~عند غزال و اليازيه~
غزال :افف انتي كيف تستحملينه
ضحكت اليازيه من عصبيه غزال وهي تسألها الحين انتي ليش معصبه خلاص أنا أصلا في وايد افكار فبالي بسويها فيه بس دقيقه وهي تطلع تلفونها تراويها الصور الي خذتها ل سحر وهي بحضن سيف و تتغير ملامح غزال للعصبيه مرا ثانيه وهم يقعدون يتكلمون عن شو ممكن يسوون فيه بس بدون تدخل الشرطه استأذنت اليازيه وهي تطلع من الكوفي ترجع للقصر
~ فالقصر ~
ترجع البيت تنزل عبايتها و تبدا تسلم تتريا حسن ايي عشان تسولف معاه عن اول يوم لها و بنفس الوقت ينزل سيف وهو للحين معصب بعد ما غير ملابسه و يجوفها قاعده فالصاله و مو مهتم للي قاعدين و يبدا يصارخ : زين زين اليازيه شرفتنا يلي ما تستحين انتي والي كانت وياج و الكل منصدم من صريخه يدخل حسن وهو يسمع الإزعاج وجاف انه يصارخ على اخته وهي تركض صوبه تنخش ورا ضهره حسن بعصبيه: خير ان شاءالله انت منو عشان تصارخ
سيف : اسأل اختك منو الي كانت وياها كيف تتجرا جي تسوي فيني
حسن لف عليها : انتي شو مسويه
اليازيه بنضره لحسن تترجاه يغطي عليها : أنا ؟ أنا المسيجينه أنا أنا المضيليمه انا
حسن عرف انها مسويه مصيبه تنتقم من سيف وهو يكتم ضحكته عليها : خلاص انزين ما اعرف شو السالفه بس أكيد انها ما تقصد و حتى لو غلطانه ما يعني انك تصارخ عليها هالكثر و هاي اول و آخر مرا اسمع صوتك العالي عليها فاهم؟
سحب سيف عليه وهو يرجع غرفته وهو بينفجر من العصبيه الي تداهمه كل ما تذكر فشلته فالمستشفى قدام الكل و بسبب بنت
~ فالصاله ~
عمر : أقولكم دامكم جهزتو أغراض السفره و هي باجر محد فيكم يوعان ؟
عبدالرحمن وهو ماسك بطنه : والله و يبتها عمي والله إني مين يوع صدق دقيت الوتر الحساس
ضحك عليه حسن : بالله عليك عطني يوم و ما كنت فيه يوعان؟ والله ما بتحصل
ضحك عمر عليهم وهو يكلم يوسف : يوسف قوم هات لهم أكل خيكون منك فايده بدال هاليلسه ما منها فايده صدق و حرك دمك مرا وحده
تنهد سيف : ان شاءالله
وهو يطلع فوق يبدل و ياخذ سويج سيارته وهو فالسياره يدق عليه ربيعه و تاخذهم السوالف و يقوله تعالي قابلني فالكوفي بقولك شي
وهو يغير مسيرته و متناسي عمه الي ينتضره فالقصر و يوصل الكوفي يسلم على ربيعه و يقعدون يسولفون و يضحكون مع بعض لين اعتذر منه ربيعه و طلعو الاثنين تذكر يوسف الأكل و مر عند المطعم بس كان اوردي مسكر وهو يحك رأسه بتوتر شو بيسوي الحين كلهم يوعانين و عمه عمر عصبي أكيد بياكله بقشوره قرر اييب لهم من دليفري هو بيوصل الأكل للقصر و خلاص يبركن سيارته برا وهو خايف من رده فعلهم يدخل و يسلم
عمر : ولد وين الأكل روح حطه عند أمك فالمطبخ
سكت يوسف ما قال شي وهو يروح المطبخ يجوف عبدالرحمن و أمه هناك يفهم أمه ان الأكل بيوصل بعد شوي و تطلع هي من المطبخ
