#الحلقة_الثانيه
#ليش_عالقسامي_لايمه_يا_عيني
لف غير مصدق لقاها خلفه مغطية عيونها بنظارات ومبتسمه بس مش من قلبها
ترك صديقه ومد يده ولم يترك يدها : صباح النور حبيبي صدر عفوك أو مازال
كانت تحاول إبعاد يدها دون جدوى كان ماسكها بتملك وكل ما تبي تحولها توجعها
وعد :خلاص ننسوه الموضوع وانا وعدتك معش نعاودها
رق قلبه لطريقتها حبيبته تتكلم بضعف ومش لايق عليها لكن كرامته على المحك
خميس : والزعل ؟_وأبعد نظارتها عن عيونها نزلتهن _كيف نخش ندير مناقشة وعيونك ما شفتهن ؟
رفعت عيونها ورسمت ابتسامه بس لما شافت عيونه نزلت دموعها
خميس : وعد را والله نحضنك توا بطلي بكا
خافت منه وانحرجت همست بذات النبرة الضعيفه : رايفت عليك بس مانحساب روحي نحبك لدرجة تبكي كل يوم وهلي منحرجه منهم
كان يمارس أنواع التحكم في نفسه وجسده ..جسده الخائن ..ولسان قلبه يتحدث حبيبتك تبكي كيف تسكتها تحضنها صح
خميس : تعالى يا عيوني قعمزي شوي ..
طلعت ميه من شنطتها ومناديل
وعد : أطلق يدي يشوفو فينا
خميس : أحمدي ربك عندي عقل لولاه راهو ساكته بين يديا
وعد برعب : خميييس تي كنك سخيف
خميس : اصلع الله غالب ،نحبك يا عمري معش تسكري نقالك افتحيه وهزبيني
كانت ترتوي من صوته ولمسته انتعاش بعد جفاء
وعد : كنت محتاجه ترتب شوية أفكار بس ...لكن في طقوس في الافراح في هدية للعريس يعني الشعب كله يدير فيها
خميس يسب نفسه ويلعنها كأنها خايفه منه ومن افكاره : ي عيوني انا قلت اعتراضي أنهن مش فلوسك وحتى لو قلوسك مش راضي بس اخف وطأة
وعد : يعني فكرت تبي تخليني نشتغل
رد بهدوء : مش وقته توا ساهل نوصلو لحل وسط ،..
خاطري نبوس يدك بس ملحوقه فمش وشاح فيه ريحتك وانفاسك ينسيني القهر
وعد : رد اللي عندك قبل
خميس : أمي تكلمي فيها؟
وعد : أيوه من نقال ماما
خميس : وأنا طلعت براني هنت عليك
وعد : مش خير ما نتعاركو ..نعدي نغسل وجهي قبل المناقشة
نصورك عادي ؟فيديو
خميس بغضب : وعد كنك تستأذني عليش الطريقة هذه والمعامله
ضحكت بسخرية : يعني نصورك بلا إذن ونجي تهزبنيّ...لا احتياط كويس
