( قرائه ممتعه)❤️
يدخل عليهم سيف يستغرب جوهم المتوتر
سيف : بلاكم ليش جي ويهكم مصفر؟
العنود بتوتر : يزوي ما نعرف وينها ما تدري وين سارت؟
سيف خاف بس ما بين : ها لا ما اعرف و بعدين كيف تخلونها بروحها مو كانت وياكم؟ وين بتسير يعني دقيقه بدق على حسن
راح سيف وهو خايف و يحاول يخفي مو قادر لين دق على حسن رد عليه
حسن : الو
سيف : ها انت وين ما جفتك فالشقه
حسن : هي طالع أتعشى مع يزوي نسيت اخبركم من اليوع ليش بغيت شي؟
سيف ارتاح : لا بس اسأل خلاص فمان الله
حسن : خبر يدي و الباقين باجر بنروح نتزلج ان شاءلله
سيف : افا عليك يلا
سكر عنه سيف و متناسي البنات نسى يقول لهم انها مع اخوها تتعشى بس فكر بنفسه فكر بس انه ارتاح و زوجته بخير ما فيها شي وهو يفكر أنا الحين ليش خفت أنا ما يخصني فيها سيف لا تنسى انها مجبوره عليك و انت بعد نفس الشي و انك تحب سحر لحضه أنا صدق احب سحر؟ مع إني صدق ما انجذبت لها كثر اليازيه و ما احس براحه معاها يحاول سيف قد ما يقدر يوقف تفكير فيهم الاثنين بس مو قادر يخون اثنين بنفس الوقت بس انه بدأ يهتم فيها اهتمام غريب اول مرا يحس فيه ما جرب هذا الشعور يوم انه مع سحر عادي عنده انها تبين شعرها بس اليازيه لا
~ عند البنات ~
سلامه رجعت تحاول تتصل عليها اكثر من مرا وهي ميته خوف و سيف للحين ما رد لهم خبر
يدقون عليها ما ترد لين حاولت تدق عليها سلامه و اخيرا ردت : بنتتت انتي وين مسافرين و آخر شي تختفين وين رحتي ؟
اليازيه وهي تفتح الكام : مع حبيبي طالعه أتعشى
العنود : كيف حبيبك هاذوه صوبنا ريلج
اليازيه : لا حبيبي الأساسي وهي تلف الكام على حسن وهو يبتسم لهم
ضحكو العنود و سلامه على علاقتها مع اخوها
سلامه : اها يا الخاينين ما قلتو بناخذهم هم بعد يوعانين يعني ؟ وانتو ساحبين علينا تتعشون بروحكم
اليازيه بضحك : لا
العنود : خلاص بنسكر تمي أكلي بس المرآ الثانيه لا تخوفينا عليج جي
اليازيه : تمام باي
سكرت منهم وهي ترجع تسولف مع حسن لين يوصل الاكل و يأكلون و اليازيه تصور و تحط ستوري
و يخلصون اكل و يرجعون الفندق
تدخل الشقه الي فيها الأهل
حسن و اليازيه : السلام عليكم
ردو كلهم السلام
تروح اليازيه تقعد عند يدها سالم
نوره : من لقى أحبابه نسى أصحابه نسيتيني يا يزوي ما عليه
تضحك اليازيه : لا وين يدوه محشومه بس ابا اقول شي يعني حق يدي
نوره : عادي عندي حسن صح حسن؟
حسن : صح
راح يقعد عندها و يبوس ايدها
سالم: امريني حبيبتي
اليازيه : يدي شي مكان مب بعيد منا يخلونا نتزلج خ نسير انتو مب لازم تتزلجون في كوفي وايد حلو صوبه قعدو سولفو
سالم : ها شو قلتو؟
خالد : عادي عندي الصدق
احمد: تم
راحت اليازيه ركض لغرفه البنات عشان تجمعهم فشقه الأهل و نفس الشي عند الأولاد
كلهم تيمعو عند بعض
خالد : اسمعو باجر بنسير تزلج على الثلج الي يعرف يسير و الي ما يعرف شي كوفي صوبه قعدو
راشد : عيب عليك منو هالياهل الي ما يعرف يتزلج؟
سيف الصدق ما يعرف
سيف : أنا حريففف بتسابق وياكم بعد وان ما طلعت الأول بعزمكم عالغدا
يوسف : الله بس تم
اليازيه استغرب انه صدق يعرف يتزلج؟ بس شي حلو
العنود تعرف اخوها ما يدري و هو الحين متوهق بجذبته
عمر : يلا عيل ترا الوقت تاخر محد يطلع و سير رقدو عشان باجر محد يتكسر مب ناقصين
راحو كلهم شققهم بدون نقاش لان صدق تعبانين
إلا اليازيه توصلها رساله من سهيل
