تعبو وهم يلعبون بالدراجات و قررو يوقفون شوي
سعود : أقولكم ونحن رادين جفت قصر مهجور صوبنا شرايكم نسير؟
علي : صحح أنا بعد جفت بس ما قلت شي
درويش : دامكم ما تخافون تم
قررو يروحون له بعد الساعه12
(12:30)
راحو حصه و منال ل مكانهم المعتاد و يصعدون آخر طابق مع دله الجاي و القهوه و يسولفون و يضحكون بس عادي المرآ مع عبيهم و الطرح على رأسهم
جاهلين الي يمشون تحت بخوف
علي : اقولكم خلونا نرجع احس في شي غلط
عبدالرحمن : وابوي عليك لا يجوفك راشد
درويش : اقولكم قومو خ نسير فوق
سعود : شرايكم تستهدون بالله شوي شوي صبر
بدو يصعدون فوق و كل واحد يبلع ريقه بخوف
وهم يلمحون ضلين سود قاعدين مع بعض و يضحكون و بسبب المكان المهجور في صدى و تتعالى صوت الضحكات قشعر اجسام الأولاد من الصوت و علي الي بدأ يصارخ صرخه حريم بالغلط من الخوف
ضربه عبدالرحمن على كتفه عشان يسكت بس صارخ معاه من الجنيتين الي قاعدين يشوفونهم التفتو البنات عليهم وهم خايفين و الأولاد بالمثل و كلهم بدو يصارخون و يمسكون بعض بخوف و يركضون تحت الي نسى نعاله و بدأ يركض ب نعال واحد عزكم الله والي يصارخ والي يضحك اشكالهم حفله و كل واحد خايف اكثر عن الثاني و لفو على بعض بضحك
محمد : اقولكم ما جفتو شكل عبدالرحمن بدون نعال
دخل ف ريله شوك
عبدالرحمن : ما يضحك والله يعور اعوذ بالله هاييل منو
سعود بهدوء : ما كانو جن انتو ما ركزتو على طول ركضتو
علي : بلاه ها وايد هادي
درويش : الله يوفقك والله ما سمعت صرختك داخل؟
سكت علي و بدا الكل يضحك عليه و على صرخته و يتذكرون أشكال بعض و يستهبلون
~ فالقصر المهجور ~
حصه : يمههه خرشوني
منال : عيل أنا شو اقول في واحد يصرخ نفس الحريم
بدو يضحكون حصه و منال على أشكال الاولاد وهم خايفين و رجعو لخيمهم
~ المستشفى ~
طلعو الكل و كان في عدد مصابين جدا بسيطين
و نقلوهم لمستشفى ثانيه و غزال خذت اليازيه معاها السياره
غزال : بنت بلاج رمسي شو فيج اعرف انج جفتيه بس عادي بطلقج منه لا تحاتين
اليازيه وهي تمسك الصيحه : ماشي ماشي
حضنتها غزال بحزن على حالها و على وضعها تعرف ان شعور الخيانه خايس بس ما بايدها شي
و عند سيف الي واقف يطالع السياره الي هم فيها وهو ساكت او ضايع بالأخص لأنه مب عارف مشاعره اتجاه ولا وحده فيهم و يفكر شو يسوي و كيف يتصرف لين تقطع تفكيره ايد سحر الي على كتفه
سحر : ردني البيت ع دربك مفتاح سيارتي فالمبنى
سيف : انزين
خذها سيف معاه و نزلها و رجع القصر و المثل مع اليازيه الي نزلتها غزال بنفس الوقت بس وقفها سيف
سيف : اليازيه صبر عادي ارمسج؟
اليازيه: لا
و راحت عنه لغرفتها بدون ما تتكلم و تاخذ لها شاور حار و تنام إلا سيف الي تم واعي و ما نام
~ البر. ~
علي : خل نرجع خلاص باجر بني مع الأهل انتو مب ويه بر
عبدالرحمن : اول مرا اتفق وياك الصدق قومو خل نرجع
بدو يشلون اغراض خيمتهم و يرتبون المكان و حطو الأغراض ف السياره و حركو لين وصلو دبي
و نزلو القصر و خلو الأغراض مكانها ما فيهم حيل يسوون شي
~ المطبخ ~
يدخل عبدالرحمن المطبخ بدون لا يجوف إذا حد موجود و يطلع له ماي بارد و شنق وهو يشرب من الي جدامه وهي تركض صوبه و تضربه على ضهره وتسمي عليه
سلامه : بلاك جايف جني
عبدالرحمن: كل هالويه و جني والله إني اشلق إلا ما رديتي على أبوج موافقه ولا لا؟
سلامه : ماعرف أصلا انت ليش خطبتني اويه حتى ما نتكلم مع بعض ولا اعرفك عدل...
عبدالرحمن : قاطعها وهو يقول انزين احبج
سلامه : استهدي بالله تونا ما قلنا بسم الله خوز عني
طلعت من المطبخ وهي تفكر بالرفض لأن بنضرها هو خفيف و بزياده...
___________
انزين والله وايد سوري على القطعه السموحه🥲💔