عبدالرحمن : ولد أنا صح يوعان بس عادي بتريا بس عمي والله يويلك منه صدق و يدخل عليه عمه عمر وهو ما يشم أو يجوف الأكل فمكان : ولد وين الأكل؟
سيف : عمي الصدق أني ما يبت الأكل نسيت
عمر : شووو كيف يعني عيل انت وين كنت كل هالمده و هو يبدا يصارخ عليه بعصبيه لأنه تاخر اكثر عن اللازم
يدخل راشد المطبخ يسمع صريخ عمه عمر على يوسف لأنه متاخر للحين ما ياب العشا وهو يجوف عبدالرحمن حاط غطا على ويهه عشان ريحه الفلفل و هو يقرب منه ويمسك طرف الغطا و يقول : شيلي الطرحه عن الوجه السموح
سكتو كلهم وهم يطالعونهم و عمر معصب منه
راشد : اسف والله كمل
حاول يكتم ضحكته عبدالرحمن بس ما قدر وهو ينفجر عليه و من غبائه فالوقت الغلط
عمر ما قدر يستحمل سخافتهم وهو يضرب بالعصا الي كانت فايده و كلهم يشردون
يدق جرس القصر دليل ان الأكل وصل
راح عبدالرحمن بييب الأكل وهو يجوف سلامه سابقتنه : بنت تخبلتي دشي داخل و ليش اتييبن الأكل ترا شي رياييل داخل هم بييبونه انتي تمي داخل آخر مرا اجوفج طالعه عشان الاكل
حزت بخاطرها سلامه من كلامه معاها ماله داعي كل هالاسلوب بس سكتت وهي تدخل داخل وهي متضايقه
ياب عبدالرحمن الاكل لاحضت خلود بنتها ما قاعده تأكل : بنت سلامه بلاج ما تأكلين حبيبتي تعالي زهب الغدا شو بلاج ؟
سلامه : ماشي أمي بس مب يوعانه وايد بس بسير ارقد
راحت فوق بدون ما تسمع رد حد
و عبدالرحمن يطالعها وهي تصعد فوق و مستغرب منها قبل شوي كانت تسأل عن الغدا شو تغير؟
~ غرفه سلامه ~
تسكر الباب وهي تطلب لها أكل شو عبالكم بتزعل عشان كم كلمه ؟ لا طبعاً
تتريا الاكل لين دق عليها مال التوصيل وهي تكلم راشد اييب أكلها
طلع لها راشد و هو مستغرب منها ليش تطلب اكل قبل شوي تقول شبعانه و تبا ترقد : بنت تستهبلين انتي ولا عندج وايد فلوس ما تعرفين شو تسوين فيهم؟
كان شي اكل تحت ليش ما نزلتي دامج يوعانه صدق ؟
سلامه : اوهووو بتقعد تتحلطم ترا مالي خلقك هات آكلي الله يعين حرمتك عليك
راشد : يبوي حرمتي بتكون معززه مكرمه عندي شعبالج؟
سلامه : اقول اطلع برا لا افصل عليك الحين يلا برا
راشد : اوكي اوكي دلوعه
طلع وهو يسكر الباب وراه و ينزل لهم تحت يسولفون شوي و يروحون المسيد صلاه العصر الحين
طلعو البنات يصلون و يبدون يجهزون اغراضهم من الحين لان الصبح محد متفيج للحشره
تنزل البازيه و بنفس الوقت ينزل معاها سيف : بنت على الأقل اعتذري
اليازيه : أنا ما سويت شي هاي ربيعتي الي جبت عليك
سيف : صح بس الحين هي مو موجوده و اعتذري مكانها
تخصرت اليازيه : ع كيف منو ان شاءالله والله ما اعتذر زول عني
راحت بسرعه عشان ما تناقشه وايد
—————-
888 كلمه بسكم لا تقصرون بالنجوم🪷
