مال الحب إلا الانتصار

البارت 48

عائشه : يوم كنا نتهاوش مع زينب فجاه سمعت صوت صرحتج ولمن لفيت وشفتج تنزفين فكرت أن أنا السبب وبعدها المديره دقت على محمد وجاني ولا قدرت اقول له شنو الي سويته باخته واخذني البيت وقلت له أن أنا السبب بالي صار لج عصب علي وزعل مني وما قدرت اجي عندج لاني كنت خايفه من ردت فعلج ويوم داومت ثاني يوم قالت لي فجر ان لين اهي السبب وان سوت جذي عشان انتي دافعتي عني يوم طلعت من الفصل يوم رحت من المدرسه حاولت أوضح لمحمد الموضوع وان الي قلته له غلط ما رضى يسمعني وحط الفكره براسه أن الغلط مني وقال انه مراح يسمع مني لين اعتذر لج
انصدمت ترف : انتي المفروض ما تقولين شي إلا لمن تتأكدين منه حقه انه ياخذ ردت فعل جذي لان اخته بس محمد انتي يمكن تعرفينه اكثر مني قلبه طيب وبيسمعج ويسامحج
رجعوا البنات عشان يساعدون الحريم وجو خالد ومحمد وسعد ياخذون العشا
مضاوي بهمس : خالد
خالد : سمي
مضاوي : سم الله عدوك ، إذا خلصتوا من العشا تعال انت وناصر أبيكم
خالد : ابشري
طلعوا العيال يودون العشا واخذوا البنات عشا الحريم
          عند الرياجيل
خالد بهمس : ناصر
ناصر(سعود) : هلا
خالد : إذا خلصت امش معاي ابيك
ناصر(سعود) : اوك
دزت ترف رساله لمحمد
ترف : محمد
محمد : هلا
ترف : إذا خلصت عشا ابيك بموضوع
محمد : أنا خالص إذا خلصتي دزي لي واجيج
ترف : أنا بعد خلصت تعال
محمد : اوك
طلعوا خالد وناصر راحوا ودز خالد لامه
خالد : يمه أنا وناصر برا
مضاوي : يالله جايتكم
بعدها طلعت مضاوي وترف راحت لمحمد
                               عند مضاوي وعيالها
مضاوي : ياعيال سالم ولد الجيران متقدم لريناد بس ما ردينا له خبر
ناصر: ونعم الرجال بس الرأي عند ريناد
مضاوي : ريناد تقول إذا انتو موافقين اهي موافقه
خالد : أنا أشوفه رجال طيب وزين
ناصر : أنا ما اعرفه زين بس ابوه رجال زين وخلي ابوي يسأل عنهم
مضاوي : اجل بكلم حمد واخلي سعود يسأل عنهم ويقول لهم أنا موافقين
خالد : خلاص حمد علي أنا اكلمه
ناصر : الله يتمم لهم على خير
                                   عند محمد وترف
كانوا محمد وترف يتمشون
ترف : محمد ليش عائشه زعلانه ؟
محمد : لانها مسويه شي غلط وانا زعلان عليها على الي سوته
ترف : شنو مسويه ؟
محمد : منو الي تهاوشتي معاها بالمدرسه
ترف : لين
محمد : يعني مو عائشه
ترف : لا
محمد : لا تدافعين عنها عشان ما تزيد مشاكلها
ترف : والله ما أدافع عنها ولا شي المشكله مو منها
محمد : اجل شلون تجي وتقول اهي الي ضربتج
ترف : لان يمكن كانت بحالة صدمه وما تدري منو الي سوي فيني جذي ، اهي ما قصرت فهمت الموضوع عدل وجت بتقولك بس انت ما رضيت تسمعها
محمد : إذا ما اعتذزت منج والله ما تشوف محمد الي قبل
ترف : تكفى سامحها عشاني والله شكلها حيل زعلانه
محمد : اهي غلطت وانا شلت بخاطري عليها بس بسمعها وبسامحها وما يهون علي ازعل عليها
ترف : أنا بروح عند البنات طولت عليهم
راحت ترف عند الحريم وراح محمد عند الرياجيل
                                      عند الحريم
حنان : الوقت تاخر قوموا خلونا انام عشان نجهز الريوق مبجر مايصير غدا
منيره : اي والله اليوم تعبنا
ترف : يالله بنات خلونا نروح نجهز الفراشات
راحوا البنات الخيمه يجهزون الفراشات
ريماس : من صجج ترف تبين تنامين الحين !
