ياصدفة ماجات على بال الأيام ياحظ من قلبه فيها

20

بالقاعه كانو البنات جلسين بتعب ليان : اخ يا ظهري مو قادره أوقف
الجده : يلا امشو البيت
ترف : لا ياجده نبي مطعم ذبحني الجوع
ام فيصل : انتي أربعه وعشرين ساعه جيعانه وش الجديد
الجده : خليها تأكل ماقصرت اليوم
جت شهد وهي تبكي : خير ليش شوق تتزوج وتتركني
ام يزيد بصدمه : اشوف مشوين يوم قطعتي حالك بالرقص ماقلتي شي
شهد : توني استوعب
الجده بضحك : بكره تشوفينها عادي وهي اصلن ساكنه فوقك يعني متى ماتبينها روحي لها
نطت ترف بسرعه وهي تقول : هيه مو بس تزعجين اخوي آخر الليل حتى هو يبي زوجته
الكل ضحك

عند العرسان بالفندق :-
كان فيصل جالس على الكنبه يتابع جواله و شوق كانت بالحمام تبدل ملابسها
شوق : الله يأخذكم وش هالبس هاذا وهي تدور اطول واحد طلعت وهي تجلس على التسريحه تحط كريماتها
فيصل وهو يناظرها بابتسامه ويقرب منها وهو يصفر : وش هل جمال مادريت اني متزوج صاروخ
شوق بخجل وهي تقول : الباب يطق
فيصل : استغفرالله وش يبون وهو يروح
شوق بسرعه نطت على السرير تسوي نفسها نايمه
فيصل وهو يفتح الباب : هلا
العامل : فيه اوراق لازم وقع
فيصل بنرفزه : وينهي
العامل : تحت بابا
نزل فيصل وهو متنرفز ووقع الأوراق وبعد نص ساعه رجع للغرفه دخل ولقا شوق نايمه قال : حسبي الله عليهم ماخلوني استمتع بأهم يوم بحياتي
شوق وهي تمثل النوم وتحاول تكتم ضحكتها

صباح يوم جديد ببيت الجد :-
كانو الحريم بالمطبخ يسوون الغدا و الرجال بالمجلس
بالمطبخ كانت الجده قاعده تسوي العصير ام يزيد : يمه الله يهديك روحي ارتاحي
الجده : لا يابنيتي خليني اسويه مهو صعب عاد
ام ناصر : ابي اروح اقعد البنات تبون شي من فوق
الجده : لا سلامتك
ام ناصر : الله يسلمك وراحت
عند البنات كانو نايمين عند بعض دخلت ام ناصر وهي تولع اللمبه وتقول : يلا يابنات قومو يلا شوق وفيصل الحين يجون
حنين وهي تقوم : خليهم عنك يام ناصر أنا أقعدهم
ام ناصر : بعد عمري طيب وراحت
حنين وهي تجيب مي وتكبها عليهم : قومي انتي وياها
البنات فزو بخوف وهم يناظرون حنين وهي تركض وتضحك
قامت ليان وهي تركض وراها وهي تقول : ياحيوانه وقفي
إلا ويطلع قدامهم يزيد وحنين تركض تتخبى وراه وهم يحسبونه عبدالرحمن ليان وهي تقول : عبدالرحمن شوفها كبت عليا المويا ويزيد متنح بجمالها ونعومتها
ليان وهي مستغربه سكوت عبدالرحمن وهي تلف وتنصدم انه يزيد وبسرعه تروح للغرفه بخجل
حنين : اما يزيد وش جابك
يزيد بصدمه : جيت ابي شهد عشان كانت تبيني اوديها السوق بس تأخرت
حنين : اها معليك من ليان ترها مجنونه
يزيد : ذي ليان
حنين بغمزه : ايه وش رايك حلوه صح
يزيد بيني وبين نفسه قال إلا تشق شق : أنا ابي اروح وقولي لشهد خلاص مافيه روحه
حنين وهي تركض لغرفه : ابشر يامزيون
ضحك يزيد وهو ينزل

بالغرفه كانت ليان جالسه بإحراج من الموقف ودخلت حنين وهي تقول  : احسن عشان مره ثانيه تتعلمين انك ماتطلعين مكشفه
ليان : خلاص وهي تروح للحمام