راحت بسرعه عشان ما تناقشه وأيد وهو يوقفها
سيف:بنت شيلتج وين؟ لبسيها عدل شو ها
اليازيه : ما يخصك لا تسوي فيها عاد الي يغار و شل ايدك
جافت حسن وهي تروح صوبه تقنعه يوديها الكوفي بس حسن ياشر على سيف
:هاذوه هناك ريلج مو هالصوب
اليازيه: والله انك
حسن: هوب هوب لا تكملين سيف قوم ود حرمتك الكوفي تبا ماتشا نش يلا
سيف: انزين بترياها فالسياره لا تتاخرين
راحت اليازيه وهي تقول فخاطرها إنها ما تبا تسير وياه بس ما عندها حد ثاني يوديها كلهم مشغولين
تدخل الغرفه تلبس عبايتها تعدل البلشر و الروج و المسكرا تزود عليها و ترفع رموشها شوي و تبخ عطر و تحط شيلتها على كتفها وهي تودع أمها و تطلع
جافها سيف وهو ينزل جامه السياره : الشيله عالراس مو الكتف
تتاف وهي معصبه هذا وهم بعدهم ما تزوجو بس استوت حلاله وهو ما يبا شعره تطلع منها و تركب السياره
سيف : ما شاءالله العطر يفوح يفوححح جان تسبحتي فيه بعد اهون؟!
اليازيه : انت بلاك تعبت وأنا أقول ما يخصك
عصب سيف وهو يسوق : أقول ترانا بنتزوج و رمسي وياي عدل و الشيله تنحط عدل و العطر تخففينه
اليازيه بجذب : زين شي ثاني ؟
سيف : لا خلاص
~ وصلو الكوفي ~
سيف: أنا جف ريجي وأنا أقول لج يبنت الحلال الشيله عالراس مو الكتف
تطنشه اليازيه وهي تتجدم عنه و تروح تطلب لها لين وقفتها بنت تسألها عن عطرها الفايح
سيف: ها صدقتي عطرج تارس الكوفي ؟
اليازيه : خلاص يبوي خوز عني اف
راح عنها سيف اييب الطلب
وقف عند طاولتها ريال غريب
: لو سمحتي ممكن الرقم؟
اليازيه : لا؟
مجهول : بلاج واضح مو معرسه عطيني يمكن في نصيب
يا عندهم سيف
: ما شاءالله ناوي أذبحك؟ شو تسوي هني وأنت منو عشان ترمسها؟
مجهول : لو سمحت لا تتدخل
سيف : شو الي لا تتدخل حرمتي تستهبل !
مجهول : عيل كيف ترضى تطلع وهي كاشفه و عطرها فايح جي
سيف سحب كندورته و عطاه بكس طاح الولد و سحب ايد اليازيه يطلعها من الكوفي وهو بينفجر منها مليون مرا قال لها تغطي شعرها و تخفف العطر مافي فايده سكر باب السياره بعصبيه
: أنا كم مرا بكرر كلامي ما تفهمين ولا شو؟
اليازيه : ايهههه لا تصارخ علي ما يحق لك أصلا ترفع صوتك الولد ما يستحي أنا ما يخصني
سيف : لا والله حلفي أنتي بس تستهبلين ولا شو أقول أنتي مال بيت ردي القصر و رقدي عشان سفره باجر ما أبا اسمع حسج
اليازيه : آخر مرا أقولك قصر حسك وإنت ترمس وياي حرمه ابوك أنا؟
سكت عنها سيف البنت لسانها وايد طويل ما يعرف كيف يتصرف وياها
رجعها القصر جافهم حسن من بعيد
حسن : ها بلاه جي معصب إنتي وين الكوفي مادري ماتشا ها مالج
اليازيه بنرفزه : ياخي اسكت عني ها مسولي الرجل الغيور الحين وهو ماعنده سالفه الكريهه
راحت عنه اليازيه فوق تنام الوقت تاخر جافها حسن وهو يدعي لها بالهدايه البنت صدق ما تسمع الكلام
و متفهم سيف و غيرته صدق طبيعيه
~ اليوم الثاني ~
سالم : هاييل صدق والله للحين رقود؟ حد يوعيهم
: نوره : أنا بقوم نشي فطيم ساعديني
فطيم: ان شاءالله عموه
راحو الاثنين يوعونهم لين قامو و اخيرا
سالم : يلا كلكم السياره ما بقا شي عالطياره بسرعه
راحو كلهم يتوزعون على السيايير
و يوصلون المطار تفرقو البنات للكوفي و الأولاد يرتبون التذاكر لين يا وقت الطياره تقلع
