~ قصر سالم ~
الكل يالس يتريا بنت عمهم اليازيه و جود ماسكه الصيحه و عبدالرحمن ملاحض عليها
وصلت سياره عمر و نزل منها حسن و حور و اليازيه و عمر و بدو يسلمون عليها و يتحمدون لها بالسلامه
جود اول ما لمحتها ركضت تحضنها و تتفجر صياح اليازيه باستغراب : بلاج ليش تصيحين ؟
جود وهي تمسح دموعها : يالجلبه من متى وانتي عندج دراجه ؟ وليش تطلعين بدون ما تقولين ؟ وحق شو مو منتبهه للطريج تبين تتصفعين ؟؟
اليازيه الي فهمت أنها خايفه عليها و هاي طريقه عتابها لها : انزين خلاص الي صار صار و أنا الحمدالله ما فيني شي خلاص سكتي
اليده نوره: باجر ملجتج يا اليازيه أنا جهزت كل شي بس باقي انتو يالبنات تطلعون تتشرون
جود الي نست همها من سمعت تتشرون: اووههه حماس شوبنق يلا عاد ابا اطلع من زمان ما كشخت عدل
كلهم طلعو غرفهم يبدلون
~ فالسياره مع العنود ~
سلامه : تحسون قوم غدير و هاييل بيون ملجتها ؟
ما احبهم ياخي ماباا
اليازيه بعدم اهتمام : يسوون الي يبونه بييون ما بييون عادي ما فرقت وياي الصراحه
العنود وهي تسكر السالفه: خلاص سلامه كيفهم ما نبا مشاكل
سكتت سلامه وهي زعلانه ما تباهم تعرف إنهم يحبون سيف
~ وصلو دبي مول ~
دشو محل فساتين
العنود مسكت فستان ابيض قصير و مخصر مزخرف عالخفيف : اقولج شرايج ف ها احس حلو عليج
اليازيه : هي الصدق عيبني خلاص أوكيه مع كعب اسود جفته ف ysl يليق عليه
سلامه و العنود راحو يمشون و يدورون فساتين حق الملجه و اليازيه يلست ف كوفي
ياها واحد و عرفته على طول هو نفسه الي كان يهددها قبل فالكويت
قالت بتوتر تحاول تخفيه : أنت شو تبا للحين تلاحقني؟
سهيل : أنا قلت لج والله ما تأخذين غيري ما تفهمين؟؟ و الحين اعرف انه باجر ملجتج
اليازيه : خلاص ياخي سير جوف حياتك كل واحد و نصيبه ما يكفيك الي سويته فيني قبل؟
سهيل لاحض بنتين يايين عند الطاوله و راح
سلامه باستغراب : ها منو اويه ليكون يرقمج ها بعد