ترف : الصراحه حيل تعبانه بس إذا ودكم نقعد نسهر عادي
ريناد : اي بكرا ويكند خلونا نجهز السهره اليوم
ريماس : خلونا نجهز الفراشات للحريم وبعدين نطلع نجهز السهره
قامت فاطمه بتساعد البنات
ترف : انت ضيفه ما يصير تشتغلين
ريناد : ولا انتي بتشتغلين ارتاحوا واحنا نجهز الفراشات
جهزوا البنات الفراشات ودخلوا الحريم عشان ينامون
مضاوي : يعطيكم العافيه
البنات : الله يعافيج
سارا : يالله ناموا عشان الصبح الريوق عليكم
خزنه : احنا بنسهر ولا راح نقعد على الريوق
سارا : إذا انتو بتسهرون منو بسوي لنا ريوقنا ؟
حنان : خليهم يسهرون ويستانسون طول الأسبوع دراسه احنا نسوي ريوقنا
طلعوا البنات وراحوا المطبخ عشان يجهزون السهره
                                        المطبخ
ريناد : خلونا نتوزع الشغل عشان نخلص بسرعه
خزنه : أنا بسوي كرك
ريناد : أنا بسوي بان كيك
عائشه : وأنا بسوي سلطة
ترف : وانا بسوي قهوة سعوديه
نوره (يوسف) : لا أنا بسويها عنج
ريماس : أنا بضبط الجلسه
فاطمه : نوره(سعود) وينها ؟
ريناد : اليوم كان عندها مراجعه لأوراق بعثتها وشكلها تعبانه ونامت
فاطمه : ماشاء الله الله يوفقها
ريناد : اللهم امين
                                   عند الرياجيل
كان خالد يتمشى يكلم حمد عن موضوع خطبت ريناد والرياجيل ناموا والشباب جالسين على جوالتهم
ناصر : ياعيال جوكم ينوم
سعد : شنو نسوي خلونا نلعب
محمد : شنو بتلعب يعني ؟
سعد : اي شي
محمد : فكر إذا لقيت لك لعبه لعبنا معاك
سعد : أنا ودي ادز لخواتي أشوف إذا قاعدات نروح نسهرعندهم
متعب : لا دز ولا شي البنت عندهم شلون نقعد معاهم
سعد : صح نسيتها
                              عند البنات
جهزوا البنات الجلسه وقعدوا يصورون وبدت السوالف
خزنه : بنات عندي موضوع ومتردده أوافق او لا
فاطمه : قولي يمكن نقدر نساعدج
خزنه : أنا رفيقتي كلمتي تقول ان اخوها منفصل وتبيني أتزوج اخوها شنو تقولون أوافق او لا 
نوره(يوسف): احنا ما ندري يمكن الغلط من زوجته ويمكن منه اهو واحنا ما نعرف رفيجتج والي يقدر يساعدج بهالموضوع عمي ناصر لان رجال ويعرف الرياجيل يسأل ويشوف
خزنه : والله ما ادري الحين خالد منفصل وقدرت ترف تكمل معاه وعائشه منفصله قدر محمد يكمل معاها بس عائشه تتوقعين ان جابر بكمل حياته إذا تزوج
عائشه بعصبيه : عفوا أنا ماني امه عشان تسأليني هذا السوال
فاطمه : خزنه مو شرط الي متقدم لج نفس جابر يمكن يكون نفس خالد طيب وزين انتي قولي لرفيجتج تكلم ابوها يخطبج من ابوج احسن
خزنه : خلاص بكلمها وبقولها نفس ما قلتي يا فاطمه
فاطمه : يعطيكم العافيه على السهره الحلوه بس أنا دخت بروح أنام تصبحون على خير
البنات : وانتي من اهل الخير
ترف : بنات شرايكم
ريماس : شنو ؟
ترف : اكلم خالد يجون اهو والشباب يلعبون معانا
ريناد : الصراحه يمكن جوهم احسن من جونا
ترف : خلاص بكلمه انطروا
دزت ترف لخالد
ترف : خالد
خالد : لبيه
ترف : شرايك تجي انت والشباب تلعبون معانا طفشنا
خالد : وفاطمه ؟
ترف : راحت تنام
خالد : اجل بكلم الشباب ونجيكم
                              عند الرياجيل
خالد : عيال
محمد : هلا
سعد : هلا
ناصر(سعود): هلا
خالد : كلمتني ترف تقول تعالوا العبوا معانا
