(حلم اليازيه )
سيف: قومي حبيبتي بنتعشى
اليازيه : تمام بس البس و انزل لك
سيف : تمام لا تتأخرين
راحت تلبس عبايتها و نزلت له السياره
سيف : ليش ما تلبسين عباه سوده يبنت الحلال أغار شو فيج
اليازيه : خلاص عادي ترا إلا هي لون عباه ما فيها شي
سكت عنها سيف تعب وهو يحاول يفهمها
_________
فزت من نوها وهي خايفه من متى يقول لها حبيبتي و ليش علاقتهم استوت حلوه فجاه و سحر؟
تتلفت حولها شافت ان البنات كلهم قايمين و يطالعونها وهم مستغربين
العنود : بلاج ياج كابوس؟
اليازيه : هيه ، ليش ما وعيتوني البس تأخرت
سلامه : حاولنا بس ما تقومين تميتي تبتسمين فالحلم كيف كابوس ؟
سحب عليها اليازيه وهي تقوم من فراشها بتعب و تتجهز للمطار دخل عليهم سالم يقولهم ان التكسي وصل نزلو الشنط و عمر يساعدهم بالشنط
و طلعو للمطار و راحت اليازيه تطلب لها اكل
العنود : آخر مرا انتي يلستي عند الجامه المره هاي دوري
سلامه : لا شو مابا عند الممر كله يدعمون كتفي مب شي جي
العنود : ما يخصني تصرفي
تمو يتضاربون و الكبار قعدو نص ساعه يتريون الطياره لين زقرو رقم طيارتهم و وصلو الطياره قعدت تدور اليازيه كرسيها لين جافت سيف قاعد عند الجامه و هي كرسيها صوبه فالنص و بالنسبه لها هذا اخيس مكان تبا جامه هي جي متعوده بس ما تبا تتكلم معاه قعدت صوبه غصب لين لفت على العنود
اليازيه : اقولج بتبدلين وياي؟
العنود : سيري ولي من متى وانا أتضارب مع سلامه عشان الجامه و الفلم الي بنجوفه قولي حق سيف يبدل معاج
سمعهم سيف : قولي انزين يوم انج تبين الجامه
وهو يقوم و يبدل مكانه معاها قعدت وهي مستانسه عشان تقدر تطالع الفلم مو عشانه
تمر أربع ساعات و خلصت فلم و نص ما قدرت تكمل و تنام و المثل مع الباقين و العند الي سحبت على الفلم من اول نص ساعه و نامت لين وصلو الأمارات
نزلو و ركبو تكسي ومر الوقت بسرعه للقصر
( فالقصر )
سالم : اليازيه عمر كلمني عن خالج و بناته اليوم بيوون قالو بيزورونج انتي واهلج اتجهزي حبيبتي
اليازيه بصدمه : صدق ؟ اويه اوكيه بسير متى بيوصلون؟
نوره : فليل بيتعشون عندنا و بيروحون بس
اليازيه : تمام
راحت فوق غرفتها وهي تفكر ف بنت خالتها عاليه
تعريف عن عاليه
عاليه : ربيعه بنت عمها اليازيه من كانت فالكويت
و طيبه وايد عمرها 21
بس
تفكر فيها و ف اختها الثانيه التوأم و عكسها تماممم و دايم تسوي مشاكل و ترمس شباب وهي نفسها اخت سهيل
(شرح بسيط ) | خوات سهيل هم عاليه و دانه و امهم اسمها سندس مو إماراتيه و أبوهم اسمه شهاب
هي تحب عاليه وايد بس أخونها مب زينين
سكتت وهي تبدل ملابسها و تنزل لهم تحت تتريا الغدا لين رسل لها حسن هو يعرف ليش تضايقت من الخبر و متفهم كل شي ارسل لها تترياه برا القصر يبا يكلمها شوي
راحت برا تتريا حسن عشان تكلمه وهي تسمع أصوات غريبه لين سمعت صوت هي تميزه عدل و ما خاب ضنها ابدا سهيل : هلا بالزين عيل مسافره ها ؟
اليازيه : خوز ولا والله
قاطعها سهيل : ولا شو ما تقدرين تسوين شي
عصبت اليازيه من جافته بدا يقرب منها و طلعت سلاح حسن من مخباها بسرعه و تصوب على رأسه
سهيل بضحك : ما تقدرين والله اتحداج
طلقت اليازيه قريب من ريله فزو كل الموجودين فالقصر من صوت المسدس الي مو متعودين عليه إلا بالدوام وهم يطلعون له جاف حسن اخته وهو يخشها ورا ضهره : انت شو تسوي؟؟ هني تستهبل اطلع برا ولا والله ما تطلع من هني حي !
سهيل : لا سلامتك بس ابا الي ورا ضهرك
اليازيه وهي خلاص بتنفجر من العصبيه : هدني هدني عليه أنا الي بذبحه على ايدي هذا ***** أهله ما عرفو يربونه أنا اربيه
سهيل بعصبيه : احترمي نفسج ولا تنسين مقامج يوم انج كنتي ****
اليازيه : تخسي والله هذا ماضي اختك الي ما تستحي تغازل الرايح و الياي راجع نفسك يالوصخ قدرت تفك مسكه حسن وهي تروح ل سهيل ركض و تجلبه ب حركه سريعه على ضهره و ترفسه فبطنه بكل ما أوتيت من قوه و بدأ يكح دم بتعب كلهم مو فاهمين شي و مصدومين من شخصيتها الي طلعت فجأه إلا حسن الي عرف انها تلعب جوجيتسو و عشان جي كانت تدرس برا بروحها بدون لا حد يخاف انه ياذيها لان تعرف تتصرف و هي توقف تضربه بتعب
: هذا القصر يتعذرك والله ثم والله ان جفتك داخل من باب القصر ما تسلم مني و انت مب طالع من هني حي
راح عندها حسن وهو يسحبه من كندورته لبرا و يعطيه بكس من الخاطر ما قدر يوقف و طاح على الأرض هلكان من كميه الضرب و حسن يسكر الباب فويهه وهو معصب يرجع داخل الحوش يجوفهم مستغربين و مصدومين ما رد على أسالتهم سحب ايد اليازيه يدخلها غرفته و يسكر الباب
راشد : انتو تغدو أنا ما بكون فالبيت ربعي يتريوني مسوين كشته فالبر يوم و برد ان شاءالله
خلود : انزين اميه لا تتأخر
راشد : علي بتي ؟
علي : يمكن فليل ايي الحين مالي خلق برقد
راح راشد غرفته يطلع ملابسه
~ غرفه حسن ~
حسن : سمعي ترا بييون العشاء هو و اهله حاولي تستحملين اخته اعرف بالي مستوي ولا تحاتين أنا بتصرف مع الحيوان الي برا إذا تضايقتي أو حسيتي انج مو مرتاحه وياهم عادي تطلعين غرفتج ما فيها شي و السلاح الي عطيتج إياه عشان تودينه غرفتي ليش تستخدمينه جي أنا ما دربتج عشان تطلقينه عليه وانتي ما عندج تصريح الي سويتيه صح بس سيري طلعي لي رخصه اول ولا بيقدر يبلغ عليج و يسجنج
سكتت اليازيه ما تعرف شو ترد
تفهم حسن سكوتها ما يحب يضغط عليها اكثر عن جي
و خلاها تطلع براحتها
بس وقفها سيف الي سحبها من ايدها لغرفته
سيف : منو ها ليش دايم أحصله وياج ممكن تفهميني سالفته......
___________________
خلونا نتفق على يوم فالاسبوع انزل فيه بارت اي يوم تبون؟
