گاعدين نسولف طبيعي واندگ الباب
راح ابوية وفتح الباب
عقد حاجبة ابوية وجهة كلامة لنبيل؟
وانصدمت من ردة!
ـ شنو هلغراض
نبيل هاي انتة جايبة
ـ لا اني ماموصي شي
رحت يم الباب
شفت علب فخمة محاوطة المكان
بكمية هائلة
جان اكو على العلب ورقة
فتحتها مكتوب بيها نيشانچ"التنين"
ذبيت الورقة بلعلبة واني دمي فاير
ـ شمكتوب بنتِ
ـ ماكو شي
صعدت فوك واني اعض بأيدي
احس نفسي متنرفزة
الحقير راح اتزوج وهوة بارد ماعندة ردة فعل توقعت يسوي شي ويمانع
شوية وسمعت صوت سيارة نبيل معلن على روحتة وابوية صاحلي
نزلت جوة تحت انظارة المتوترة
ـ التنين جابة؟
ـ اي
ـ شراح تسوين بهل اشياء
ـ هسة راح تشوف
بس بابا ممكن تنطيني موبايلك شوية
رفع حاجبة بغرابة
ـ شتسوين بي
ـ اريدة
ولاول مرة اطلب من ابوية شي وينفذة بدون كثرة مناقشات
اخذت الموبايل ودخلت لأحد المواقع التواصل الاجتماعي
شلت الغراض
كلها وحدة وحدة والدموع توگع من عيوني
شهگاتي قوية خلص بعد ماكو شي اضمة
حبة صار علني
وكسرتي ضهرت للكل
لاول مرة ماعندي شي اخاف منة من بعد مدة طويلة
خلص انتهى الشغف الي بداخلي انتهى من عرفت الحقيقة
ركضت للمطبخ ادور على الجداحة بخبال اسحب بلغراض واطشرهن لگيتها!
درت عيني على امي وهية مخلية ملابسها على حلگها تبجي على حالتي بكتمة
وطلعت للحديقة المليانة غراض
ذبيت النفط بأهمال
وفتحت البث وصورت الشاشة
بايد ترجف
صورت المشهد كامل
حرگت كلشي جابة الي حرگتهن وعبالك ماحرگت الغراض حرگت گلبي
لان اعرف المفروض هلغراض تجيلي واني فرحانة من زواجي بأوپرا
گعدت يم النار الي اكل الغراض
خليت ايدي على راسي بندم وبچيت قوي
البث ضل مشتغل والمشاهدين ماينعدون
والناس تدور سالفة وتحجي بيها
اكيد راح ينشهر ويوصل لة
هوة هذا الهدف
بحثت عن اسمة
ولگيت حسابة مخلي صورتة بملابسة المخملية
صورة وحدة موجودة بلحساب والمتابعين مليونين
دزيتلة المقطع
بنفس الوقت شافة
انتظرت ساعة ساعتين ثلاثة......
وماكو رد
تنرفزت وتهسترت بلزايد
كتبت لة
ـ اكرهك
وية كل كلمة كتبتها متت الف موتة
معقولة اجة هليوم الاكتب بي لحب عمري اكرهك
مرة الايام وماشفت أوپرا وصرت اتجنب مقابلة نبيل وأهلة الي صارو كلما زانت الجلسة يدگون الباب ويدخلون
ماعرف شلون راح اتزوجه واتحمل اشوفهم گبالي اربعة وعشرين ساعة
أجلت موعد زواجي بأنتظار اشارة من
اوپرا يجي ويگولي احبج واني ماكدر اعيش بدونج
بس هو التنين واني مجنت اعرف كبرياء التنين فوق كلشي وفوقي!
أنت تقرأ
ترنيمة التنين
Actionنبذه لازم يكون بين الحوش شخص لطيف وهلشخص هاذا هوه أنا ! او يجوز الحوش هوه أنا ! بنت وحيده لأهلها منعزله عن العالم تحب الكتب لكن يحصل شي غير متوقع وتقع بحب عدو أبوها لكن هوة مو عدو عادي ! هوة الي يخلك تتمنى الموت وماتحصلة ! اتوقع صار واضح منو الش...
