ياصدفة ماجات على بال الأيام ياحظ من قلبه فيها

17

بالمستشفى نزلو الكل للطوارئ الدكتور : وش صار لها
يزيد : ما ادري لقيناها طايحه بالأرض و تنزف سوينا لها إسعافات
الدكتور دخل داخل الجد كان يدعي
طلع الدكتور بعد مده قصيره وهو مستغرب : الحمدلله الطيحه ما اثرت على رأسها بسس مو واضح لنا سبب الإغماء يمكن قلت تغذيه او شي
يزيد : يعني هي بخير
الدكتور : ايه بس تخلص الفحوصات تقدر تطلع
الجد : يعطيك العافيه ماقصرت
الدكتور : واجبي وراح
ابو فيصل : ياولد اتصل على العيال يجيبون البنات و الحريم للبيت
يزيد : ماتبون ترجعون للديره
الجد : لا خلهم يجون للبيت خلص
يزيد : ابشر
طلع يزيد ولحقه فيصل وقال : وش فيك الدكتور قال انها بخير
يزيد : مستغرب الصبح ماكان فيها شي ودخلو داخل
فيصل : ياجد عندي خبر حلو ابي اقوله
الجد : قل
فيصل : مشعل اليوم باليل طيارته والحمدلله خلص
الجد : الف مبروك يعني تخرج
فيصل بابتسامه : ايه الحمدلله
الجد : اجل اسمعو العلم بكره عشاء على تخرج مشعل
ابو فيصل : ابشر

< تسريع الأحداث >

ببيت الجد كانو الكل منتظرين جيت مشعل اللي راح ناصر يجيبه
الجده : ليش ابطى ( يعني تاخر )
الجد : يمكن تأخر الطياره اصبري ياحرمه
قطع كلامهم دخول سياره ناصر و الحريم يزغرتون
الجد : ياهلا يالله حيه وفز الكل من صوت النار
الجده : ياولد وش فيه والتفتو الكل على فيصل و يزيد اللي كانو يرحبون بمشعل بطريقتهم الخاصه
الجد ابتسم وكمل ترحيب بمشعل
بعد مده الجده قالت : يامشعل تبي عشاء
مشعل : لا ياجده يعطيك العافيه شبعان
قام الجد وقال : يلا ياولد انت وياه نامو بكره من الفجر وأنتم قاعدين اعملو حسابكم
مشاري لسيف : حسبت اننا بنسهر عشان مشعل توه رجع جدي ماينسى ولا وش ياخي ابي يوم واحد اسهر وجدي مايقول شي
لف ابو ناصر عليه وهو يقول : اقول اسكت لا الحين يجي جدك يطلع السهر من عيونك
مشاري : خلص سكتت
ابو ناصر : احسن

صباح يوم جديد على آل هيثم
كان الجد مبتسم مشاري لابوه : يبه ليش جدي شاق الابتسامه وش بيصير
ابو فيصل : بعد شوي تعرف
مشاري : يعني بيصير شي ؟؟
ابو فيصل : اقول اصبر شوي و تعرف كل شي
الجد : ياولد رح ندا الحريم يجون كلهم
ناصر : ابشر

عند الحريم كانت الجده جالسه على التلفزيون تتابع مسلسل قديم
ناصر : ياولد
الجدة : ادخل مافيه احد
ناصر : صبحك الله بالخير
الجدة : صبحك بالنور وش العلم
ناصر : جدي يقول تعالو الظاهر فيه علم يبي يقوله
الجدة : الله يستر يلا
راح ناصر و الجدة بصوت عالي : يام ناصر
جت ام ناصر اللي كانت بالمطبخ تطبخ الغدا : هلا ياعمه
الجدة : ابو بندر يحترينا برا نادي البنات كلهم
ام ناصر : وش صاير عسى خير
الجدة : مادري بس ان شاءالله خير

بالمجلس كانو الكل جالس الجد : عندي بشاره بس حلوه
الجده : وش هي فرحنا
الجد : أنا تكلمت مع فيصل و شوق وحددنا موعد العرس
بدو الحريم يزغرتون و يباركون لشوق وفيصل
سيف : العرس قريب ولا بعيد
الجد : يوم الاحد الجاي يعني بعد ٤ ايام
الجده : الله يتمم على خير
حنين : يبه مو كانّه بدري شوي ما جهزنا شي
الجد : القاعه موجوه و العشاء العيال يروحون بكره ويأكدون الحجز و اعمل حسابك ترا قبل العرس بيوم
بنسوي حنه لشوق
ام يزيد : اجل يابنات روحو للسوق اليوم وشوفو لكم فساتين للحنه و فساتين للعرس

بالمول كانو البنات محتاسين
مشاري لسيف : احنا ليش جينا معاهم
سيف : ياذكي عشان البنات ما يروحون لحالهم
شهد: سيف رح انت ومشاري الكوفي لان البنات بيلفون المول واذا خلصنا نقولكم
سيف : طيب إذا خلصوا دقي علي
شهد : ان شاءالله

بمحل العرايس شوق كانت تدور فستان حلو للعرس
صاحبة المحل : فيه شي ببالك
شوق : ابي فستان بس مو نافش مره و يكون مافيه أكمام على اليدين
صاحبة المحل : شوفي هاذا
شوق بعدم رضا : لا مابي يكون ماسك مره
صاحبة المحل : طيب شوفي هاذا
شوق : ايه هاذا حلو
حنين : يجنن يعني الفستان خلاص
شوق : ايه الحمدلله
حنين : طيب متى نقدر ناخذه
صاحبة المحل : بكره باليل بس أعطوني البيانات
شوق : طيب واعطتها البينات وكل شي
طلعو من المحل اسيل : هاه خلصتي
شوق : ايه يلا نروح لمحلات الملابس الهنديه
حنين : اعرف محل يجنن بس مو بالمول لان مافيه محلات بالمول هنديه
شوق : خلص اجل بكره نروح الصبح لهم وش باقي
ليان : الكعب و الشنطه و الاكسسوارات
شوق : طيب الاكسسوارات خلصنا منها لان جدتي راحت لمحل الذهب تشتري خلينا الحين نشوف الكعوب
حنين : يلا

بمحل الكعوب و الشنط :-
شوق : اف مابي واحد قصير ابي كعب طويل
ترف : شوفي هاذا
شوق : ايه بس غيري الشنطه
ترف : ابي افهم ليش شنطه وانتي ماتحتاجين جوالك وبيدك
حنين : صح اجل شوفي الكعب هاذا

بعد مده خلصو البنات الملابس وراحو للكوفي :
سيف : ماصرت كل هاذا المحلات قفلت
شوق : عروس وش نسوي
سيف : يلا خلصتو
حنين : ايه

___________________________
انتهى البارت
قرائه ممتعه