#الحلقة11
#ليش_عالقسامي_لايمه_ياعيني
#مناي_ابراهيم
بلال ^^^
ماسك ضحكته وماسك عيونه ما يمشن اتجاه جميله ..
ويمني نفسه بعدين يراقب كاميرات المكتب بمهل وتركيز ..
وهي شوي ترفع عيونها تراقب راسه المنحني على ملفاته وتعليماته بصوت جدي رخيم مميز
لا يشبه الكابتن الذي يجيب لها فالقهوة يوميا
وشوي تنزلهن ل ملفها وتعض جانب شفتيها باحراج
من الكلام اللي قالته عنه وهو نفس الشخص ..
ونست حسام وحضوره المقيت
كان فاتح ربطة عنقه باهمال ورافع اكمام قميصه ..
وجاكته على كرسيه ..
تحاول تركز شن يقول شن يشرح بس عبث
هو كان هكي عضلات ..او وجهه كان هكي
استغفر الله خليك ف شغلك
خبط فتحي بالقلم على ملفها ..
همس : وين وصلتي
همست : اهو رديت
..
مديرة المكتب ورده: تاخذو ريست تشربو قهوة الاجتماع مازال ساعه ونص
استرخى الجميع
وقف فتحي ولصقت فيه
فتحي : نحب مكان فيه شمس التكييف يتعب فيا
وجلس تحت نافذه ستارتها مرفوعه
جلست على كرسي قربه تهز رجلها بتوتر
جميله : بالك تعطيني اذن ليوم القيامه
ضحك بمرح وحسام يراقب ويقترب منهم
: عليش يا بنت
همست : بعدين نحكي لك غير عطيني اذن
فتحي : لا مفش اذن ورح تحكيلي هههه
حسام : السلام عليكم
فتحي : وعليكم السلام
حسام : السلام لله جميله
نظرت لقدميها وتجاهلته
جلس بينها وبينه مسافه
: كيف حال هلك
تململ فتحي في جلسته وحاول يقف
جميله : وين
عاد للجلوس وشعر حسام بالاحراج
: باه يصير خير معلش ..
وقف مبتعدا وزفرت انفاسها
جنيله : ثقيل
رفعت عيونها وخبطت فتحي بالملف في يدها : حي عليا حي عليا جاي هنا
فتحي انفجع : منهو
جميله : الكومندار الزعيم الباشا حي عليا جايني نا
فتحي يضحك ويلف ل بلال اللي جاي مكشر من منظر حسام يجلس قربها
بلال : قهوتك ابله جميله
جميله بابتسامه قلقه : انت اللي استاذ والله.. شكرا حرمتها
نزلها لها : اشربي قهوتك روقي
جميله بحرج وعيونها تفتنه : مش زعلان من الخلابيط اللي كنت نقول فيهن عليك صح ؟
ارتفع بجسده : بعدين
ذهب مبتعدا وحسام يراقب باندهاش هل فاته شي مالذي يحدث بين بلال و جميله ... ؟؟؟؟
بلال يستمع لمديرة مكتبه بانتباه وعقله يسجل ردة فعل حسام اللي يراقب جميله بكل هبال ..
وجميله اللي تستمع لتعليمات فتحي وتركز في ملف امامها ..
الفاتنه لابسه احمر و وشاح بيج ..تجنن وبنطلونها الواسع القصير وكاويشها الكيوت ..
ياترى لو لبست فستان من اللي في باله وخياله
تنهد اخ بس
بلال : خلاص
نكملو الاجتماع
ما ان انتهى الاجتماع حتى وققت تستعد للهروب : جميلا خليك
ارتعشت من طريقة نطق اسمها زي باتها يكسر الميم والجيم ويمد اللام
ولا ابله ولا يحزنون شكلي رح نتشرشح يا شماته حسام فيا ..
ردت للخلف تتقدم خلف المدير المتوجه ل مكتبه ..
ما ان اغلق الباب
بلال : تريحي
هتفت بسرعه: متريحه معلش ع الكلام اللي كنت نقول فيه عليك عندي عقد بس من المدراء بس
