#الحلقة_العاشرة
#ليش_عالقسامي_لايمه_يا_عيني
#مناي_ابراهيم
بعد شهر ..
ايطاليا
غيداء..
كان باب الشقة مفتوح جايبه تقرير طبي ل سعيد وفرحانه عشان رح يبدا تمارين المشي
سمعت اسمها
سعيد : حل عني معش تحكي عن غيداء غاليه عليا
محمد : انا مستغرب ان موده مش حاطه حد شن اللي غاليه عليك
سعيد : انت كنك مريض كيف وحده من خواتي
رد بعنجهية : حشاهن المتربيات
شهقت وتراجعت لكنها وقفت تستمع
محمد : ايوه حشاهن من منهن تخلي واحد مجرد متربيه معاه ولد راجل امها يلمسها هك
سعيد : انت شن دخلك
محمد : ما دخلني لكن ما تديرها ملاك وكيف خواتك
حتى خواتها المصريات مؤدبات ويتحشمن
بس هي وجه مقطوع وين باتها كنه ما يلمها
سعيد : بس بس خلاص ياريتني نمشي راهو ضربتك يا عديم الاخلاق غيداء تسواك يا تافه
خرجت مسرعه وعطت التقرير ل يسرى ..
بعد اسبوع
يراقب موده وسعيد اللي يضحكو ويهدرزو
وهو يبي يسأل عنها ومستكبرها مختفيه لها اسبوع مش عادتها حتى سعيد معش دوراته
..
ف الصباح
خبط على شقتهم فتحت له يسرى
نظرت ل صفرة القهوة ف يده
يسرى : ياخبر يا ابيه انت بتشتمنا عندنا قهوة والله
دخل مبتسما : مش لك ليا انا وحفصه انت اشربي كاكاو
يسرى : اه وماله يا ابيه ده حتى بينمي المخ
ضحك بمتعه من خفة دمها
فيما بعد جلس مصدوما وهي يسمع قصة حفصه
على لسانها
فلاش باك
حفصه : تزوجت غصبا عن هلي وهله وسافرنا طرابلس
عشان شهور سعيده وحملت وجيت غيداء
جو خوته قالو له باته مريض ويودع ..
عدا وقال يومين ويجي
وحسيت بقلبي انه مش رح يجي
خلالي فلوس وعدا
بعد اسبوع ورقمه مقفل اتصل قال قاعد نطلب من باتي يسامحني
قتله وباتي يا فرج باتي اللي عاندته عشانك
بعد اسبوع اخر وحدي ف مدينه كبيره جا خوه جايب ورقة طلاقي وتنازل عن المؤخر لو تبي بنتك
كنت هبله وصغيرة وخوافه وقعت وقعدت نندب
دورت شغل وتلاقيت مع حسين ..كان دكتور ف العياده اللي نشتغل فيها وجارتي تمسك لي في غيداء
..
بعد تقدم لي اتصلت باختي علياء وجا راجلها توكل عليا
قبلها طبعا كلمت باتي يسامحني رفض قتله راجلي طلقني قال تستاهلي
تزوجت حسين وهاجرت معاه ...مكسوره مطروده ومغدور بيا
وكل ما حد يقولي فرج يبي بنته نقول لهم لا ..ما حد يعطيهم عنواني
..
سكت مصدوم من نذالة فرج ياه من قلة المروؤءة كيف يخلي مرته وبنته وحدهن ..
سأل وهو يرتشف القهوة : مش بينه غيداء
ردت بحسن نيه وهي لا تعرف ما بين محمد وغيداء من كراهيه
: مشت لقريبة حسين تغير في جو
مش عارفه كنها حزينه لها كم يوم سعيد ما قالك شي
محمد : لا ..شن يقول
حفصه : قصدي هي تحكي له ديمه يمكن حد ضايقها او شي مع انها محبوبه م الكل
ابتلع ريقه الجاف وسكت عن الكلام
