#الحلقة_السادسة
#ليش_عالقسامي_لايمه_ياعيني
#مناي_ابراهيم
بعد اسبوعين ..
جواد يسمع اشعارات الواتس ومكسل يقرا الرسايل
تنهد ونهض ل جواله اللي لازم يخليه بعيد عنه قبل نومه مسافة كم متر وبينهم كوب ماء ..
سهاري اطباء ..
فتح الواتس
ميرو..
نبض قلبه الغبي وفتح الواتس
اميره/جواد واعي ؟
/قتلك
/ممم مش عارفه بس مقدرتش نحكي لفطومه قالت لي خطبتها قريبه
كتب /احكي حبيبي
ومسح حبيبي ...عليك خفة يا جواد
اميره/شن اسمه
جواد/اميره احكي طول كانك تحكي مع روحك
اميره/ولد خالتي نظراته مش تمام وديمه يتسحب ما نفطن الا هو وراي ونحسه مش تمام فهمتني جواد؟
جواد يقطع شعره وقريب ينجن
كلم نفسه بصوت مسموع كالمجنون
جواد: جواد يبي ينجن عليش تحكي له تقهريه
جواد/ وعماد وين من هذا كله ليش ما تقعدي معاه غادي
اميره/ تي وين مصاريف انا كان نلقى ندزله يعالج مش نمشي نزيد همه بس مش هنا القصه يا جواد
جواد قريب يعيط /شن صار والله يطلع ماد يده او قايل نص كلمه نجيكم توا
انفجعت منه وكتبت/ من قالك نخليه المهم خالتي تبي تسافر تحضر فرح
جواد/تمشي معاها قالها امرا لا نقاش فيه
اميره/لاااا خالي يبي يزوجني منبش نمشي لهم
جواد/يزوجك من ان شاء الله
اميره/قال عرسان واجدين ..مهم انا كذبت عليها قلت لها صاحبتي جايبه نبي نمشي نبات معاها كم يوم
عادي تكلم لي فطومه؟
جواد/اعتبريها وافقت ..اسمعي كلميني صوت
اميره/باه ارجى نعلي صوت الشاشه
..
مراهق يا جواد جلس في كرسيه الاثير كرسي والدته ..
ينظر لصورة والدته المبتسمه كانها تفهمه وتفهم هباله اللي جا على غفلة
جواد : اول شي الدار تنقفل
اميره تضحك :من زمان يا جواد اطمن انا اكثر انسانه هاجرت من بيت لبيت
جواد: برضو حطي حاجه حاده جوا سكين مقص اي شي الدنيا مش مضمونه
اميره بحزن: على اساس نقدر ما شفت شكله عملاق
جواد : اسسس معش تقهريني
اميره : خافت اسفه بس كنك انا اللي خايفه مش انتا
(كان سيقول ومن انت ..انت المعضله اللي مش مفهومه في حياة جواد ..)
جواد: خايف عليك ومقهور مش لاقي حل
اميره: شكرا انك سمعتني هذه بروحها اجمل حل ..نعتبرك هدية ربي ليا جواد ..
هيا خالتي تخبط..
كلم نفسه( شكرا يا خالتها قريب تهورت ودزيت لك بوسه صوتيه كأي شبوب هبل ..
انت اللي هديه يا ميرو ..وتذكر لما لمح لاحدى خالاته عن اميره كيف عارضت واستنكرت وقالت ارمله وانت نبو نفرحو بيك وعيب ارمله ولد خالك
وعدها ينسى الامر ..لكنه لم ينسى اذا وافقت صاحبة الشأن سيذهب الكل للجحيم )
_________________..
كانت تراقب الطريق بملل ..عليش نمشو نفطرو عندهم ونجو اف...سماطه
رفض والدها ان تذهب لتفطر عند احدى شقيقاتها اللي قالن لها عدي غيري جو يا هبله
اف انا خذيت اجازة اسبوعين نفتك من وجهه وتوا ماشيتله بروحي ..اخ يا قهري نا