طلعو كلهم على الطياره و كان باقي وقت طويل و بطلتنا زهقانه و تروح تلعوز حسن بس تشوفه نايم
لمحها سيف : بتجوفين وياي فلم؟
اليازيه استحت منه وإذا عادي أو لا بس الصدق إنها ملانه بس هالشي ما يعني أنها نست موضوع سحر : والله الملل طاغي ما اقدر أقول لا
راحت تيلس عند سيف وهم يتشاركون السماعه لين تمر نص ساعه وهي تكون اصلا نايمه لين تعبت وهي تقاوم تحط رأسها على كتفه بدون لا تنتبه حس عليها سيف و انتبه على ريحه العطر الي تداهمه كل ما شافها وهي يأخذ له نفس تعب منها وهو يقول لها خففي العطر ترا حرام بس البنت ما تسمع الكلام تمر أربع ساعات و الكل نام لين تعب سيف وهو بعد ينام معاهم
~. بعد ساعتين ~
توعيهم مضيفه الطيران لربط الاحزمه خلاص دقايق و تهبط الطياره و اليازيه نومها ثقيل يحاول فيها سيف بس مافي فايده
: حشه مب بني ادم
تعب وهو يحاول لين قرب منها وهو يحط لها الحزام و يبتعد بسرعه ما يبا يقرب وايد
هبطت الطياره و كل العائله نزلت وهم يتريون سيف و اليازيه تحت
سيف : بنت خلاص بسج رقاد كتفي نمل ياه شد
قامت اليازيه من الحشره وهي تشل رأسها بخمول : شو تبااا خلني ارقد
سيف: شو الي ارقد قومي كلهم يتريونا تحت وأنتي للحين راقده
نشت اخيرا وهي تحاول تشل الشنطه بس ما فيها حيل للحين تحس فيها رقاد ما شبعت
سيف: خلاص خلاص أنا بشل بس نزلي و حطي شيلتج نفس الناس
راحت اليازيه وهي تطنشه و تداهمها برد أذربيجان اول مرا تحس بهال بروده تعودت على حر الإمارات و الكويت بس إنها ترجع للبرد مرا ثانيه لان قبل راحت تركيا مع ابوها
اليازيه : الله ثلج بس وايد برد حسن عطني جاكيت نسيت مالي فالشنطه
يا من وراها سيف : شلي جاكيتج طلعته
اليازيه : اوه ش ما كملت كلمتها وهي تقول غصباً عنك يلا
أنصدم سيف منها بس سكت ما يبا يسوي مشاكل وياها خلاص
حسن : اقولج يزوي ما بقا شي على ما نوصل الفندق سمعي اباج تلبسين والله يوعان أبا آكل بعزمج على مطعم
اليازيه : بس تم عشر دقايق وانا عندك افا عليك
وصلو الفندق و اخيرًا كلهم ينزلون اغراضهم بتعب
العنود : أقولكم الغرفه الكبيره حقي
سلامه : ههاي تحلمين يبوي أنا بعد أبا الكبيره
لمحو اليازيه مو مهتمه
العنود : بنت يزوي وين سايره غريبه ما تتضاربين على الغرفه ويانا نفس دايم
اليازيه : ها لا عادي عندي ترا بس برقد و بنش يعني ما بتم فالغرفة وايد
العنود : هيه ما شاءالله
اليازيه راحت تلبس ما عندها وقت بدلت بسرعه لجاكيت و تعدل الروج و مسكرا و تفتح شعرها و تطلع مع حسن بدون ما تخبر حد إنهم طالعين و بدون ما حد يجوفها
لمحها حسن : اوف اوف كاشخه المهم يلا اليوع قاعد يزيد والله ما اقدر استحمل اكثر عن جي
اليازيه : أف أنا بعد صدق
وصلو المطعم وكان فليل و منضر الثلج وايد حلو
حسن : مفروض ايي ويا حرمتي شو يباني هني وياج ياخي ييت مع الشخص الغلط
اليازيه برفعه حاجب : اقولل احترم نفسك باجر أبا أتزلج صدق من زمان
~فالفندق ~
لاحضو البنات اليازيه مو موجوده
العنود: اقولج جفتي يزوي ؟
سلامه : اويه عبالي وياج
العنود: اوهوو مب عندي
سلامه : انزين دقي عليها وينها
يدقون عليها ما ترد للحين ما في شبكه
يدخل عليهم سيف يستغرب جوهم المتوتر
—————————-
الف كلمه تكفي يلا لا تقصرون بالنجوم 🩷
