#الحلقة_5
#ليش_ع_القسامي_لايمه_يا_عيني
#مناي_ابراهيم
حسام
_من نافذة مكتبه في الدور الرابع يراقب خروجها بهدوء من المطعم القريب منهم تحمل بوكس صغير ومبتسمه للعجوز صاحب محل العطور تشير بيدها وهو يضحك ..
زهره منتعشه قميص ابيض يشرح جمال قدها وبنطلون جينز وكاويش ابيض وحقيبة اللاب توب واخرى صغيره على كتفها ..
فتح برنامج امن المكتب وتوجه لقسم كاميرات المراقبه ..تصرفات مجنونه ايوه هبال ايوه
دخلت وابتسمت ل طارق اللي قال شي ضحكها وذاق قهوتها وسط اندهاش حسام وغضبه
..حتى وشاحها جميل ..توقع تغيب او تجي زعلانه زي زمان تهرب بكل جبن كل ما ينقدها ..عليه ان ينسى تلك الجميله القديمه نهائيا ..
قبل انتهاء الدوام اخذ ملف ل مديرها صلاح ورفض ان يذهب هيثم مكانه
..
لقى مكتبها فاضي تأمل نقالها وصوت اشعارات الانترنت شنطتها ع المكتب موضوعه باهمال ..
اقترب ..شوي من شيشة العطر طالعه والمحفظه بينه ..كان سيفتحها بس تراجع وحس روحه مش طبيعي ..
خبط ودخل
لقى صلاح على كرسي مكتبه وهي تقرا في ملف وتوضح له بقلم لم ينتبهو له اخر انسجام ..
رفعت راسها ونظرت اليه نظره تقييمه حتى شككاته في نفسه واناقته وقيافته
همست بصوت مسموع هادي : المدير يا صلاح
..
ماذا صلاح هك لا استاذ لا دكتور لا حتى عمو وهو عمره ٦٥ سنه
هل طلب منها تناديه صلاح
صلاح الوقور معقوله انسحر بيها وعاد يتأملها وكنه ما ينسحر خاصه لو هداته احد ابتساماتها اللي خصت بيهن ولد خالتها امس ..
صلاح : اهلين بش مهندس تفضل
دخل حسام :في ملف نبي نراجعه معاك
صلاح مندهش اول مره يزوره حسام هنا
: بس هك كان قتلي وجيتك
حسام : العز واحد وقلت نشرب قهوة معاك
رفع سماعه مكتبه نطلب لك ولو
حسام وعيونه عليها ترتب ملاحظات على لاب توب صلاح : والمطبخ الصغير اللي عندك شن وظيفته
صلاح يضحك : طولت علينا بالعامل انت
حسام: مش ناقصين موظفين حاليا كيف جميله ماتعرفش تدير قهوة
لم تلتفت اليه
صلاح بفخر : جميله بنيتي مش تخصصها هذا وبالنسبة للمعرفه فهي نفس حلو _ونظر لها _و وجه حلو وروح حلوة وضحك لانها انحرجت
حسام لعن نفسه وجميله وصلاح
بعد معاناة مع الملف الغبي خرج لقاها تحكي فيديو منسجمه تهز كرسيها يمين ويسار
جميله: تهبلي غيود تسلم لي الطله ..
هممم اها
سمع صوت الاخرى وهو يقترب
( شخبار حسام التافه)
جميله : اسسس را يسمعك قاعد عندنا
غيداء : ظني اللي وراك صح هههه
لفت وقطعت غيداء الاتصال
وقفت وجهها الوان
حسام : حسام التافه ؟
