#الحلقة_التاسعه
#ليش_عالقسامي_لايمه_ياعيني
#مناي_ابراهيم
اليوم الثاني ف الليل وزهير قريب ينجن ..وجواد قريب يبكي ولطفي يشتم الصبايا وبلاويهن ..
لطفي : الووو مروان
صفوان ؟؟؟؟انت وين يا عمو
خطف زهير النقال : ..بابا انت كويس خوتك كويسين؟
انتو وين وماما وين
بيت من ؟
_نظر ل لطفي _عند فاطمه اخت بشرى
لطفي: والله ما خطرت عليا حتى بالكذب واكيد بشرى ماعندها علم
صفوان : يابابا متقولش ل ماما انا قتلك تزعل مني
زهير : مش حنقول شي ..وينها ماما
صفوان : تبكي وطول الوقت راقده
زهير : وعبادي ويامن
صفوان : معاها فالدار
..
تنهد زهير واعاد الاتصال بمروان واخبره انه فالطريق ..
فطومه حاولت توعيها مفش فايده من المنوم اللي جاباته معاها من اول صيديلة اول ماقررت تهج من راجلها
خرجت وزهير قريب يضربها : واخذه منوم
زهير : كنك ما قلتي ل لطفي
فطومه ببرود تنظر اليه بحقد: حلفتني ما نقول لحد حتى لبشرى ..
_نظرت ل مروان _راقده في دار بشرى هي توا نشيل العيال للسور لو تبي تخش تشوفها
نظر لعبادي الذي لم يقترب منه ويامن سلم عليه بلا نيه صفوان فقط من اشعره بانه والده
شن درتي فينا يا اسراء او شن درت في روحك يا زهير ..
دخل لقاها راقده تقول ميته مش حاسه بشي
مناديل قربها وقهوة وميه ..وشن الحبوب هذين ..
منوم؟!..
يا ربي
لمس شعرها ارتعشت حتى وعقلها مغيب ف النوم جسدها يعرفه ..
زهير: سامحيني حبيبتي ..تقدري؟!..
خرج بعد ان تشبع اولاده عناقا لكن عبادي ابتعد عنه وعاد لغرفة امه ويامن بكى وتركه ايضا
صفوان يهمس : صح انت مش تمام بابا
زهير :كيف يعني
صفوان : قلت لها امتى نروحو لبيتنا قالت لما بابا يقعد تمام
شن قصدها
زهير بقهر : مش عارف
صفوان : كنك طالق لحيتك
ضحك بقهر : اسمح صح
صفوان : ماما وهي تبكي قالت ربي يحرق قلبه
قلت لها معش تدعي على بابا هي قصدها لك
سكت زهير لا يوجد رد عنده
اكمل صفوان : بس عميمه قالت مش من قلبها دعوة مش مستجابه
متزعلش منها يا بابا هي زعلانه بس ..
زهير : تاكلو كويس
صفوان : ايوه كل يوم توكل فينا عميمه بالغصب وعبادي يوكل في ماما
عاد لبيته وقرر يعود صباحا وما ان عاد وجد انها رحلت مع شقيقها ..اللي طلب منه في اتصال سريع
يطلقها بهدوء
ومن قلة نومه وقهره واعصابه التالفات سقط من طوله مغمى عليه ..
______________
فطومه : وحشوني والله كانو دايرين حس فالبيت
اقدورا : وانت لو مكانها شن تديري
افطومه : نلزك م البيت ونخلي هديل تكرهك والعيال يكرهوك
والبنت اللي تعرفها نخليها تكره روحها
