى فهاد العائلة اكثر..