يوم جديد تحديدا ببيت الجد بالديره :-
شوق : اف وشلون بننظف هاذا
ليان : اخ يا ظهري مو قادره
ترف : انا خلاص مو قادره
الجده : بس انتي وياها تتذمرون
شوق : ياجده ليش العيال ما يجون ينظفون البيت
ام فيصل : العيال راحو للعزبه مع جدكم يجيبون الذبايح
نطت حنين وهي تقول بحماس : يمه ليش ما تقولين لابوي نروح المخيم من زمان مارحنا
ام يزيد : وهي صادقه من زمان ما رحنا
الجده : يا خلصت عزيمة اليوم اقوله
جت ام ناصر وهي تقول : يابنات البيت نظيف بس باقي المطبخ
شوق بصدمه : إلا المطبخ مابي
ام يزيد : مو على كيفك انتي اول وحده تدخلين المطبخ
الجده : يلا يبنات روحو انتم و أمهاتكم معاكم سوو الغدا
ام يزيد : يمه احنا وش دخلنا يروحون هم
الجده : من صباح الله خير وهن يكدن قمن عاونوهم
قامو الحريم للمطبخ يسوون الغدا
بالعزبه قال الجد : ياولد هذا التيس حلو
ابو فيصل : يبه هذا كبير كم تبي واحد
الجد : جيب ٥ تيوس
ابو ناصر : يبه خل العيال يروحون للمطبخ
الجد : ورا ماتقول لهم انت
ابو ناصر : خلني ألقاهم بالأول عشان أقولهم
الجد باستغراب : وينهم
ابو ناصر : والله مادري عنهم حتى جوالاتهم مايردون عليها
الجد : تعال معي والله إذا اللي طلع براسي صح يويلهم
ابو ناصر : وش اللي برأسك يبه
الجد : تعال وشوف
عند العيال كانو يفحطون بالساحه و الناس تعزز
جاء الجد هو والعيال كلهم
الجد : هاذا اللي اقصده
ابو فيصل : يبه استهدي بالله
الجد وهو معصب : يا راشد هات السلاح
ابو ناصر بخوف : وش بتسوي يبه
الجد : اسكت ولا حرف
جاب راشد السلاح : يبه استهدي بالله مراهقين
الجد أطلق ثلاث رصاصات بالهواء التفتو كل الناس اللي بالساحه و وقفت السيارات ومن ضمنهم سيارة عيال هيثم
ناصر : ياعيال الحقو جدي جدي جا
فيصل : وش نسوي الحين رحنا فيها
يزيد : دقيقه خلوني اتصل بشوق يمكن تلحقنا
مشاري بخوف : اتصل يابن الناس
عند البنات
شوق : مين جواله اللي يتصل
ليان : ياحماره جوالك هاذا
شوق : غريبه يزيد يتصل : الو
يزيد : شوق الحقي
شوق بخوف : وش فيه
يزيد قال السالفه بختصار
شوق : ياويلكم
يزيد : جدي جاء دوري صرفه
عند شوق كانت خايفه عليهم وأول ما طاحت عينها على الكاسه اللي فوق الرف جت ببالها فكره
( الفكره عباره عن ان شوق راح تسوي نفسها ما شافت الرف و تطيح الكاسه و يغمى عليها و البنات يجون من صوت التكسير و يتصلون على الجد صح ان الفكره مجنونه بس مافيه خيار ثاني )
عند الجد : ياقليل الخاتم انت وياه ماتستحون
ابو فيصل اللي ماسك العقال وهو يقول : والله لا أربيكم من اول و جديد
قطع كلامه جوال الجد ابو يزيد : عساه خير
الجد : غريبه شوق تتصل
يزيد لف على فيصل يقول : تفرج شوق وش راح تسوي
فيصل بأستغراب: ليش
يزيد : طلبت الفزعه
الجد وهو يرد : الو
ترف وهي تصيح : ياجد الحقنا شوق طاحت علينا
الجد بصدمه : وش بها اتصلو على الإسعاف
ابو فيصل : يبه وش فيه
الجد و الخوف باين على وجهه : شوق طاحت عليهم امشو
فيصل بصدمه يناظر يزيد : هاذي الخطه
يزيد بابتسامه : ايه لا يغرك ترها شوق
ببيت الجد :
الجده وهي تصيح و بحضنها راس شوق : يمه بنيتي
و ام يزيد تصيح و الحريم يهدونها
دخل الجد وهو يركض : وش فيه ويني شوق
و دخل يزيد و من الصدمه ما قدر يتحرك
( كانت شوق طايحه بالأرض و لابسه فستان ابيض و الفستان اغلبه دم و رأسها )
فيصل : يا يزيد وش فيه
سمعو صياح ابو يزيد وفيصل طاح قلبه
يزيد : شوق شوق اصحي شوق
جاء سيف وهو يركض : سيارة الإسعاف برا
و البنات يبكون
و ركبو العيال السيارات متوجهين للمدينه لان الديره مافيها مستشفى
_____________________
انتهى البارت
قرائه ممتعه 💕👍🏻
للي حابين الروايه نزلت بالإنستقرام
أنت تقرأ
ياصدفة ماجات على بال الأيام ياحظ من قلبه فيها
General Fictionتتكلم الروايه عن عايلة معروف بين الناس و يوم من الأيام يجيد تهديد للجد و ثاني يوم تنحرق حفيدته قدام عيونه و البيت و يخلي البطل يتزوج البطلة عشان يحميها وو .........
