بسم الله
~يا متعب القلب بصدك ~
الجد سالم: نوره قولي حق خالد يوعي عياله و عيال اخوانه ما بقا شي على صلاه الضهر وهاييل للحين رقود الله يهديهم أهل الكهف مب بشر
الجده نوره : انزين الله يهديهم بس
راحت الجده تقول حق خالد بس ما حصلته بس حصلت فطيم
الجده : فطيم حبيبتي قولي حق عيالج ينشون بعدين ازقري خالد مب موجود ما جفته الفير
فطيم ببتسامه : ان شاءالله تأمرين على شي ثاني؟
نوره : لا حبيبتي سلامتج
راحت فطيم توعي عيالها نشو بعد طلع الروح نزلو و كل واحد ماد بوزه
ضحك الجد سالم على اشكالهم
سالم: بلاكم انتي الحين جي ترا اذن و انتو للحين رقود بلاكم
راشد وهو يفرك عيونه بنوم : الله يهديك يدي انت لو بإيديك خليت الإمام فبيته و خليتنا نسير بداله باقي على الأذان عشر دقايق ليش موعنا الحين
سالم : لا تراددني انت و راسك
راشد سكت ما حب يرادد يده وهو توه ناش و سيف و الباقين ماسكين ضحكتهم عشان ما يعصب يدهم عليهم
سالم: إلا وينه عمر تراه قاطع عنا يوم بيي اباج تقولي له ايي يكن عندنا القصر شكبره و عندنا وايد غرف عالفاضي
راشد باستهبال : خل الغرف حقي أنا و حرمتي بييب عيالي هني
سالم وهو ماله نفس راشد: انت بتسكت ولا شو؟ منو بتقبل فيك انت و راسك
راشد يمثل الحزن : افا يدي جي تقول حق حفيدك المفضل؟
سالم : محد صاحي فيكم إلا حبيبي سيف ماعرف متى بتكونون نفسه
راشد بصدمه: يدي ها الحين صاحي؟ انت ما تعرف شو يسوي يوم ما تكون موجود والله
سالم: أنا ما اصدق لين ما اجوف بعيني.
سيف يضحك على راشد و كيف انه مصدوم من شخصيته الثانيه
نوره : يلا الي خلص يتوكل جامعته و شغله
سلامه بنكد : يدوه الله يهديج ما كان له داعي تذكريينا افف
نوره : بلا تحلطم يلا جدامي مابا اسمع حس
كل حد طلع غرفته يبدل و يروح شغله و جامعته
فضى القصر لنوره و سالم
سالم : نوره قولي حق عمري ايي هو و عياله عندي ع الغدا خلاص يعيشون هني
نوره: والله ما اتوقع يوافق بس ان شاءالله بحاول وياه
دق تلفون عمر و كانت أمه : هلا اميه شحالج؟
نوره: الحمدالله بخير بس بغيت أخبرك أبوك يقول تعال هني القصر عيش ويانا انت و عيالك و حرمتك عندنا وايد غرف و ما نبا نسمع اي اعتراض
ما عطت عمر فرصه يتكلم و قفلت الخط مخلتنه يتنهد بقله حيله
راح يخبر حرمته الي كان عادي عندها و تقول ل بنتها و ولدها حسن يجهزون اغراضهم كانت اليازيه بترفض بس قال لها أمها ان أبوها معصب
راحو بدون ما يعارضون لان واضح أبوهم مجبور و معصب فسكتو
بعد ساعتين وهم يحطون الأغراض فالسياره
عمره : روحو ازقرو امكم يلا بنتحرك قبل يأذن العصر
راحت اليازيه تزقرها : ماماا يلا بنتحرك
حور وهي تشل شنطتها : يلا يلا خلصت
مسكو درب لدبي و حسن و اليازيه ساكتين و لابسين سماعتهم
وصلو بعد ساعه وهم ينزلون الأغراض لمحهم راشد وعرفهم لأنه يتواصل مع حسن : عنك عنك عمي أنا بشل
عمر : ما تقصر راشد شخبارك ؟
را شد الحمدالله بخير