سهيل : عيل سرتي أذربيجان؟ عبالج ما توصلني اخبارج يعني إذا ما كنتي ترمسيني أو ما كنا مع بعض يعني
اليازيه : انت بعدك ما مليت ياخي شو تبا فكني
سهيل : اباج بعد شو انتي للحين ما فهمتي؟
سحبت عليه اليازيه ما ردت
و هي تتجاهل كلامه و تحاول تنام بدون ما تفكر فيه و شو بيسوي فيها تعرف انه سايكو يوم كانت بعلاقه معاه صدق ما سلمت منه و دايم يضايقها لين انفصلت عنه غصب و بالتهديد بالشرطه
نامت اخيرا بعد هواجيس ساعتين
~ اليوم الثاني ~
قامو كلهم و نزلو تحت عند البوفيه يتريقون
إلا اليازيه كالعاده راقده
نوره : وينها اليازيه ؟ سلامه قومي جوفيها
قامت سلامه تطلع شقتهم و تحصلها للحين راقده
سلامه : بنت يلا قومي ماشي وقت البوفيه شوي و يسكر بعدين ما بتتريقين و مافي اكل ترا من الحين اقولج
فزت اليازيه من كلمه اكل ضحكت عليها سلامه و هي تقوم تتجهز و تلبس و تنزل معاهم تحت للبوفيه
تتريق وهي مكشره للحين ما شبعت رقاد
خلصو كلهم اكل و يطلعون يتجهزون للتزلج و سيف متوتر مو عشان بيعزمهم خايف يطيح نفس قبل
~ فلاش باك ~
سفره سيف لتركيا
يتجهز سيف للتزلج هو و ربعه و متحس و جاهز ينزل
وهو نازل ما ركز على الطفل الي قدامه و يحاول يلف بس لف غلط و طاح و جرح ايده جرح كبير و نزف بشكل مبالغ و ما خبر حد عن الي صار إلا العنود
~ باك ~
طلعو كلهم وهم حاطين الجاكيت فالشنطه
و متجهزين وصلو مكان التزلج و جاف سيف كيف انه صدق كبير اكبر عن تركيا وهو متوتر و لاحضت عليه العنود و تقوله بصوت خفيف
: اذا ما تبا قول ترا عادي توديهم عالغدا أو العشا ولا انك تنصاب
سيف : لا لا عادي لين متى بتوتر من التزلج و من زمان عنه ابا استرجع مهاراتي صدق
سكتت العنود لأنهم وصلو خلاص
تفرقو الكبار عنهم وهم يقعدون بكوفي و الباقين يلبسون عشان يتزلجون و اليازيه لبست جاكيت اسود اكثر عن طبقه و خلت شعرها مفتوح و بلست نضاره عشان تجوف عدل و طلعت و المثل عند باقي البنات بس أنهم جاكيت ابيضّ و مغطين شعرهم إلا هي اسود و تيمعو كلهم و بدو يتزلجون بعشوائية لين تذكر راشد عن تحدي سيف
راشد : سيف يلا سباق كلنا من فوق الجبل
سيف : يلا
راحو كلهم البنات و الأولاد فوق الجبل يستعدون للتزلج و العنود شاله هم سيف شو بيسوي
عبدالرحمن: واحد اثنين ثلاثه
انطلقو كلهم بسرعه إلا سيف كان شوي شوي خايف لا يطلع له ياهل مرا ثانيه بس الصدمه ان اليازيه و حسن كأنو اسرع شي لدرجه محد سبقهم كان بس هم الي يتسابقون و فاز عليها حسن ب مسافه بسيطهههه
انقهرت من المسافه البايخه الي خسرت فيها بس عادي دام اخوها الي فاز
اليازيه : مبروك
حسن : ههههه الله يبارك فيج شكلج عصبتي بس عادي المرآ اليايه
راشد : بلاك سيف كنت وايد بطيء
يوسف : هي صح كنت وايد بطيء
سيف : لا ولاشي المهم اختارو مطعم و قولي لي بعدين
افترقو كلهم يتزلجون و يصورون على راحتهم لين اليازيه تعبت شوي و هي بس قعدت تجوفهم
سيف الي كان اصلا ما يعرف يتزلج نسى كيف بس كان يتفلسف لمحته اليازيه وهي تضحك جافها و ركز ع ملامحها لأول مره و بغى يطيح من فوق جافته اليازيه و مسكته بسرعه : اففف يالدب
سيف احترمي نفسج و هديني
اليازيه: هاي يزاتي أساعدك والله ما تستاهل و هدته
جافهم راشد من بعيد و صارخ: اوووبب سيف يالخديه مفروض العكس انت تمسكها مب هي وابوي عليك
وقفو كلهم من سمعو صريخ راشد وهم يضحكون على سيف
____________
لا تقصرون بالنجوم و تعالو انستا🪷