متعب : شكلكم ناسين انتم اولي سعد والحين انت احنا عندنا ضيفه
ضحك خالد : ندري يا رجال الضيفه نايمه
ضحك متعب : إذا جذي نمشي
                               عند البنات
كانوا البنات جالسات على جوالتهم  دخلوا عليهم الشباب
وجلسوا
متعب : تنادونا وكل وحده على جوالها
ريماس : كنا ننطركم الجو عندكم
قامت خزنه عشان تعطي سعد كرك
خزنه : هذا الكرك أنا مسويته عشانك
سعد : ادري انج سنعه
ناصر(سعود) : شنو لعبتكم
سعد : يع ، شنو هذا كرك او هيل
خزنه : ليش حلو
سعد : ما ينشرب وانا اخوج اكيد مو حلو
ضحكوا الكل وانحرجت خزنه
متعب : اخلصوا علينا خلونا نلعب عشان انام ونقوم على صلاة الجمعة
ريماس : يالله بنلعب لعبه القاروره
بدت اللعبه ريماس وكان السوال الاول ناصر(سعود) يسأل ترف
ناصر(سعود) : حتى لو كان سوالي محرجه لازم تجاوبين
ضحكة ترف : اوك
ناصر(سعود) : قبل لا توافقين على خالد كنتي تتوقعين حياتج بتكون جذي
ترف : لا
السوال الثاني خالد يسال عائشه
خالد : كيف توصفين محمد لشخص مايعرفه ؟
عائشه : شخص حنون ومحترم وطيب لبعد الحدود بس مشكلته إذا زعل ما يسامح
السوال الثالث سعد يسأل متعب
سعد : شخص ودك انه يكون موجود بحياتك الحين
متعب : امي نوره
الكل : الله يرحمها
السوال الرابع خزنه تسال محمد
خزنه : لو رجع فيك الزمن بتحب عائشه
محمد : اي
السوال الخامس ريماس تسال ريناد
ريماس : منو اقرب وحده من البنات لج
ريناد : ترف
خزنه : مو عشان مرت اخوج
ريناد : شكو ، لان صج ترف قريبه مني
السوال السادس نوره(يوسف) تسال خزنه
نوره (يوسف ) : شنو المواصفات الي تتمنينها بزوجج؟
خزنه : كيوت ، حبوب ، طويل ، جميل ، يحترمني ، يقدرني ، يدلعني ، اسمر ، معضل
سعد : والله إذا هذي مواصفاتج ما اضن بتطلعين من بيت جدي
ضحكوا الكل
خزنه : الايام قدام وبتشوف
السوال السابع عبدالعزيز يسأل خالد
عبدالعزيز : خالد الصراحه
ضحك خالد : قول
عبدالعزيز : انت صاير طيب وحبيب اختي لها تاثير عليك؟
خالد : إذا انت تشوف جذي اي
السوال الثامن سالم يسأل ناصر(سعود)
سالم : شنو الشي الي لو رجع الزمن فيك راح تغيره ؟
ناصر ( سعود ) : اني ماكلمت دراستي لين الحين ادور وظيفه ما لقيت
سالم : معوض خير ان شاء الله
السوال التاسع ترف تسال محمد
ترف : الغلطان كم فرصه يستاهل ؟
محمد :  مو كل غلطان يستاهل فرصه
السوال العاشر ريناد تسال متعب
ريناد : لو السعاده بيدك تعطيها منو ؟
متعب : ابوي جعل ربي يطول بعمره ويخليه لنا ويمده بالصحه والعافيه
الكل : اللهم امين
ريماس : خلصت اللعبه
متعب : روحوا ناموا عشان ما تطوفون صلاة الجمعه
خالد : ان شاء الله
راحوا العيال يتمشون لخيمتهم ودخلوا البنات خيمتهم ودخلت عائشه المطبخ وجلس محمد برا ينطرها بعدها طلعت عائشه
محمد : عائشه
عائشه : هلا
محمد : تعالي ابيج
راحوا عائشه ومحمد يتمشون
محمد : انتي كنتي تبيني اسمعج ولا سمعتج صح
عائشه : صح
محمد : انتي كنتي تقولين اي شي يصير بينا يبقى بينا
عائشه : اي
محمد : اجل ليش قلتي لترف أن  متزاعلين
عائشه : والله ما كنت بقولها بس جتني وسألتني
محمد : وانتي ما قصرتي قلتي لها
عائشه : صدقتي ما كنت بقولها بس أجبرتني وقلت لها يمكن تسمعها لان مراح تسمعني وتاخذ عني فكره غلط وانا مالي ذنب وأنا ما يهمني إلا أنت تسامحني

محمد .................