#الحلقة14
#ليش_عالقسامي_لايمه_ياعيني
#مناي_ابراهيم
بوزيد :من امتى هنا
غيداء : اسبوعين
بوزيد : ولعند امتى قاعده
غيداء بتوتر : مممش عارفه
عاد ينظر اليها جيدا : باه آنستي
خرج وصعد لمكتب والده : باتي تعال
فتح نافذة المكتب وراقب خروج اابنات لسياره الحاج
بوزيد : شوف هذك
علي : جميله
بوزيد : لا
علي : السمحه اللي شعرها اسود
بوزيد: ايوه
علي : كنها
بوزيد : نبيها
علي : اخطبها
بوزيد : عادي ؟
علي : انت عندك عادي ؟! كان قالت لك منبش نتحجب تتحمل؟؟؟
بوزيد : لا
ضحك علي يتذكر نجوان كانت الوحيده مش محجبه ف خواتها لكنه ما ان طلب منها حتى تحجبت ..
علي : ما تبي تحكيلي كيف تعرفها
شرد بو زيد : كانت جارة سعيد ومحمد في ايطاليا
..
تنهد وخرج ل سعيد
في مربوعة اهل سعيد
بوزيد : انت عارف غيداء هنا وما قتلي
سعيد : امتى جت
بوزيد : حتى انت هاربه من وجهك ..تخيل لقيتها ف دار اختي ..قريب لميتها ف صدري لولا عقاب عقل
سعيد بزعل : لهالدرجة كرهتنا
زيد : انا ما درت لها شي بالعكس مصيت دم محمد المعفن عشانها
سعيد : هو سبب البلاوي
زيد : وهو شن دخلها
سعيد بشرود : يحارب في انجذابه لها داير روحه يكرهها
زيد : ناقصني الا هو قول يلم روحه
دخل محمد : عافيه زيد
زيد بلا نيه : اهلين
محمد : كنك قالب وجهك ساد يومها مقلب سخيف مش مفهوم
سكت بوزيد لن يقول عشان غيداء بل سيفاجئ الجميع بخطته ..
في غرفته متكيء دخل فراس مسرعا
فراس : عدي جيب البنات من استراحة الحاج ..مرض وشاله سراج للمستشفى وباتي غادي وانا نبي نلحقهم
بوزيد يقف بحماس: بكل سرور
فراس : كنك مبتسم
زيد: قصدي لاباس عليه سلامته..
امام الاستراحه سيارة شقيق ليال ..برا
طلعن البنات
وعد جلست قربه ..جميله خلفه ..غيداء خلف وعد
وعد : كنه الحاج
بوزيد : تعب منكن قيسه
وعد : خزي عليك قول
بوزيد : ذبحه صدرية بس حالته مستقره .._تنهد بحالميه
_قلبه معش يتحمل
سكتن البنات كأنه المقصود شخص اخر
غيداء ..
تنظر اليه بدون وعي ..خصلاات بيضاء في عارضيه
لحية خفيفه لطالما كحلتها ايام يحكو فيديو ..
اسمر ..اصابع يده طويله ..كأنه عازف
هممممم عطره وجدت نفسها تستنشقه بقوة تعبأ رئتها
..
نزلت البنات
بوزيد طلع راسه : جميله توا نسوق وراك لعند توصلي
جميله : نتعبوك نبي نوصل غيداء
زيد : تعبك راحه يا بنت عيب عليك
شعرت بالغيره والحقد وهو لا ينظر اليها ولا يتوجه اليها بكلمه
حفظ بيتها وعرف والدها اللي جاه قبل ما يقارب العام يبي يسافر لايطاليا ...
صبرك عليا يا دودو
في الليل ..
عزيزه تسمع وتستنكر .: .زيد من جدك
علي : خلي الراجل براحته واتصلي كلمي امها شن خاسره انت بالك ترفض ولدك
عزيزه شخرت بسخريه وصوت مندهش : ترفض زيد سمية جده ؟!...صاحب صاحبه الصباي النشاد الحنون ...اللي ما يعرف قولة لا ..
زيد : ههههههه قبل عيونها هيا كلميها
عزيزه : استغفر الله خطبة ع الماسنجر
..
