#الحلقة13
#ليش_ع_القسامي_لايمه_ياعيني
#مناي_ابراهيم
..
ناصف لاحظ وجود رجلين يقفان بطريقة مستنفره كمن يتجهز ل عراك ..اوقف سيارته قرب صيدلية
راقبت الصور في نقالها مرسله من وعد
ايوه هضوم هم ..شن اساميهم ..
ايوه ايوه فراس وسراج
اوقفت سيارتها ل يقف حسام بدوره وينزل بكل غباء : انت يا بنت وين ماشيه تعالي هنا تحسابي تقدري تهربي
جميله تقترب من فراس اللي يراقب بعيون ذئب
وسراج بقرف من هذا الصعلوك
جميله : فراس
فراس يتأملها ويتذكر كلام وعد : .. خير جميله عافيه
جميله : يلحق فيا من طلعت من شغلي
فراس يتقدم ويجعلها خلفه : خشي جوا
دخلت مسرعه ل بيت علي ولقت وعد فالسور لابسه بدلة صلاة : تعالي اشش خلي نتفرجو
حسام يراقب فراس و سراج : من البشوات بلا مصغرة
فراس : فراس علي بوزيد
سراج : سراج سعيد
حسام : وشن في
فراس : انت قول شن في لاحق البنت من مكتبها لهنا
حسام : اهو قلت هنا يعني مش بيتها وبيني وبينها البنت خطيبتي وتقرب لي ونحلو في مشكلة
..
سراج بخبث : جميله مخطوبه؟؟امتى يا فراس
فراس : توا قيسه خطبها من روحه ..هيا وجهك يلا نسمعها تشكي منك مره اخرى وجهك وسيارتك نكسرهم
حسام : وريني شن تبي تدير
الاخت الفاضله طلعت مصاحبه عصابه مش ساهله
علاقات واجده ..
قبل ان يكمل ضربه فراس ولف سراج يمسك العصا ويهبط بها على زجاج سيارته ..
فراس يحمله من ثيابه ويضعه في سيارته .. : تذكر وجهي كويس فراس على بوزيد
.وتذكر انك مش راجل ..وبصق على وجهه
ناصف اغلق الفيديو وارسله ل بلال
رمى رأسه على كرسي السياره بتعب من العمل المرهق لكن الاجر يستاهل بعض الاعمال الممله المتعبه ..
كان سيدخل للصيدلية لولا الخيال الذي خرج منها وجعل الدنيا تتوقف من حوله ..
(ناصف من ابطال الجزء الثالث)
في بيت الحاج علي ..
وعد وجميله في دار الضيافه
جميله : ايوه بابا
لا مسافره
عند وعد جارتهم ..عرفتها ؟!..
ما عرفتها هههه
باه توا نجي
اخذت وعد النقال : وين تجي يا عمو خلاص غدانا واتي
عبدالله : من انت
وعد : وعد علي بو زيد
ضحك كثيرا : سلمي على باتك
همست باستغراب : قال سلمي على باتك
في السور
فراس : قال مش من هنا ف الاصل بس يشتغل هنا ومدير فرع في مؤسسة بلال
سراج: شكه مكبد
فراس : مفش حد يحب وحده يقول عنها هك اكيد رفضاته تصرف بنذالة
سراج : فجعتني ليال وهي تقول بنت في جرتها واحد
فراس : تعرف باتها من
سراج : لا
فراس : حاج عبدالله عبدالغني
سراج يضحك : استاذنا القديم
فراس : تخيل ههههههه
سراج : كان جاكم دزلي واحشني واجد ..
في بيتهم بعد العصر نزل علي مسرعا للاسفل
يسأل عزيزه : صح بنت عبدالله هنا
عزيزة تغلق عبايتها : ايوه صح تعرف باتها
علي : ايوه صاحبي ...عندك تسميع
عزيزه : ايوه ادعيلي
علي : موفقه
السلام عليكم
خرجت وعد : معاي بنت يا بابا
علي : تي زيدي غادي نبي نشوفها تشبه باتها او لا
وعد : اللطف من وين تعرفه
علي : صاحبي
وعد : جميله تعالي سلمي معلش بابانا فري
جميله بابتسامه : السلام عليكم مرحبا عمو
علي : تذكرتك ...كنك نقصتي
